قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ نىسانداردىڭ ساپاسىز سالىنۋ سەبەپتەرٸن اتادى, دەپ حابارلايدى قازاقپارات.
«يگەرٸلمەۋ نەگە ورىن الادى? ٶيتكەنٸ, ەسەپ كوميتەتٸ, باسقا دا ورگاندار بار. قىزمەتتٸك ٶكٸلەتتٸكتەرٸ ٷلكەن باقىلاۋشى ورگاندار كٶپ. ولار كەز كەلگەن تەندەردٸ زاڭسىز دەپ تانىپ, وعان شاعىم تٷسٸرە الادى. بٸزدە قۇرىلىستار نەلٸكتەن ساپاسىز? سەبەبٸ, جىل باسىندا تەندەر جارييالانعاندا بٸرەۋ ۇتىپ الىپ, ەكٸنشٸسٸ شاعىمدانادى. وسىناۋ سوت سارساڭى, پروكۋرورلىق تەكسەرۋلەر جارتى جىلعا دەيٸن سوزىلادى. ال ول جىل سوڭىنا دەيٸن نىساندى سالىنۋى تيٸس. ول قۇرىلىستى ساپاسىز سالادى نەمەسە 2-فورماعا قول قويىپ, قىلمىستىق تەكسەرۋ نىسانىنا اينالادى. جوبا بولۋى تيٸس. يگەرگەننەن كەيٸن قاراجات بٶلٸپ, بٸرتٸندەپ جٷرگٸزٸلۋٸ قاجەت», - دەدٸ اگەنتتٸك باسشىسى ٷكٸمەتتٸك ەمەس ۇيىمدار ٶكٸلدەرٸمەن ونلاين كەزدەسۋدە.
ونىڭ اتاپ ٶتۋٸنشە, ٷكٸمەتتٸڭ ماقساتتى ينديكاتورى بار.
«جىل سوڭىندا بيۋدجەتتٸ يگەرمەگەندەر, تۇرعىن ٷيدٸ, ٶنەركەسٸپتٸك نىساندى پايدالانۋعا بەرۋ ماقساتتى ينديكاتورلارىن ورىنداماعاندار جاۋاپقا تارتىلادى. مٸنە, وسىعان بايلانىستى ولار تولىق سالىنباعان نىساندى جوعارىدا اتالعان ماقساتتى كٶرسەتكٸشتەردٸ ورىنداۋ ٷشٸن جۇمىس ٸستەپ تۇر دەپ مەلٸمدەۋگە مەجبٷر بولادى. سوندىقتان بۇعان قاتىستى بٸزدٸڭ كٶپ سۇراعىمىز بار. قازٸر مەملەكەتتٸك ساتىپ الۋ سالاسىن, ونىڭ ٸشٸندە اتالعان مەملەكەتتٸك باقىلاۋ-قاداعالاۋ ورگاندارىنىڭ قىزمەتٸن سارالاپ جاتىرمىز. ول جەردە اسىرا پايدالانۋ, جٷگٸنگەندەردٸڭ بٸرٸنە باسىمدىق بەرۋ ٶتە كٶپ. قازٸردٸڭ ٶزٸندە بۇل سىزبا قولىمىزدا بار. كەلەسٸ جولى مۇنىڭ بارلىعىن كٶرسەتەمٸز», - دەدٸ مارات احمەتجانوۆ.
