ەلەۋمەتتٸك جەلٸدە نۇرگٷل حاسانوۆا اقىننىڭ ايتىس كەزٸندە ايتقان سٶزٸنەن ٷزٸندٸ جارييالاپ, ونىڭ ەرەكەتٸن سىنعا الدى, دەپ حابارلايدى ult.kz.
«مىناۋ نە ماسقارا, نە كٶرگەنسٸزدٸك! كٷنٸ كەشە شايىر اۋىلىنىڭ 100 جىلدىعىندا بولعان جاعداي. WhatsApp ارقىلى كەلٸپ جاتىر. “اياعى لاس تٶردٸ بىلعايدى, اۋزى لاس ەلدٸ بىلعايدى” دەگەن, اۋزىنا كەلگەنٸن كٶكٸپ وتىرعان مىنانى جەلكەلەپ ساحنادان قۋىپ شىعاتىن بٸر نامىستى ادام بولماعانى ما سول جەردە?! جٷز جەردەن “جۇلدىز”, مىڭ جەردەن “دٷلدٷل” بولسا دا! مىناۋ نە باسىنۋ, نە تايراڭداۋ?! ايتىستىڭ ەدەبٸ, ساحنا مەدەنيەتٸ قايدا?! ايتىستى ۇيىمداستىرۋشىلار مەن قازىلار القاسى نە قاراپ وتىر?! ەلدٸ سىيلاماۋ, جەردٸ قورلاۋ, تۇتاس حالىقتى ادام قۇرلى كٶرمەي, ار-نامىسىن تاپتاۋ عوي بۇل!» – دەپ جازدى ول.
ونىڭ جازباسىنان كەيٸن جەلٸ قولدانۋشىلارى دا اقىننىڭ سٶزٸن سىنعا الىپ, پٸكٸر بٸلدٸردٸ.
ال ايتىس وداعىنىڭ تٶراعاسى اماندول ەلتاي بۇل شارانىڭ وداقتىڭ رەسمي جوسپارىندا بولماعانىن ايتتى. ونىڭ سٶزٸنشە, شايىر اۋىلىنداعى ايتىس جەرگٸلٸكتٸ ازاماتتاردىڭ ۇيىمداستىرۋىمەن ٶتكەن.
«جەكە كەسٸپكەرلەردٸڭ دەمەۋشٸلٸگٸمەن, سول ٶڭٸردٸڭ ازاماتتارىنىڭ ۇيىمداستىرۋىمەن ٶتكەن. بٸزدٸڭ قاتىسىمىز جوق. ٶزٸم ۇيىمداستىرعان, قاداعالاعان ايتىستاردا ساحنا مەدەنيەتٸنٸڭ ساقتالۋىنا, اقىنداردىڭ ەدەبٸنە ەرەكشە مەن بەرەمٸن», – دەدٸ اماندول ەلتاي.
ول سونداي-اق ماقسات احانوۆقا قاتىستى شەشٸم قابىلدانعانىن مەلٸمدەدٸ.
«ماقسات احانوۆتى الداعى جارتى جىلدا ايتىستارعا قاتىستىرماۋ جٶنٸندە شەشٸم قابىلداندى», – دەدٸ ايتىس وداعىنىڭ تٶراعاسى.
