قىزىلوردا وبلىسىنىڭ پوليتسييا دەپارتامەنتٸ ەلەۋمەتتٸك جەلٸلەر مەن مەسسەندجەرلەردە كەڭ تاراعان «ٶڭٸردە سەرييالىق مانياك جٷر» دەگەن قاۋەسەتتٸ رەسمي تٷردە جوققا شىعاردى, دەپ حابارلايدى ult.kz Politico.kz سايتىنا سٸلتەمە جاساپ.
ۆەدومستۆونىڭ مەلٸمەتٸنشە, سوڭعى كٷندەرٸ تۇرعىندار اراسىندا ٷرەي تۋىنداۋىنا بٸر-بٸرٸمەن بايلانىسى جوق ەكٸ بٶلەك قايعىلى وقيعا سەبەپ بولعان. الايدا قۇقىق قورعاۋ ورگاندارى بۇل وقيعالاردىڭ اراسىندا ەشقانداي ورتاق قىلمىستىق بايلانىس جوق ەكەنٸن ناقتى ايتتى.
بٸرٸنشٸ وقيعا 1 ماۋسىم كٷنٸ جاڭاقورعان اۋدانىندا جەرگٸلٸكتٸ تۇرعىننىڭ ٶلٸمٸ تٸركەلدٸ. جەدەل-ٸزدەستٸرۋ شارالارىنىڭ نەتيجەسٸندە كٷدٸكتٸ انىقتالىپ, ۇستالدى. سوت سانكتسيياسىمەن ول قاماۋعا الىندى. قازٸرگٸ تاڭدا تەرگەۋ امالدارى جٷرگٸزٸلۋدە.
ەكٸنشٸ وقيعا 3 ماۋسىم كٷنٸ شيەلٸ اۋدانىندا كانال شليۋزٸنەن بۇعان دەيٸن جوعالىپ كەتكەن قىزدىڭ دەنەسٸ تابىلدى. اتالعان فاكت بويىنشا قىلمىستىق ٸس قوزعالىپ, وقيعانىڭ مەن-جايى تولىق تەكسەرٸلٸپ جاتىر.
پوليتسييا بۇل ٸستەر بويىنشا تەرگەۋ مٷددەسٸنە بايلانىستى بارلىق دەرەكتەر جارييالانبايتىنىن اتاپ ٶتتٸ.
سونىمەن قاتار ۆەدومستۆو ەلەۋمەتتٸك جەلٸلەردە راستالماعان اقپارات پەن تٷرلٸ قاۋەسەتتەردٸڭ تارالۋى قوعامدا نەگٸزسٸز ٷرەي تۋدىراتىنىن ەسكەرتٸپ, ازاماتتاردى تەك رەسمي دەرەككٶزدەرگە سەنۋگە شاقىردى. جالعان اقپارات تاراتقاندار زاڭ اياسىندا جاۋاپكەرشٸلٸككە تارتىلاتىنى دا قاتاڭ ەسكەرتٸلدٸ.
