2025 جىلعا دەيٸن ماڭعىستاۋ وبلىسىندا گاز قۇبىرلارىن جٶندەۋ مەن سالۋدى كٶزدەيتٸن 7 جوبا ٸسكە اسادى, دەپ حابارلايدى قازاقپارات.
بۇل تۋرالى ەنەرگەتيكا مينيسترٸ ماعزۇم مىرزاعاليەۆ ٷكٸمەت وتىرىسىندا مەلٸم ەتتٸ.
«ٶڭٸردٸ گازداندىرۋ مەسەلەسٸنە كەلەتٸن بولساق, وبلىستا جالپى قۇنى 266,6 ملرد تەڭگە بولاتىن 7 گاز ينفراقۇرىلىمى جوباسىن ٸسكە اسىرۋ جوسپارلانىپ وتىر», - دەگەن مينيستر سولاردىڭ ەڭ نەگٸزگٸلەرٸنە قىسقاشا توقتالدى.
ولار:
- جالپى سوماسى 207,4 ملرد تەڭگەگە «بەينەۋ-جاڭاٶزەن» ۋچاسكەسٸنٸڭ 1-شٸ جەلٸسٸن كٷردەلٸ جٶندەۋ جەنە 2-شٸ جەلٸسٸن سالۋ جوباسى;
- 16,5 ملرد تەڭگە قاجەت ەتٸپ وتىرعان «جاڭاٶزەن-اقتاۋ» ماگيسترالدىق گاز قۇبىرىن كٷردەلٸ جٶندەۋ جوباسى;
- 25,7 ملرد تەڭگە سالۋ جوسپارلانعان قۇرىق اۋىلىنا «جاڭاٶزەن-اقتاۋ» ماگيسترالدىق گاز قۇبىرىنان گاز بۇرۋ جەنە گاز تاراتۋ قۇبىرلارىن سالۋ جوباسى.
«وسى جوبالاردى ٸسكە اسىرۋدىڭ ارقاسىندا ماڭعىستاۋ وبلىسىن گازبەن جابدىقتاۋ مەسەلەسٸ تولىق شەشٸلەدٸ. جۇمىس ٸستەپ تۇرعان «قازاق گاز ٶڭدەۋ زاۋىتىنىڭ» توزۋ دەڭگەيٸ ٶتە جوعارى. مەملەكەت باسشىسىنىڭ تاپسىرماسى بويىنشا جاڭاٶزەن قالاسىندا زاماناۋي گاز ٶڭدەۋ زاۋىتىن سالۋ جوسپارلانعان.
بۇل زاۋىت ەلەمدٸك ستاندارتتارعا سەيكەس جىلىنا 900 ملن تەكشە كٶلەمٸندە شيكٸ گازدى قايتا ٶڭدەيتٸن بولادى.
وسىعان بايلانىستى, «قازمۇنايگازعا» بۇل جوبانى ٸسكە اسىرۋ جۇمىسىن جەدەلدەتۋ قاجەتتٸگٸن اتاپ ٶتەمٸن», - دەدٸ ماعزۇم مىرزاعاليەۆ.
