ماڭعىستاۋ وبلىسىنىڭ ٷشتاعان اۋىلىندا تۇراتىن ەرلٸ-زايىپتىلار قولٶنەر بۇيىمدارىنىڭ ەرەكشە ٷلگٸسٸن جاساۋدا, دەپ حابارلايدى "ۇلت اقپارات".
اۋىل تۇرعىندارى مۋساحان ەگٸزباەۆ پەن ەلەيحان ەگٸزباەۆا جاستارعا قولٶنەر بۇيىمدارىن جاساۋدىڭ جولىن ٷيرەتٸپ جٷر. ەسكٸرگەن جابدىقتاردى جاڭارتىپ, ٶرمەك توقۋ مەن كٶرپە تٸگۋ جۇمىسىنا قىز-كەلٸندەرٸ مەن نەمەرە-جيەندەرٸ دە قولعابىس ەتەدٸ. بٸرٸ ۇرشىق يٸرسە, بٸرٸ توقىما توقيدى, ەندٸ بٸرٸ كيٸز باسۋ ٷشٸن جٷن سابايدى.
«مالدىڭ تەرٸسٸنەن تٶسەنٸش دايىنداۋ ٷشٸن, الدىمەن تەرٸنٸ دايىنداپ الامىز. ەۋەلٸ سويىلعان مالدىڭ تەرٸسٸن تۇزداپ الۋ قاجەت. سودان سوڭ كەپتٸرەدٸ. كەيٸن ىستىق سۋ جەنە ايرانمەن جۋىپ لاس تەرٸسٸن الىپ, يٸسٸن كەتٸرەمٸز. كەۋٸپ, جۇپ-جۇمساق تەرٸ دايىن بولعاندا پايدالانادى. مالدىڭ تەرٸسٸ, جٷنٸ, سٷيەگٸ, ٸشەگٸ بەرٸ پايداعا اسادى. تەرٸسٸنەن كەزٸندە تىماق, ٸشٸك پٸشەتٸنبٸز. قازٸر جۇمساق, ادام اعزاسىنا پايدالى تەرٸنٸ بالالارعا جىلىلىققا تٶسەيمٸن. بۇدان بٶلەك تٷيە جٷنٸنەن كٶرپە تٸگٸپ, قويدىڭ جٷنٸنەن كيٸز باسامىز. جٷندٸ تازالاپ جۋىپ, جٸپ ەتٸپ شۇلىق, جەمپٸر, ەشكٸ جٷنٸنەن تٷبٸت ورامال توقيمىز. كەزٸندە ٸشەگٸن دومبىراعا ٸشەككە پايدالاناتىنبىز. قازٸر بۇل قۇندىلىقتاردى ٷيرەنۋگە نيەتتٸ جاستار از. وسىنداي قولدان جاسالاتىن تابيعي دەستٷرلٸ قولٶنەر بۇيىمدارىن كەيٸنگٸ ۇرپاققا ٷيرەتۋ ماقساتىمىز»,- دەيدٸ ەلەيحان ەگٸزباەۆا.
ال, وتاعاسى مۇساحان ەگٸزباەۆ قامشى ٶرٸپ, سٷيەكتەن سابىن جاسايدى.
«الدىمەن, تٷيەنٸڭ تەرٸسٸن تۇزداپ, تازارتىپ, ايرانمەن يلەپ, پايداعا اساتىنداي جۇمسارعان سوڭ التى, سەگٸز تٸپتٸ ون ەكٸ ٶرٸمگە قاراي تٸلٸنەدٸ. جىڭعىل اعاشىن جونىپ بەس تۇتام ەتٸپ دايىنداپ, تٶرت تۇتام باسىنا تەرٸدەن قامشى ەتٸپ ٶرەدٸ دە تارامىسپەن تٸگەدٸ. تارامىس دەگەنٸمٸز - ٸرٸ قارانىڭ سٸڭٸرٸنەن الىنعان بەرٸك جٸپ. تارامىس ەزٸرلەۋ ٷشٸن كٷزدە سوعىمعا سويىلعان ٸرٸ قارانىڭ جەلكە, جٸلٸنشٸك سٸڭٸرلەرٸن ەتسٸز سىلىپ الۋ كەرەك. سىلىنعان سٸڭٸرلەردٸ كٶلەڭكەگە ٸلٸپ قويىپ, بابىمەن كەپتٸرەدٸ. ەبدەن كەپكەن تارامىستى بالعامەن جۇمسارتادى. قامشى سەكٸلدٸ تەرٸدەن جاسالاتىن بۇيىمداردى وسى تارامىسپەن تٸگەدٸ. ال, مالدىڭ سٷيەگٸن ەبدەن قايناتىپ سابىن دايىندايدى. سٷيەك مايى تولىق قايناعان سوڭ سٷيەكتٸ الىپ تاستاپ, يتسيگەك شٶبٸن قوسىپ قويۋلانعانشا قايناتىپ ەر تٷرلٸ قالىپپەن سابىن جاساۋعا بولادى»,- دەدٸ مۋساحان ەگٸزباەۆ.
