قاراجانباس كەن ورنىنداعى "Caspian food" جشس جۇمىسشىلارى ەرەۋٸلگە شىعىپ, پرەزيدەنتكە بەينەٷندەۋ جولدادى, دەپ حابارلادى Sputnik اگەنتتٸگٸ Lada.kz پورتالىنا سٸلتەمە جاساپ.
كومپانييا كەيتەرينگ, ياعني شالعاي جەردە تاماقتانۋ قىزمەتٸن ۇيىمداستىرۋمەن اينالىسادى. ال جۇمىسشىلاردىڭ باسىم بٶلٸگٸ – ەيەلدەر. 4 تامىزدا ولار دالادا جينالىپ, باسشىلىققا بٸرنەشە تالاپ قويدى. سونىڭ بەرٸن بەينەٷندەۋ ارقىلى جولدادى.
"بٸرٸنشٸدەن, جالاقىمىزدى ەكٸ ەسەگە, ياعني, 180-200 مىڭ تەڭگەگە كٶتەرگەنٸن تالاپ ەتەمٸز. ەكٸنشٸدەن, "Caspian food" جشس جۇمىسشىلارىنا رادياتسييانىڭ دەنساۋلىققا زييان تيگٸزەتٸنٸن ەسكەرە وتىرىپ, جالاقىدان بٶلەك كوەففيتسەنت تٶلەۋٸن تالاپ ەتەمٸز. سونىمەن بٸرگە اسحانادا اسپەن قامتاماسىز ەتۋ جاعدايى قازٸرگٸ زامان تالابىنا ساي ەمەس. مۇنايشىلار نە جۇتسا, بٸز دە سونى جۇتىپ جٷرمٸز. رادياتسييا بار. سوندىقتان قوسىمشا قايماق, شىرىن, يوگۋرت, ايران مەن شۇبات بەرٸلسٸن", - دەيدٸ جۇمىسشىلار.
سونداي-اق جۇمىسشىلار جىل سوڭىندا 13-شٸ جالاقىنى تٶلەۋدٸ تالاپ ەتتٸ.
