بٸلٸم جەنە عىلىم مينيسترٸ اسحات ايماعامبەتوۆ جاڭاٶزەن مەن اقتاۋ قالالارىنا جاسالعان ساپارىنىڭ قورىتىندىسى بويىنشا ٶڭٸردەگٸ بٸلٸم بەرۋ سالاسىنداعى قانداي جۇمىستار اتقارىلاتىنىن ايتتى, دەپ حابارلايدى "ۇلت اقپارات".
«كەشە جۇمىس ساپارىمەن ماڭعىستاۋ وبلىسىنا باردىم. جاڭاٶزەن مەن اقتاۋ قالالارىندا ورنالاسقان مەكتەپتەر, بالاباقشا, كوللەدج, ۋنيۆەرسيتەت جەنە ستۋدەنتتٸك جاتاقحانالاردا بولدىم.
№21 «ايزەرە» بالاباقشاسىنىڭ جۇمىسىمەن تانىستىم. جاڭاٶزەندەگٸ №22 مەكتەپتٸڭ ماتەريالدىق-تەحنيكالىق جابدىقتارمەن قامتىلۋىن, وقۋ كابينەتتەرٸن, بەينەباقىلاۋ كامەرالارىمەن جەنە دابىل تٷيمەلەرٸمەن جابدىقتالۋىن تەكسەردٸم. سونداي-اق «كاسپيي» كوللەدجٸنٸڭ جۇمىسىمەن تانىستىم.
اقتاۋدا 1200 ورىنعا شاقتالعان جاڭا مەكتەپتٸڭ قۇرىلىسى جٷرٸپ جاتىر, نىساندى وسى جىلدىڭ ورتاسىنا قاراي تاپسىرۋ جوسپارلانىپ وتىر. سونىمەن قاتار №29 مەكتەپتٸڭ ٸرگەسٸن كەڭەيتۋ ماقساتىندا جٷرٸپ جاتقان جاپسارلاس قۇرىلىستىڭ جۇمىسىمەن تانىستىم. بٸلٸم وشاعىنىڭ جاقىندا سالىنعانىنا قاراماستان, جاڭا تۇرعىن ٷي كەشەندەرٸنٸڭ بوي كٶتەرۋٸنە بايلانىستى اۋداندا وقۋشى ورىندارىنىڭ تاپشىلىعى تۋىندادى. مەردٸگەر بٸر اي ٸشٸندە بۇل مەسەلەنٸڭ ورنىن تولتىراتىن كەڭەيتۋ قۇرىلىسىن اياقتاۋعا ۋەدە بەردٸ.
سونداي-اق «Yessenov University» جوعارى وقۋ ورنىنا بارىپ, اكادەمييالىق ارتىقشىلىق ورتالىعىن قۇرۋ جوباسىنىڭ پرەزەنتاتسيياسىمەن تانىستىم. وقۋ كورپۋسىن ارالاۋمەن قاتار ستۋدەنتتەر تۇراتىن جاتاقحاناعا بارىپ, ۋنيۆەرسيتەتتٸڭ جاڭا جاتاقحاناسىنىڭ قۇرىلىس بارىسىمەن تانىستىم. جوعارى وقۋ ورنى بٷكٸل ٶڭٸر ٷشٸن كادرلار دايارلايتىندىقتان, جىل سايىن وقۋعا جەنە ستۋدەنتتەر كونتينگەنتٸنە سۇرانىستىڭ ٶسۋٸمەن قاتار ستۋدەنتتەردٸ جاتاقحانامەن قامتاماسىز ەتۋ قاجەتتٸلٸگٸ دە ارتىپ كەلەدٸ», - دەدٸ ول.
مينيستردٸڭ سٶزٸنشە, وسىنداي ساپارلار بارىسىندا تەربيەشٸلەرمەن, مۇعالٸمدەرمەن, مەكتەپ جەنە كوللەدج ديرەكتورلارىمەن, سونداي-اق جوو-نىڭ وقىتۋشىلارىمەن تٸلدەسۋ ٶتە ماڭىزدى.
«ماڭعىستاۋ وبلىسىندا دا قالىپتاسقان دەستٷرگە ساي ەرٸپتەستەرمەن كەزدەسۋ ٶتكٸزٸپ, بارلىق يدەيا مەن ۇسىنىستاردى تىڭداپ, ولاردى تولعاندىرعان نەمەسە قىزىقتىرعان سۇراقتارعا جاۋاپ بەردٸم. مەكتەپ ديرەكتورلارىمەن كەزدەسۋ بارىسىندا ٶڭٸرگە پەداگوگتەردٸ تارتۋ, مامانداردى دايارلاۋ جەنە بٸلٸكتٸلٸگٸن ارتتىرۋ بويىنشا جاڭا جوبا تالقىلاندى.
سونداي-اق جاڭاٶزەن قالالىق مەسليحاتىنىڭ دەپۋتاتتارىمەن جٷزدەسٸپ, ولاردىڭ قالاداعى بٸلٸم بەرۋدٸ دامىتۋ جٶنٸندەگٸ ۇسىنىستارىن تىڭدادىم.
ارنايى ەلەۋمەتتٸك پاكەت ۇسىنىپ, تٷرلٸ ٶڭٸرلەردەن جوو-نىڭ ٷزدٸك تٷلەكتەرٸن بەلسەندٸ تٷردە تارتاتىن ايماقتاردىڭ قاتارىنا ماڭعىستاۋ وبلىسى دا كٸرەتٸنٸن اتاپ ٶتكٸم كەلەدٸ. مۇعالٸمدەردٸڭ بٸلٸكتٸلٸگٸن ارتتىرۋ بويىنشا كەشەندٸ شارالاردى جٷزەگە اسىرۋ دا ماڭىزدى. ول ٷشٸن بٸلٸم بەرۋ ۇيىمدارىنىڭ ديرەكتورلارىنا دا, مۇعالٸمدەرگە دە ارنايى كۋرستار ۇيىمداستىراتىن بولامىز.
ٶڭٸر ٷشٸن وقۋشى ورىندارىنىڭ تاپشىلىعى مەسەلەسٸ دە ٶزەكتٸ. وقۋشىلار سانى ٶتكەن جىلمەن سالىستىرعاندا 9,5 مىڭ بالاعا ارتتى. سۇرانىس ارتقاندىقتان, وبلىستا 24 مەكتەپ جەنە جۇمىس ٸستەپ تۇرعان مەكتەپتەرگە قوسىمشا تاعى 11 جاپسارلاس قۇرىلىس سالىناتىن بولادى. ونىڭ ٷستٸنە وبلىس ورتالىعىندا عانا ەمەس, سۇرانىسقا سەيكەس جاڭاٶزەن قالاسى مەن وبلىستىڭ باسقا دا اۋداندارىندا جاڭا ەرٸ زاماناۋي مەكتەپتەر بوي كٶتەرمەك. بۇدان بٶلەك, ەرەكشە بٸلٸم بەرۋدٸ قاجەت ەتەتٸن بالالارعا ارنالعان تٷزەتۋ كابينەتتەرٸ اشىلادى», - دەدٸ ايماعامبەتوۆ.
ونىڭ ايتۋىنشا, وبلىستا قوسىمشا بٸلٸم بەرۋ جٷيەسٸن دامىتۋ, بالالارعا ارنالعان جاڭا سەكتسييالار مەن ٷيٸرمەلەر اشۋ ماڭىزدى مٸندەت بولىپ تابىلعاندىقتان, وسى باعىتتا جۇمىس جٷرگٸزٸلمەك.
«وبلىستا شەتەل ۋنيۆەرسيتەتٸنٸڭ فيليالىن اشۋ, جۇمىس ٸستەپ تۇرعان ش.ەسەنوۆ اتىنداعى ۋنيۆەرسيتەتتٸ دامىتۋ, ۋنيۆەرسيتەتتە اكادەمييالىق ۇتقىرلىق ورتالىعىنىڭ اشىلۋى, وعان وقۋ عيماراتى مەن جاتاقحانانىڭ سالىنۋى, وبلىس مەكتەپتەرٸنٸڭ تٷلەكتەرٸنە ەلٸمٸزدٸڭ جەتەكشٸ تەحنيكالىق جوعارى وقۋ ورىندارىندا بٸلٸم الۋى ٷشٸن قوسىمشا اتاۋلى گرانتتاردىڭ بٶلٸنۋٸ دە باستى مٸندەتتەردٸڭ بٸرٸ.
ساپار قورىتىندىسى بويىنشا بٸزدٸڭ سالا ٷشٸن ٶزەكتٸ بارلىق مەسەلە باقىلاۋعا الىنادى جەنە تيٸستٸ تاپسىرمالار بەرٸلدٸ», - دەپ جازدى مينيستر.
