تٸلدٸڭ دە مامونتى بولادى. عىلىمدا ٶلگەن ياكي ٶلۋ الدىنداعى تٸلدەردٸ سولاي اتايدى.
ەلەمدە جىل سايىن بٸرنەشە تٸل جويىلىپ كەتەدٸ. ٶزٸنٸڭ مىڭداعان جىلدىق قالىپتاسۋ تاريحىنا قولدى بٸر سٸلتەپ, قۇلپىتاسقا اينالىپ, جوق بولادى. افريكا مەن ازييا, ەۋروپا مەن امەريكادا بۇل ٷردٸس ٷزدٸكسٸز جٷرٸپ جاتىر.
بٸر تٸلدٸڭ جويىلۋى قانداي قايعى? ودان اسقان قاسٸرەت جوق شىعار مىنا ٶمٸردە?..بٸر تٸل جويىلدى - دەمەك بٸر ۇلت جويىلدى. سول ۇلت قالىپتاستىرعان مەدەنيەت, تاريح جوق بولدى دەگەن سٶز.
افريكانى الىپ قارايىقشى. بيشۋو تٸلٸندە - 1, بەراكۋ تٸلٸندە - 2, نلۋۋ تٸلٸندە - 3, مابيرە تٸلٸندە - 3, بالدەمۋ تٸلٸندە - 5, نداي تٸلٸندە - 5, ندجەرەپ تٸلٸندە - 6, مپرە جەنە ماسالات تٸلدەرٸندە - 10-12 ادام سٶيلەيدٸ. ول ادامدار ٶلگەن سەتتە, بۇل تٸلدەر دە جويىلادى. مىنا ەلەم تٸپتٸ ونداي تٸلدٸڭ بولعانىن دا ۇمىتىپ كەتەدٸ. ٶيتكەنٸ وسى ۋاقىتقا دەيٸن جويىلعان 2000-نان استام تٸلدٸڭ قايسىسىنا قايعىرىپ, ازا تۇتقان ەدٸك?! سوندىقتان تٸل جويىلدى دەگەندە, ۇلت جويىلدى دەۋ كەرەك.
قانداي تٸلدەر جويىلادى? بٸردە-بٸر عىلىمي ەڭبەك جازىلماعان, بٸردە-بٸر مەملەكەتتٸك زاڭ قابىلدانباعان, سٶيلەۋ اياسى كٷيبەڭ تٸرلٸكتٸڭ دەڭگەيٸنەن كٶتەرٸلمەگەن تٸلدەر سٶزسٸز جويىلادى. ۋاقىت كەڭٸستٸگٸنە بايلانىستى جاڭا سٶزدەرمەن تولىقپاعان كەدەي تٸلدەر جوق بولادى. سوندىقتان قازاق تٸلٸن عىلىم تٸلٸنە اينالدىرۋ اسا ماڭىزدى. قازاق تٸلٸنە ساپالى تٷردە كٸتاپتاردى اۋدارۋ - سونىڭ باستاماسى. قازٸرگٸ "100 كٸتاپ جوباسىنىڭ" كٸتاپتارىنا وسى تۇرعىدان ريزا بولدىم. ەندٸگٸ تاڭدا مەملەكەتتٸك قۇجاتتار مەن زاڭداردىڭ بارلىعى دەرلٸك مەملەكەتتٸك تٸلدە قابىلدانۋى قاجەت. سوندا عانا قازاق تٸلٸنٸڭ رٶلٸ ارتا تٷسپەك. بٸزدٸڭ تٸل "مامونت تٸلدەر" قاتارىنان تابىلماسىنا سەنەمٸن, الايدا ونىڭ تەك قانا كٷيبەڭ تٸرلٸكتٸڭ تٸلٸ بولىپ قالۋىن قالامايمىن.
اسحات قاسەنعاليدىڭ فەيسبۋكتاعى جازباسىنان
