2021 جىلعى 9-10 قازاندا پرەمەر-مينيستر اسقار مامين بٸرٸككەن اراب ەمٸرلٸكتەرٸنە جۇمىس ساپارىمەن باردى. بۇل تۋرالى ٷكٸمەت باسشىسىنىڭ باسپاسٶز قىزمەتٸ حابارلادى.
ابۋ-دابي قالاسىندا ٷكٸمەت باسشىسى باە پرەمەر-مينيسترٸنٸڭ ورىنباسارى, پرەزيدەنت ٸستەرٸ جٶنٸندەگٸ مينيستر شەيح مانسۇر بەن زايد ەل ناحايانمەن, سونداي-اق Abu Dhabi Developmental Holding Company (ADQ) حولدينگتەرٸ جەنە مەملەكەتتٸك دامۋ ينستيتۋتتارى مەن باە-نٸڭ باسقا دا جەتەكشٸ كومپانييالارىنىڭ باسشىلىعىمەن كەلٸسسٶز جٷرگٸزدٸ.
تاراپتار ساۋدا-ەكونوميكالىق, قارجى-ينۆەستيتسييالىق, ەنەرگەتيكا, كٶلٸك-لوگيستيكا, اگروٶنەركەسٸپ جەنە باسقا دا سالالارداعى بۇعان دەيٸن قول جەتكٸزٸلگەن ۋاعدالاستىقتاردى ٸسكە اسىرۋ بارىسىن جەنە ەكٸجاقتى ىنتىماقتاستىق پەرسپەكتيۆاسىن تالقىلادى. قازٸرگٸ ۋاقىتتا ەمٸرلٸك كومپانييالارى قازاقستاندا جالپى قۇنى 3,5 ملرد دوللاردان اساتىن 11 ٸرٸ ينۆەستيتسييالىق جوبانى ٸسكە اسىرۋعا قاتىسۋدا.
ٶتكٸزٸلگەن كەلٸسسٶزدەر قورىتىندىسى بويىنشا ەكونوميكانىڭ باسىم سالالارىندا جوبالاردى دامىتۋ بويىنشا ۇزاق مەرزٸمدٸ ستراتەگييالىق ەرٸپتەستٸك ورناتۋ جٶنٸندەگٸ ٷكٸمەتارالىق كەلٸسٸمگە قول قويىلدى. قۇجات قر ۇلتتىق ەكونوميكاسىنىڭ ەنەرگەتيكالىق, اگروٶنەركەسٸپتٸك, كٶلٸك-لوگيستيكالىق, فارماتسەۆتيكالىق جەنە قارجى سەكتورلارىنداعى جوبالاردى ٸسكە اسىرۋعا باعىتتالعان, ينۆەستيتسييالاردىڭ جالپى كٶلەمٸ 6 ملرد دوللاردان اسادى.
كەلٸسٸمدٸ ٸسكە اسىرۋداعى قازاقستاننىڭ نەگٸزگٸ ەرٸپتەسٸ ٶڭدەۋ جەنە ٶندٸرۋ ٶنەركەسٸبٸ, اٶك, كٶلٸك جەنە لوگيستيكا, قارجى, تۋريزم, مەديا جەنە ەنەرگەتيكا سيياقتى سەكتورلاردا كەڭٸنەن ۇسىنىلعان ابۋ-دابي ADQ ەگەمەن قورى بولادى. قوردىڭ باسقارۋىندا 175 ملرد دوللاردان استام كٶلەمدەگٸ اكتيۆتەر بار.
كەلٸسٸم اياسىندا «سامۇرىق-قازىنا» اق ADQ-مەن ستراتەگييالىق ىنتىماقتاستىق ورناتىپ, جاڭارتىلاتىن جەنە دەستٷرلٸ ەنەرگەتيكانى دامىتۋ جٶنٸندەگٸ بٸرلەسكەن ەنەرگەتيكا حولدينگٸن قۇرۋعا نيەتتٸ. قر-دا قۋاتى 5 گۆت بولاتىن كٷن, جەل جەنە سۋ ەلەكتر ستانتسييالارىن سالۋ بويىنشا بٸرلەسكەن جوبالاردى جەنە ت.ب. ٸسكە اسىرۋ جوسپارلانۋدا.
«Kazyna Capital Management» اق جەنە ADQ ٸت, قارجى تەحنولوگييالارى, اگروتەح, ۆ2ۆ جەنە ۆ2س, تەلەكوممۋنيكاتسييالار, ازىق-تٷلٸك ٶنٸمدەرٸن ٶندٸرۋ تەحنولوگييالارى, پلاتفورمالىق شەشٸمدەر جەنە تسيفرلىق ترانسفورماتسييا جەنە ٶزگە دە سالالاردا بٸرلەسكەن ستارتاپ-جوبالاردى قارجىلاندىرۋ ٷشٸن 100 ملن دوللارعا بٸرلەسكەن ۆەنچۋرلىق قور قۇرادى.
ADQ قر-دا كٶتەرمە-تاراتۋ ورتالىقتارى جەلٸسٸنٸڭ قۇرىلىسىنا قاتىسادى. كومپانييا سونداي-اق قازاقستاننىڭ ەتتٸ مال شارۋاشىلىعى, قۇس شارۋاشىلىعى جەنە جەمٸس باعبانشىلىعىندا بٸرقاتار ٸرٸ جوبانى ٸسكە اسىرۋ مٷمكٸندٸگٸن قاراستىرۋدا.
«سق-فارماتسييا» جشس مەن Rafed قر فارماتسەۆتيكا ٶنەركەسٸبٸن دامىتۋدا ىنتىماقتاستىق ورناتادى.
ساپار اياسىندا شىعىس قازاقستان وبلىسىنىڭ ەكٸمدٸگٸ, Sembol جەنە Abu Dhabi Fund for Development كومپانييالارى قر شقو-دا «كاتونقاراعاي» تۋريستٸك كەشەنٸ قۇرىلىسىنىڭ جوباسىن جٷزەگە اسىرۋ بويىنشا ىنتىماقتاستىقتىڭ بازالىق شارتتارى تۋرالى كەلٸسٸمگە قول قويدى.
قر اۋىل شارۋاشىلىعى مينيسترلٸگٸ مەن باە كليماتتىڭ ٶزگەرۋٸ جەنە قورشاعان ورتا مينيسترلٸگٸ اراسىندا, سونداي-اق احقو مەن Abu Dhabi Global Market (ADGM) قارجى ورتالىعى مەن Abu Dhabi Securities Exchange (ADX) بيرجاسى اراسىندا ٶزارا تٷسٸنٸستٸك تۋرالى مەموراندۋمدارعا قول قويىلدى.
سونىمەن قاتار, ساپار اياسىندا قازاقستان مەن باە پوشتا قىزمەتتەرٸ «ەستەلٸك جەنە مەرەيتويلىق داتالار» سەريياسىمەن «قازاقستان رەسپۋبليكاسىنىڭ تەۋەلسٸزدٸگٸنە 30 جىل. بٸرٸككەن اراب ەمٸرلٸكتەرٸنٸڭ قۇرىلعانىنا 50 جىل» تاقىرىبىنداعى ەكٸ پوشتا ماركاسىن بٸرلەسٸپ شىعارۋدى جٷزەگە اسىردى.
دۋباي قالاسىندا ٷكٸمەت باسشىسى «EXPO 2020 Dubai» حالىقارالىق كٶرمەسٸنە بارىپ, وندا قازاقستان, باە, رف جەنە تاعى باسقا ۇلتتىق پاۆيلوندارمەن تانىستى.
جۇمىس ساپارىنا ۇلتتىق ەكونوميكا مينيسترٸ ەسەت ەرعاليەۆ, اۋىل شارۋاشىلىعى مينيسترٸ ەربول قاراشٶكەەۆ, ەدٸلەت مينيسترٸ مارات بەكەتاەۆ, شىعىس قازاقستان وبلىسىنىڭ ەكٸمٸ دانيال احمەتوۆ, «سامۇرىق-قازىنا» اق باسقارما تٶراعاسى الماسادام سەتقاليەۆ, ستراتەگييالىق جوسپارلاۋ جەنە رەفورمالار اگەنتتٸگٸ تٶراعاسىنىڭ ورىنباسارى جاسلان مەديەۆ, ەنەرگەتيكا بٸرٸنشٸ ۆيتسە-مينيسترٸ مۇرات جٷرەبەكوۆ, باە-دەگٸ قر ەلشٸسٸ مادييار مەڭٸلبەكوۆ, قر ٸسكەرلٸك توپتارىنىڭ ٶكٸلدەرٸ جەنە ٶزگەلەر قاتىستى.
