رەفورمالاردىڭ جاڭا پاكەتٸ – ەكونوميكانى قىسقا مەرزٸمدٸ پەرسپەكتيۆادا قالپىنا كەلتٸرۋگە جەنە ەلٸمٸزدٸڭ ورنىقتى ەرٸ ساپالى ەكونوميكالىق ٶسۋ جولىنا شىعۋىنا جاعداي جاسايدى. بۇل باعىتتا قر پرەمەر-مينيسترٸ اسقار مامين ٷكٸمەت وتىرىسىندا تاپسىرمالار بەردٸ, دەپ حابارلايدى قازاقپارات.
«مەملەكەتتٸ باسقارۋدى دامىتۋدىڭ 2030 جىلعا دەيٸنگٸ تۇجىرىمداماسىن ساپالى ٸسكە اسىرۋ ٷشٸن ۇلتتىق ەكونوميكا, قارجى مينيسترلٸكتەرٸ ستراتەگييالىق جوسپارلاۋ جەنە رەفورمالار اگەنتتٸگٸمەن بٸرلەسٸپ, 15 اقپانعا دەيٸن ناقتى ٸس-قيمىلدار جوسپارىن ەزٸرلەسٸن جەنە پرەمەر-مينيستردٸڭ كەڭسەسٸنە ەنگٸزسٸن. سونىمەن قاتار, ۇلتتىق ەكونوميكا مينيسترلٸگٸنە اۋماقتىق دامۋ جوسپارىنىڭ جاڭارتىلعان جوباسىن بيىلعى 1 سەۋٸرگە دەيٸن ەزٸرلەۋدٸ تاپسىرامىن», - دەدٸ ا. مامين ٷكٸمەتتٸڭ بٷگٸنگٸ وتىرىسىندا.
پرەمەر-مينيستر قارجى, ۇلتتىق ەكونوميكا مينيسترلٸكتەرٸ مەن بەسەكەلەستٸكتٸ قورعاۋ اگەنتتٸگٸنە ەكٸ اپتادا جەكەشەلەندٸرۋدٸڭ كەشەندٸ جوسپارىن ٸسكە اسىرۋ بويىنشا كەلٸسٸلگەن ۇسىنىستاردى ەنگٸزۋدٸ تاپسىردى.
«ۇلتتىق ەكونوميكا مينيسترلٸگٸ مٷددەلٸ مەملەكەتتٸك ورگاندارمەن جەنە «اتامەكەن» ۇلتتىق كەسٸپكەرلەر پالاتاسىمەن بٸرلەسٸپ, ەكونوميكانىڭ ساپالى جەنە تۇراقتى ٶسۋٸن قامتاماسىز ەتۋ جٶنٸندەگٸ شۇعىل شارالار پاكەتٸن پىسىقتاپ, ونى 8 اقپانعا دەيٸن پرەمەر-مينيستردٸڭ كەڭسەسٸنە ەنگٸزٸپ, ەكونوميكالىق ٶسۋدٸ قالپىنا كەلتٸرۋ جٶنٸندەگٸ مەملەكەتتٸك كوميسسييانىڭ كەلەسٸ وتىرىسىندا قاراۋعا شىعارسىن. سونىمەن قاتار, قايرات نەماتۇلى (كەلٸمبەتوۆ – رەد.) بيىل ٶتكٸزٸلەتٸن حالىق ساناعىن ساپالى جٷرگٸزۋ ماقساتىندا بٸر كٷن مەرزٸمدە مەنٸڭ تيٸستٸ ٶكٸمٸمنٸڭ جوباسىن ەنگٸزۋدٸ تاپسىرامىن. رەفورمالاردىڭ جاڭا پاكەتٸ – ەكونوميكانى قىسقا مەرزٸمدٸ پەرسپەكتيۆادا قالپىنا كەلتٸرۋگە جەنە ەلٸمٸزدٸڭ ورنىقتى ەرٸ ساپالى ەكونوميكالىق ٶسۋ جولىنا شىعۋىنا جاعداي جاسايدى. وسى باعىتتا جۇمىستى جالعاستىرامىز», - دەيدٸ ا. مامين.
بۇعان دەيٸن ٷكٸمەت باسشىسى ۇلتتىق باسىمدىقتار, ۇلتتىق جوبالار جەنە 2025 جىلعا دەيٸن دامۋ جوسپارى تۋرالى تاپسىرمالار بەرگەن ەدٸ.
