بٷگٸن تاشكەنت قالاسىندا قر پرەمەر-مينيسترٸ اسقار مامين ٶزبەكستان پرەزيدەنتٸ شاۆكات ميرزيەەۆپەن كەزدەستٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
«قر تۇڭعىش پرەزيدەنتٸ – ەلباسى نۇرسۇلتان نازارباەۆ سٸزبەن بٸرگە قازاقستان مەن ٶزبەكستان اراسىنداعى ەكٸجاقتى قاتىناستاردى ستراتەگييالىق ىنتىماقتاستىقتىڭ جاڭا دەڭگەيٸنە شىعارۋعا نەگٸز سالدى. مەملەكەت باسشىسى قاسىم-جومارت توقاەۆ سىرتقى ساياساتتىڭ ساباقتاستىعىن ساقتايدى جەنە ەكٸجاقتى ىنتىماقتاستىقتى نىعايتۋعا ەرەكشە نازار اۋدارادى», — دەدٸ ا. مامين.
ٷكٸمەت باسشىسى بٷگٸندە قازاقستان–ٶزبەكستان قارىم-قاتىناسى ىنتىماقتاستىقتىڭ ساپالى جوعارى دەڭگەيٸنە شىققانىن اتاپ ٶتتٸ. مۇنى بارلىق دەرلٸك دەڭگەيلەردەگٸ ٶزارا ەرەكەتتەسۋ قارقىنى دەلەلدەيدٸ.
كەلٸسسٶزدەر بارىسىندا ساۋدا-ەكونوميكالىق, ينۆەستيتسييالىق, ەنەرگەتيكالىق, ترانزيتتٸك-كٶلٸك, قۇرىلىس, توقىما, اۆتوموبيل جاساۋ, مەدەني-گۋمانيتارلىق, تۋريستٸك جەنە باسقا دا سالالارداعى ىنتىماقتاستىقتى ودان ەرٸ دامىتۋ بويىنشا كەڭ اۋقىمدى مەسەلەلەر تالقىلاندى.
2019 جىلعى 9 ايدىڭ قورىتىندىسى بويىنشا قر مەن ٶر اراسىنداعى ٶزارا ساۋدا-ساتتىق 25%-عا $2,6 ملرد دەيٸن ٶستٸ. الداعى جىلدارى تاۋار اينالىمىن $5 ملرد دەيٸن جەتكٸزۋ جوسپاردا بار.
ەرتەڭ قر پرەمەر-مينيسترٸ اسقار مامين شانحاي ىنتىماقتاستىق ۇيىمىنا (شىۇ) مٷشە مەملەكەتتەردٸڭ ٷكٸمەت باسشىلارى كەڭەسٸنٸڭ (ٷبك) وتىرىسىنا قاتىسادى.
