قر پرەمەر-مينيسترٸ اسقار مامين مەجٸلٸس دەپۋتاتتارىنىڭ زەينەت جاسىن تٶمەندەتۋگە قاتىستى رەسمي ساۋالىنا جاۋاپ بەردٸ, دەپ حابارلايدى "ۇلت اقپارات".
«قازٸرگٸ ۋاقىتتا زەينەتاقىمەن قامتاماسىز ەتۋ بارلىق ٷش دەڭگەيدە دە (ىنتىماقتى, بازالىق جەنە جيناقتاۋشى زەينەتاقى) ەڭبەك ٶتٸلٸنە بايلانىستىرىلعان. بۇل رەتتە ىنتىماقتى زەينەتاقىنىڭ مٶلشەرٸ بٸرتٸندەپ تٶمەندەيدٸ. ٶيتكەنٸ, ونى تاعايىنداۋ بارىسىندا 1998 جىلدىڭ 1 قاڭتارىنا دەيٸنگٸ عانا, ياعني جيناقتاۋشى جٷيە ەنگٸزٸلگەنگە دەيٸنگٸ ەڭبەك ٶتٸلٸ ەسەپكە الىنادى. ىنتىماقتى زەينەتاقىنىڭ ازاياتىن مٶلشەرٸ مٸندەتتٸ زەينەتاقى جارناسىن اۋدارۋ كەزەڭٸنٸڭ ارتۋى ەسەبٸنەن زەينەتاقىنىڭ جيناقتاۋشى بٶلٸگٸ مٶلشەرٸنٸڭ ٶسۋٸ ارقىلى ٶتەلۋٸ تيٸس. بازالىق زەينەتاقى زەينەت جاسىنا جەتكەن بارلىق تۇلعاعا زەينەتاقى جٷيەسٸنە قاتىسۋ ٶتٸلٸنە بايلانىستى (1998 جىلعا دەيٸن جەنە وسى داتادان كەيٸن دە) ەڭ تٶمەنگٸ كٷنكٶرٸستٸڭ 54-تەن 100 پايىزىنا دەيٸنگٸ مٶلشەردە بەرٸلەدٸ. ياعني, ۇزاق ۋاقىت جۇمىس ٸستەگەن سايىن بازالىق زەينەتاقى مٶلشەرٸ دە جوعارى بولادى», - دەدٸ ٷكٸمەت باسشىسى.
ونىڭ اتاپ ٶتۋٸنشە, جيناقتاۋشى زەينەتاقى جٷيەسٸنە قاتىسۋشىلار ٷشٸن جەتكٸلٸكتٸ زەينەتاقى جيناعى بولعان كەزدە زەينەتاقى اننۋيتەتٸن ساتىپ الۋ قۇقىعى ساقتالعان. سول ارقىلى ەيەلدەر 51,5 جاستان, ال ەركەكتەر 55 جاستان بٸرىڭعاي جيناقتاۋشى زەينەتاقى قورىنان زەينەتاقى تٶلەمٸن تاعايىنداي الادى.
«ورىن العان ەكونوميكالىق احۋالدى, حالىقارالىق تەجٸريبەنٸ جەنە ەكونوميكالىق ەرٸ دەموگرافييالىق فاكتورلارعا نەگٸزدەلگەن ۇزاق مەرزٸمدٸ ٶزەكتٸ بولجامدى ەسكەرە وتىرىپ, زەينەت جاسىن كٶتەرۋ قاجەتتٸلٸك سانالادى. جۇمىسپەن قامتىلعان حالىققا زەينەتكەرلەر سانىنىڭ اراقاتىناسى ارتىپ كەلە جاتقانىن دا ەسكەرگەن جٶن. ەگەر 2010 جىلى 1 زەينەتكەرگە 4,8 جۇمىس ٸستەۋشٸ بولسا, 2015 جىلى 4,3, ال 2019 جىلى 3,9 جۇمىسشى بولدى. بۇعان قوسا, حالىقارالىق تەجٸريبەگە جٷرگٸزٸلگەن شولۋ قارت ادامدار ٷلەسٸنٸڭ ارتۋىنىڭ تۇراقتى تەندەنتسيياسىن كٶرسەتٸپ وتىر. بۇل دا ەڭبەك نارىعىنداعى احۋالعا ىقپال ەتەدٸ. ورتاشا ەسەپپەن العاندا ەلەمدە 65جاستان اسقان تۇلعالاردىڭ ٷلەسٸ 10 پايىزعا ٶسەتٸندٸگٸن بولجانىپ وتىر. بۇل دا ٶز كەزەگٸندە زەينەتاقى جٷيەسٸنٸڭ تۇراقتىلىعىنا ەسەرٸن تيگٸزەدٸ. وسىعان وراي زەينەت جاسىن كٶتەرۋ ەلەمنٸڭ كٶپتەگەن ەلٸندە ورىن الۋدا. وسىلايشا, زەينەت جاسىن كٶتەرۋ حالىقارالىق تەجٸريبەگە ساي كەلەدٸ جەنە ەلەمدەگٸ ەكونوميكالىق جەنە دەموگرافييالىق احۋالعا بايلانىستى ورىن الادى», - دەدٸ اسقار مامين.
قازاقستاندىقتار نەشە جاسىندا زەينەتكە شىعادى?
قازاقستاندا 2018 جىلدىڭ قاڭتارىنان ەرلەر مەن ەيەلدەردٸڭ زەينەت جاسىن تەڭەستٸرۋ جۇمىسى باستالدى. زاڭعا سەيكەس, 2027 جىلعا دەيٸن قازاقستاندىق ەيەلدەردٸڭ زەينەت جاسىنا جارتى جىلدان قوسىلىپ وتىرادى. ال ەرلەر ٷشٸن ەشتەڭە ٶزگەرگەن جوق – ولار زەينەت دەمالىسىنا بۇرىنعىداي 63 جاستا شىعادى.
-
2021 جىلدىڭ 1 قاڭتارىنان — 60 جاسىندا;
-
2022 جىلدىڭ 1 قاڭتارىنان — 60,5 جاسىندا;
-
2023 جىلدىڭ 1 قاڭتارىنان — 61 جاسىندا;
-
2024 جىلدىڭ 1 قاڭتارىنان — 61,5 جاسىندا;
-
2025 جىلدىڭ 1 قاڭتارىنان — 62 جاسىندا;
-
2026 جىلدىڭ 1 قاڭتارىنان — 62,5 جاسىندا;
-
2027 جىلدىڭ 1 قاڭتارىنان — 63 جاسىندا.
دەسە دە, كەيبٸر ەيەلدەردٸڭ زەينەت جاسى ٶزگەرمەيدٸ. ولاردىڭ ٸشٸندە كٶپبالالى انالار جەنە سەمەي يادرولىق پوليگونىندا تۇرعان ەيەلدەر بار.
دەپۋتاتتاردىڭ ۇسىنىسى
بۇعان دەيٸن مەجٸلٸستەگٸ "حالىق كوممۋنيستەرٸ" فراكتسيياسى زەينەت جاسىن 60 جاسقا دەيٸن تٶمەندەتۋدٸ ۇسىنعان ەدٸ.
مەجٸلٸسمەن ايقىن قوڭىروۆتىڭ ايتۋىنشا, كٷزگٸ-قىسقى مەزگٸلدٸڭ كەلۋٸمەن جرۆي جەنە تۇماۋ سيياقتى ماۋسىمدىق اۋرۋلار ٶرشيدٸ. كوروناۆيرۋستىڭ اۋىر تٷرٸنە شالدىعۋ جەنە ٶلٸم قاتەرٸ ايتارلىقتاي ارتادى. مۇنىڭ بەرٸ, ەسٸرەسە, 60 جاس جەنە ودان ٷلكەن ادامدار ٷشٸن قوسىمشا قاۋٸپسٸزدٸك شارالارىن قابىلداۋدى تالاپ ەتەدٸ.
وسىعان بايلانىستى "حالىق كوممۋنيستەرٸ" فراكتسيياسى ازاماتتاردىڭ زەينەتكەرلٸككە شىعۋ جاسىن قايتا قاراۋعا شاقىردى.
