قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ەلٸمٸزدٸڭ 2020 جىلعى قاڭتار-ناۋرىزداعى ەلەۋمەتتٸك-ەكونوميكالىق دامۋ قورىتىندىسى جەنە رەسپۋبليكالىق بيۋدجەتتٸڭ اتقارىلۋى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ەكونوميكانىڭ, بانك سالاسىنىڭ احۋالى, رەسپۋبليكالىق بيۋدجەتتٸڭ ورىندالۋى, مەملەكەتتٸك ساتىپ الۋلارداعى جەرگٸلٸكتٸ قامتۋ تۋرالى ۇلتتىق ەكونوميكا مينيسترٸ ر. دەلەنوۆ, ۇلتتىق بانك تٶراعاسى ە. دوساەۆ, پرەمەر-مينيستردٸڭ بٸرٸنشٸ ورىنباسارى – قارجى مينيسترٸ ە. سمايىلوۆ, «سامۇرىق-قازىنا» ۇەق» اق كومپانييالارىنىڭ كٶرسەتكٸشتەرٸ تۋرالى – قوردىڭ باسقارما تٶراعاسى ا. ەسٸموۆ, ٶنەركەسٸپ پەن ەنەرگەتيكا سەكتورىنداعى جاعداي تۋرالى يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, ەنەرگەتيكا مينيسترٸ ن. نوعاەۆ, ٶڭٸرلەردٸڭ دامۋى تۋرالى قوستاناي, الماتى, اقتٶبە وبلىستارىنىڭ ەكٸمدەرٸ ا. مۇحامبەتوۆ, ا. باتالوۆ جەنە و. ورازالين باياندادى.
بيىل قاڭتار-ناۋرىز ايلارىندا جٸٶ ٶسٸمٸ 2019 جىلدىڭ سەيكەس كەزەڭٸنە 2,7% قۇرادى. نەگٸزگٸ كاپيتالعا سالىنعان ينۆەستيتسييالار 5,1%-عا ارتتى. التىن-ۆاليۋتا قورى $30 ملرد جەتتٸ, ۇلتتىق قور اكتيۆتەرٸ – $57,5 ملرد.
ەلٸمٸزدٸڭ نەگٸزگٸ سالالارى جالپى وڭ ديناميكا كٶرسەتتٸ. تاۋ-كەن ٶندٸرٸسٸ سالاسىنداعى ٶسٸم – 5%, ٶڭدەۋ سالاسىندا – 8,8%, قۇرىلىستا – 11,7%, ماشينا جاساۋدا – 30,4% كٶرسەتتٸ. دەگەنمەن, ەلەمدەگٸ پاندەميياعا بايلانىستى ەنگٸزٸلگەن شەكتەۋلەردٸڭ ەسەرٸ بٸرتٸندەپ بايقالا باستادى — وسى جىلدىڭ بٸرٸنشٸ توقسانىندا ساۋدانىڭ ٶسۋٸ 1%-دى, قارجى سالاسى مەن ساقتاندىرۋ قىزمەتتەرٸ – 0,7%-دى قۇرادى, ال كٶلٸك سەكتورى 1,3%-عا تٶمەندەپ, تەرٸس ديناميكا كٶرسەتتٸ.
بيىلعى بٸرٸنشٸ توقسانىنىڭ قورىتىندىسى بويىنشا نەگٸزگٸ كٶرسەتكٸشتەر بويىنشا ەلەۋمەتتٸك-ەكونوميكالىق دامۋدىڭ ٶسۋٸنٸڭ وزىق قارقىنى اقمولا, باتىس قازاقستان, تٷركٸستان, قوستاناي, قاراعاندى وبلىستارىندا جەنە نۇر-سۇلتان قالاسىندا قامتاماسىز ەتٸلەدٸ, ورتاشا رەسپۋبليكالىق كٶرسەتكٸشتەرگە الماتى, اقتٶبە, ماڭعىستاۋ, سولتٷستٸك قازاقستان, پاۆلودار, شىعىس قازاقستان وبلىستارىندا جەنە الماتى قالاسىندا قول جەتكٸزٸلدٸ, كەيبٸر كٶرسەتكٸشتەر بويىنشا رەسپۋبليكالىق دەڭگەيدەن تٶمەن دەڭگەيدٸ اتىراۋ, جامبىل, قىزىلوردا وبلىستارى, سونداي-اق شىمكەنت قالاسى كٶرسەتتٸ.
ٷكٸمەت باسشىسى ورتالىق جەنە جەرگٸلٸكتٸ اتقارۋشى ورگانداردىڭ بٸرٸنشٸ باسشىلارىنا بيۋدجەت قاراجاتىنىڭ ۋاقىتىلى ەرٸ ساپالى يگەرٸلۋٸن, ونىڭ ٸشٸندە ولاردىڭ ەكونوميكانىڭ ناقتى سەكتورلارىنا دەيٸن جەتكٸزٸلۋٸن باقىلاۋدا ۇستاۋدى تاپسىردى.
پرەمەر-مينيستر ەلەمدٸك جەنە ٶڭٸرلٸك ەكونوميكالارداعى قازٸرگٸ سىن-تەگەۋرٸندەرگە جاۋاپ رەتٸندە ٷكٸمەتتٸڭ داعدارىسقا قارسى شارالار كەشەنٸن قابىلداپ, ٸسكە اسىرىپ جاتقانىن اتاپ ٶتتٸ — جۇمىسپەن قامتۋدىڭ جول كارتاسى بەكٸتٸلدٸ, قۇرىلىستى كەڭەيتۋ بويىنشا بٸرقاتار مەملەكەتتٸك باعدارلامالاردى قارجىلاندىرۋ ۇلعايتىلدى, شوب كەسٸپورىندارىن سالىقتىق ىنتالاندىرۋ ەنگٸزٸلدٸ, «قاراپايىم زاتتار ەكونوميكاسى» جەڭٸلدٸكپەن نەسيەلەندٸرۋ باعدارلاماسى كەڭەيتٸلدٸ.
«قاجەت شارالار قابىلداندى, ەندٸ ٶڭٸرلەر قارقىندى جۇمىس ٸستەۋٸ كەرەك. بارلىعى مەملەكەتتٸك ورگانداردىڭ تيٸمدٸ جەنە ٷيلەسٸمدٸ جۇمىسىنا بايلانىستى», — دەگەن مامين قاتاڭ سانيتارلىق-ەپيدەميولوگييالىق شارالاردى ساقتاۋمەن ٶڭٸرلەردە داعدارىسقا قارسى شارالاردىڭ ٸسكە اسىرىلۋىنا باقىلاۋدى قامتاماسىز ەتۋدٸ تاپسىردى.
