قر پرەمەر-مينيسترٸ اسقار مامين نۇر-سۇلتان قالاسىنا ورتالىق ازييا مەن اقش ەلدەرٸ اراسىنداعى ديالوگتى دامىتۋ جٶنٸندەگٸ «س5+1» وتىرىسىنا قاتىسۋعا رەسمي ساپارمەن كەلگەن اقش مەملەكەتتٸك حاتشىسىنىڭ ساياسي مەسەلەلەر جٶنٸندەگٸ ورىنباسارى دەۆيد حەيلمەن كەلٸسسٶزدەر ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
تاراپتار 2018 جىلى اقش-قا رەسمي ساپار اياسىندا قر تۇڭعىش پرەزيدەنتٸ – ەلباسى نۇرسۇلتان نازارباەۆ پەن اقش پرەزيدەنتٸ دونالد ترامپ اراسىندا قول جەتكٸزٸلگەن ۋاعدالاستىقتاردى ٸسكە اسىرۋدىڭ ماڭىزدىلىعىن اتاپ ٶتتٸ.
كەلٸسسٶزدەر بارىسىندا ەكٸجاقتى ساۋدا-ەكونوميكالىق جەنە ينۆەستيتسييالىق ىنتىماقتاستىقتى دامىتۋدىڭ ٶزەكتٸ مەسەلەلەرٸ تالقىلاندى. اقش — قازاقستان ەكونوميكاسىنىڭ ٸرٸ ينۆەستورلارىنىڭ بٸرٸ. 2005 جىلدان 2018 جىل ارالىعىندا اقش-تان قازاقستانعا تٸكەلەي ينۆەستيتسييالاردىڭ جالپى اعىنى $40 ملرد قۇرادى. ٶتكەن جىلدىڭ قورىتىندىسى بويىنشا قر-عا امەريكالىق ينۆەستيتسييالار جاڭا رەكورد ورناتىپ, $5,3 ملرد قۇرادى. بيىلعى قاڭتار–ماۋسىم ارالىعىندا ەكٸ ەل اراسىنداعى تاۋار اينالىمى $1,1 ملرد قۇرادى, بۇل ٶتكەن جىلدىڭ سەيكەس كەزەڭٸندەگٸ كٶرسەتكٸشتەن 31,8% جوعارى.
دەۆيد حەيل قازاقستاننىڭ اقش ينۆەستورلارى ٷشٸن تارتىمدىلىعىن اتاپ ٶتتٸ.
«بٸزدە ەكونوميكالىق قاتىناستاردى دامىتۋدىڭ ٷلكەن ەلەۋەتٸ بار», — دەپ اسقار مامين, ەلدەردٸڭ ەنەرگەتيكا, اۋىل شارۋاشىلىعى, دەنساۋلىق ساقتاۋ, اقپاراتتىق تەحنولوگييالار, لوگيستيكا, تۋريزم, اۆياعارىش ٶنەركەسٸبٸ سالالارىندا ٶزارا تيٸمدٸ ىنتىماقتاستىقتى تەرەڭدەتە تٷسۋدٸڭ پەرسپەكتيۆالارىن اتاپ ٶتتٸ. — سٸزدٸڭ ەلٸمٸزگە رەسمي ساپارىڭىز ەلدەردٸڭ ٶزارا ٸس-قيمىلىن نىعايتۋعا ەلەۋلٸ سەرپٸن بەرەرٸنە سەنٸمدٸمٸن».
