بٷگٸن الماتىنىڭ ەۋەزوۆ اۋداندىق №2 سوتىندا بەلسەندٸ جانبولات ماماي مەن ونىڭ ەيەلٸ ينگا يمانبايعا قاتىستى ازاماتتىق ٸستٸڭ سوتالدى دايىندىعى اياقتالدى, دەپ حابارلايدى Dalanews.kz اقپارات اگەنتتٸگٸ.
ەرلٸ-زايىپتىلار بيىل سەۋٸردە Nur Otan پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەكتٸ ايىپتايتىن بٸرنەشە ۆيدەوماتەريال جارييالاعان بولاتىن.
ايتا كەتۋ كەرەك, بۇعان دەيٸن ٶتكەن ەكٸ وتىرىستا جاۋاپ بەرۋشٸ تاراپ ونلاين-بايلانىستىڭ ناشار ەكەنٸن, پروتسەسكە جۋرناليستەردٸڭ از قاتىسىپ جاتقانىن ايتىپ شاعىمدانعان ەدٸ. بٷگٸنگٸ وتىرىس جانبولات ماماي مەن ونىڭ ادۆوكاتتارى سۇراعان ZOOM پلاتفورماسىندا ٶتتٸ. سونداي-اق, باق ٶكٸلدەرٸنٸڭ كەز كەلگەنٸ ٷشٸن پروتسەسس اشىق بولدى. تٸلشٸلەرگە تەك eGov پورتالى ارقىلى تٸركەۋدەن ٶتۋ تالابى قويىلعان.
اتالعان پروتسەستە باۋىرجان بايبەكتٸڭ مٷددەسٸن زاڭگەر ايجان تەشەنوۆا قورعاپ جاتقانى بەلگٸلٸ. ول جانبولات ماماي مەن ينگا يمانبايدىڭ دەلەل قۇجاتتارىن ايتىلعان مەرزٸمدە تاپسىرماي, سوت تالابىن ٶرەسكەل بۇزعانىن اتاپ ٶتتٸ. جاۋاپ بەرۋشٸلەر 2 مىڭ بەتتەن تۇراتىن جاۋاپتى سوتقا بٸر كٷن قالعاندا, ياعني 3 ماۋسىم كٷنٸ كەشكە عانا ٶتكٸزگەن.
تەشەنوۆانىڭ پٸكٸرٸنشە, 2 مىڭ بەتتەن تۇراتىن جاۋاپ قۇجاتتارىنىڭ ٸشٸندە ماماي مەن يمانبايدىڭ سٶزٸن رەسمي راستايتىن بٸردە-بٸر قۇجات جوق.
«مەن جاۋاپ بەرۋشٸ تاراپتىڭ جاۋاپ قۇجاتتارىمەن تانىسىپ شىقتىم. الايدا, ولاردىڭ بٸردە-بٸرٸندە دەلەل جوق. قۇجات دەگەن قول قويىلعان, مٶر باسىلعان قاعاز نەمەسە ەلەكتروندى ٷلگٸدەگٸ قۇجات بولۋى تيٸس. ونىڭ ورنىنا تٷسٸنٸكسٸز جازبالار, ينتەرنەت-رەسۋرستارعا سٸلتەمەلەر, باق بەتتەرٸنەن الىنعان تسيتاتالار عانا بار. سونداي-اق, مٶر باسىلعان قاعاز دا كٶپ, بٸراق ولاردىڭ ەشبٸرٸ بٸزدٸڭ ٸسكە قاتىستى ەمەس», - دەدٸ زاڭگەر ايجان تەشەنوۆا.
ول سونداي-اق, ۆيدەودا كٶرسەتٸلگەن دەرەكتەردٸڭ ەربٸرٸ شىندىققا جاناسپايتىنى تۋرالى رەسمي قۇجاتتاردى سوتقا تاپسىرعانىن مەلٸمدەدٸ. اتاپ ايتقاندا, «بايبەكتٸڭ تۋىستارىنا تيەسٸلٸ 100 كومپانييا», «اتاكەنتتٸڭ», «قازاقفيلمنٸڭ», «ەسەنتايدىڭ» جەرلەرٸ, سونىمەن قاتار الماتىداعى اقىلى اۆتوتۇراقتار جەنە ٶزگە دە مەسەلەلەرگە قاتىستى جەكە-جەكە توقتالىپ, ەربٸرٸنە جاۋاپ بەردٸ.
جانبولات ماماي پروتسەسس بارىسىندا سۋديا رايحان سارتاەۆانىڭ دا, زاڭگەر ايجان تەشەنوۆانىڭ دا سٶزٸن بٸرنەشە رەت بٶلدٸ. سونداي-اق, سوتقا ارقاۋ بولعان تاقىرىپتان اۋىتقىپ, قازاق تٸلٸنە, باۋىرجان بايبەكتٸڭ تۇرعىلىقتى مەكەن-جايىنا قاتىستى تاقىرىپتا سٶيلەدٸ. تيٸسٸنشە, سۋديا وعان بٸرنەشە رەت ەسكەرتۋ جاساپ, سوت تەرتٸبٸن تاعى بۇزسا پروتسەستەن قۋاتىنىن ايتتى.
ەسكە سالايىق, بۇعان دەيٸن ٶتكەن ەكٸ وتىرىستا دا سۋديا جانبولات مامايعا دەل وسىنداي بٸرنەشە ەسكەرتۋ جاساعان بولاتىن.
زاڭگەر ايجان تەشەنوۆا دا جانبولات مامايدىڭ سٶزٸ مەن ٸسٸ قابىسپايتىنى, ونىڭ سوت تٶرەلٸگٸنە مٷلدەم قۇرمەت كٶرسەتپەيتٸنٸن ايتتى.
«جانبولات ماماي ٶزٸنٸڭ ٷندەۋلەرٸندە ەۋروپالىق, حالىقارالىق ستاندارتتاردى جيٸ مىسالعا كەلتٸرەدٸ, سوت تٶرەلٸگٸ ٷستەم قۇرۋ كەرەگٸن ايتادى. بٸراق, ٶزٸ شىن ٶمٸردە بۇل ايتقاندارىن ٸستەي بەرمەيدٸ. مەسەلەن, سوتتا ايقايلايدى, سوتتىڭ جابىق ٶتٸپ جاتقانىن ايتىپ شۋ شىعارادى, سوتتاعى نەگٸزگٸ تاقىرىپتى بۇرىپ, باسقا مەسەلە قوزعايدى, دەلەل بەرەتٸن مەرزٸمدٸ كەشٸكتٸرەدٸ. ياعني, زاڭ ٷستەمدٸگٸ بۇلار ٷشٸن بوس سٶز. مەن ٶزٸم ەۋروپادا سوتتا تەجٸريبەدەن ٶتتٸم. ول جاقتا بٸرەۋدٸڭ سىرتىنان نەگٸزسٸز جالا جابۋعا ەشكٸمگە رۇقسات ەتٸلمەيدٸ. ٶيتكەنٸ, ەربٸر ادام, ونىڭ ٸشٸندە ٶزٸن جۋرناليست نەمەسە ساياساتكەر سانايتىن ەر تۇلعا بٸلەدٸ – بٸرەۋگە قاتىستى ايتقان ەر سٶزٸڭە دەلەلٸڭ بولۋى شارت. ولاي بولماعان جاعدايدا سەنٸڭ ايتقانىڭ بوس جالا جەنە سول ٷشٸن سوتتا جاۋاپ بەرەسٸڭ», - دەدٸ ا.تەشەنوۆا.
سوت ەكٸ تاراپتى دا تىڭداپ, سوتالدى دايىندىقتىڭ ٶتكەنٸن, ەندٸ نەگٸزگٸ پروتسەسس 14 ماۋسىمدا باستالاتىنىن حابارلادى. سۋديا رايحان سارتاەۆا العاشقى وتىرىستىڭ ۋاقىتىن ساعات 10:00-گە بەكٸتكەن. الايدا, جاۋاپ بەرۋشٸ تاراپ بۇل ۋاقىتتى 9.30-عا قويۋدى سۇرادى. سۋديا ولاردىڭ ٶتٸنٸشٸن ماقۇل كٶردٸ.
