بالالارعا ارنالعان سٷت قوسپاسىن ٶندٸرەتٸندەر, جارناماسىندا ونىڭ سەبيگە ارنايى جاسالعانىن جەنە بالالاردىڭ يممۋنيتەتٸن كٷشەيتەتٸن بيفيدوباكتەرييالار مەن فيزيكالىق جەنە پسيحيكالىق جەتٸلۋٸن قامتاماسىز ەتەتٸن زاتتار بار دەپ سەندٸرەدٸ. ەرينە, قانداي دا بٸر جاعدايلارمەن انا بالاسىن ەمٸزە الماسا, سٷت قوسپالارى تاپتىرمايتىن جول. قازۇمۋ بالالار جۇقپالى اۋرۋلار كافەدراسىنىڭ دوتسەنتٸ مارينا گولوۆەنكونىڭ ايتۋىنشا, بالانى ەمٸزۋ نەمەسە ەمٸزبەۋگە قاتىستى تالقى ەلٸ دە جالعاسىپ جاتىر. جوعارى دەرەجەلٸ دەرٸگەر بالانى تابيعي جەنە جاساندى جولمەن تاماقتاندىرۋدىڭ ارا-جٸگٸن اشىپ ايتىپ بەردٸ, دەپ جازادى Tengrinews.kz.
"قوعامدا قوسىمشا تاعامعا سٷيەنٸپ, ماڭىزدى سەبەپسٸز بالانى ۇزاق ۋاقىت بويى ەمٸزگٸسٸ كەلمەيتٸن, تٸپتٸ مٷلدە ەمٸزبەيتٸن انالار جيٸ بولماسا دا, امال نە, كەزدەسەدٸ. بٸراق بالانى ەمٸزۋ ەڭ الدىمەن اناعا ماڭىزدى", - دەيدٸ مارينا ۆالەرەۆنا.
"بالانى ەمٸزۋ نەمەسە ەمٸزبەۋگە قاتىستى ديسكۋسسييا ەلٸ جالعاسىپ جاتسا دا, قازٸرگٸ تاڭدا ەمٸزۋگە قاتىستى دەرەكتەر كٶبٸرەك. ول ەڭ الدىمەن انا دەنساۋلىعى ٷشٸن ماڭىزدى. جارييالانعان زەرتتەۋ نەتيجەلەرٸنە سٷيەنسەك, بالانى تولىققاندى ەمٸزەتٸن انانىڭ ودان باس تارتاتىندارعا قاراعاندا سٷت بەزٸ وبىرىنا شالدىعۋ قاۋپٸ ازىراق ەكەن. بالانى نەعۇرلىم ۇزاق ەمٸزسە, ول وسى دەرتتٸڭ الدىن الۋ شاراسى بولىپ سانالادى. بٸراق بالا ٷشٸن العاشقى بٸر-بٸر جارىم جىل عانا ەمٸزۋ ماڭىزدى", - دەيدٸ دەرٸگەر.
گولوۆەنكونىڭ ايتۋىنشا, انا سٷتٸمەن ٶسكەن بالانى تەربيەلەۋ وڭاي, سەبەبٸ ولار ەموتسيونالدى پسيحيكالىق تۇرعىدان اناسىنا جاقىن كەلەدٸ.
"بالانى ۇزاق ۋاقىت بويى ەمٸزسە, اناسىمەن تەرەڭ پسيحيكالىق بايلانىس ورنايدى. ولار اناسىنا ٶتە قاتتى ەموتسيونالدى بايلاۋلى جەنە مۇنداي بالانى تەربيەلەۋ وڭاي. سەبەبٸ ولار ەموتسيونالدى پسيحيكالىق تۇرعىدان تٸلالعىش كەلەدٸ", - دەيدٸ دەرٸگەر.
"بالا ەمٸزۋ - سەبيدٸڭ امان قالۋى ٷشٸن تابيعاتتىڭ ويلاپ تاپقان مەحانيزمٸ. سەبەبٸ انا سٷتٸندە سەبيدٸڭ ٶسٸپ-جەتٸلۋٸنە ارنالعان بارلىق قۇنارلى نەرسە بولادى. بٸراق ونىڭ ماكسيمال تاعامدىق قۇندىلىعى 7 ايدان كەيٸن ٶزگەرە باستايدى. سٷت قۇرامىنداعى تەمٸر, اقۋىز جەنە باسقا نەگٸزگٸ قۇرامداس بٶلٸكتەردٸڭ مٶلشەرٸ بٸرتٸندەپ ازايا بەرەدٸ. سول سەبەپتەن 6 ايدان باستاپ بالاعا قۇرامىندا تٷرلٸ دەرۋمەنٸ بار قوسىمشا تاعام بەرۋ كەڭەس ەتٸلەدٸ. ول سەبي اعزاسىندا تاپشى كومپونەنتتەردٸ تولتىرۋعا كٶمەكتەسەدٸ", - دەيدٸ مارينا ۆالەرەۆنا.
الايدا دەرٸگەر قوسىمشا تاعامداردىڭ تٷر-تٷرٸ شىعىپ جاتسا دا, ولار انا سٷتٸن تولىققاندى الماستىرا المايتىنىن, سەبەبٸ وندا دايىن انتيدەنەلەر بولاتىنىن ايتادى.
"بالانى ۆيرۋس, باكتەرييادان جەنە باسقا دا اۋرۋلاردان قورعايتىن انتيدەنە تەك انا سٷتٸندە بولادى. سەبەبٸ انتيدەنەنٸ انا ۇزاق ۋاقىت بويى ٶزٸ قالىپتاستىرعان. ول - تابيعي قورعانىس. وتىز جىلدان اسا ۋاقىت بۇرىن امەريكادا عالىمدار زەرتتەۋ جٷرگٸزگەن. وندا تٷرمەدە وتىرعان ادامداردىڭ اناسىن ەمگەن-ەمبەگەنٸن انىقتاعان. نەتيجەسٸندە ولاردىڭ كٶبٸ انا سٷتٸنەن ايىرىلعان بولىپ شىققان. وسىعان قاراپ ادامنىڭ پسيحولوگييالىق تۇرعىسىنان بالا ەمٸزۋدٸڭ ماڭىزدى ەكەنٸن ايتۋعا بولادى", - دەيدٸ مامان.
"انا سٷتٸ بالا قۇرالعان گەنەتيكالىق ماتەريالدىڭ ٶزٸ. سول سەبەپتٸ ودان اللەرگييالىق رەاكتسييا تۋىنداماۋى كەرەك, ەرينە ەگەر انا ٶزٸ ونى تۋدىراتىن تاعام جەمەسە. ال سيىر اقۋىزىنان جاسالاتىن قوسپادان بالادا جيٸ اعزانىڭ تٸتٸركەنۋٸ مەن ول تاعامعا تٶزبەۋشٸلٸك بولىپ تۇرادى. قاندايدا بٸر سەبەپتەرمەن انا بالاعا جاساندى قوسپا بەرۋگە مەجبٷر بولسا, بالا قالىپتى داميدى. بٸراق ولاردىڭ يممۋندى جٷيەسٸ اقىرىن قالىپتاسادى جەنە ولار تٷرلٸ ۆيرۋس پەن جۇقپالى اۋرۋعا شالدىققىش كەلەدٸ. زەرتتەۋ بويىنشا, ەمبەگەن بالا تابيعي جولمەن تاماقتاناتىن بالاعا قاراعاندا 4-8 ەسە كٶبٸرەك ٸشەك اۋرۋىنا شالدىعۋعا بەيٸم ەكەن. سونىمەن قاتار, بۇل بالالار جرۆي (جەدەل رەسپيراتورلى ۆيرۋستىق ينفەكتسييالار), تٷرلٸ اللەرگييالىق اۋرۋدان باستاپ تىنىس دەمٸكپەسٸنە دەيٸن شالدىعۋعا بەيٸم كەلەدٸ", - دەپ قوستى جوعارى دەرەجەلٸ دەرٸگەر.
گولوۆەنكونىڭ ايتۋىنشا, بالا ٷشٸن انا سٷتٸنەن دە ماڭىزدى نەرسە بار.
"سەبي تۋعاننان كەيٸن ەڭ كەرەگٸ - انا سٷتٸ ەمەس, ۋىز دەسە بولادى. ول انادا بوسانعاننان كەيٸنگٸ العاشقى كٷندەرٸ پايدا بولاتىن سۇيىقتىق. ونىڭ قۇرامىندا قورعانىش انتيدەنەنٸڭ ماكسيمال مٶلشەرٸ بولادى. ۋىز سەبيدٸڭ تىنىس الۋ جولدارى مەن ٸشەك جولىنىڭ شىرىشتى قابىعىن قاپتايدى. سول سەبەپتەن حالىقارالىق ۇسىنىس بويىنشا بالا تۋا سالىپ مٸندەتتٸ تٷردە ەمۋٸ كەرەك. سىرت كٶزگە جاي عانا سۇيىقتىق بولىپ كٶرٸنگەنمەن, ۋىزدى جوعالتىپ الماۋ ٶتە ماڭىزدى", - دەيدٸ ول.
ەرينە انا سٷتٸ بالا ٷشٸن ٶتە ماڭىزدى. الايدا الماتىلىق تەراپەۆت-كارديولوگ لەيلا وسپانوۆانىڭ ايتۋىنشا, ەر بالاعا جەكە كٷتٸم كەرەك. كەيدە انا دەنساۋلىعىنداعى اقاۋ سٷت ارقىلى بالاعا كەرٸ ەسەرٸن تيگٸزۋٸ مٷمكٸن ەكەن.
"مىسالى قانازدىقپەن اۋىراتىن انا بالا جاعدايىن ودان ەرٸ قيىنداتۋى مٷمكٸن. مۇنداي جاعدايدا دەرٸگەرلەر قوسىمشا سٷت قوسپالارىن بەرۋدٸ ۇسىنادى. سەبەبٸ قانازدىق سەبيدٸڭ اقىل-وي كەمٸستٸگٸنە ەكەلەدٸ. ەڭ قورقىنىشتىسى, ول ەرتە كەزەڭدە باستالمايدى, بالا 19 جاسقا كەلگەننەن كەيٸن عانا اۋرۋ بەلگٸلەرٸ بايقالا باستايدى. سونىمەن قاتار, قانازدىق ۇرپاقتان-ۇرپاققا جالعاسادى. سول سەبەپتٸ دەرٸگەرلەر جٷكتٸلٸك كەزٸندە ونى ەمدەۋگە كەڭەس بەرەدٸ. قانازدىق تا كٶپ جاعدايدا بالا ەمٸزۋ ۇزاقتىعىنا ەسەر ەتەدٸ", - دەيدٸ دەرٸگەر.
سەبيدٸڭ تاماقتانۋى ونىڭ سالماق جيناۋىنا بايلانىستى ەكەن. بالا دەرٸگەرلەرٸ ونى اي سايىن ٶلشەپ, قاداعالاپ وتىرادى. لەيلا وسپانوۆانىڭ ايتۋىنشا, بالا جيٸ مازاسىزدانىپ, ەمشەك سۇراپ جىلاي بەرسە كٶپ جاعدايدا ول انا سٷتٸنە تويماۋى مٷمكٸن. ونداي جاعدايدا بٸرتە-بٸرتە قوسىمشا تاعامدى قولدانۋعا بولادى.
"كەيدە بالا تۋعاننان كەيٸنگٸ العاشقى ايدا انا سٷتٸنە تويمايدى. ونىڭ تٷرلٸ سەبەبٸ بار, انادان سٷت قاشادى نەمەسە ەمشەگٸ دۇرىس دامىماعان بولىپ شىعادى. بەلكٸم انا اۋىراتىن شىعار, يا بولماسا وتا جاسالعان بولۋى مٷمكٸن. بۇل قيىندىقتىڭ شەشٸمٸن قوسىمشا سٷت قوسپاسىنان تابۋعا بولادى, بٸراق بالانى ۇزاق ۋاقىت بويى تۇراقتى ەمٸزۋ ونىڭ دەنساۋلىعىنا پايدالىراق. بٸراق ول ٷش جاستان ارى سوزىلماۋى تيٸس, سەبەبٸ ودان ارى باسقا دا قيىندىقتار تۋىنداۋى ەبدەن مٷمكٸن", - دەيدٸ ول.
"جاساندى سٷت بالانىڭ يممۋنيتەتٸ مەن اس قورىتۋ جٷيەسٸنە جەنە اقىل-ويىنىڭ دامۋىنا قالاي ەسەر ەتەدٸ?" دەگەن سۇراققا دەرٸگەر لەيلا وسپانوۆا تابيعي جەنە جاساندى سٷتتٸڭ ٷلكەن ايىرماشىلىعى انىقتالماعان دەيدٸ.
"بۇل سۇراقتى دۇرىس تٷسٸنۋ قاجەت. بالادا انتيدەنە جەتٸسپەگەندە ونىڭ يممۋندىق جٷيەسٸ ەلسٸرەيدٸ. ال انتيدەنە انا سٷتٸمەن كەلەدٸ. بالانىڭ اس قورىتۋ جٷيەسٸندەگٸ قيىندىقتار تەك قوسىمشا سٷتتٸڭ ساپاسىز بولۋىنان تۋىندايدى. سوندىقتان ونى جەكە قاداعالاۋ كەرەك. اقىل-ويدىڭ دامۋىنا دا جاساندى سٷت كەرٸ ەسەرٸن تيگٸزبەيدٸ, مۇندا ٷلكەن ايىرماشىلىق انىقتالماعان. دەسە دە دەرٸگەرلەر بالانىڭ يممۋندىق جٷيەسٸن كٷشەيتۋ ٷشٸن ونى ەمٸزۋگە كەڭەس بەرەدٸ", - دەيدٸ لەيلا وسپانوۆا.
