«دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ مامانداندىرىلعان بٸلٸم بەرۋ ۇيىمدارىنا قابىلداۋ كونكۋرسى تۋرالى تٷسٸندٸردٸ, دەپ حابارلايدى قازاقپارات.
«2022-2023 وقۋ جىلىنا مامانداندىرىلعان بٸلٸم بەرۋ ۇيىمدارىنا قابىلداۋ كونكۋرسى دارىندى بالالارعا ارنالعان 71 مەكتەپتە ٸسكە اسادى. ٷمٸتكەرلەردٸڭ قۇجاتتارىن قابىلداۋ اعىمداعى جىلدىڭ 1 ناۋرىزى مەن 1 سەۋٸرٸ ارالىعىندا www.qabyldau.daryn.kz پورتالى ارقىلى جٷرگٸزٸلەدٸ. كونكۋرس «دارىن» ورتالىعى بەلگٸلەگەن مەرزٸمدە بەكٸتٸلگەن كەستەگە سەيكەس 15 – 30 سەۋٸر ارالىعىندا ٶتەدٸ. مامانداندىرىلعان بٸلٸم بەرەتٸن ۇيىمدارى 5, 6, 7 سىنىپتىڭ وقۋشىلارىن قابىلدايدى», - دەدٸ نۇركەشەۆ ورتالىق كوممۋنيكاتسييالار قىزمەتٸندە.
بەسٸنشٸ سىنىپ وقۋشىلارى 40 سۇراققا جاۋاپ بەرەدٸ:
- ماتەماتيكا جەنە لوگيكا – 30 سۇراق,
- وقۋ ساۋاتتىلىعى – 10 سۇراق.
تەستٸلەۋگە بٶلٸنگەن ۋاقىت – 60 مينۋت.
التىنشى سىنىپ وقۋشىلارى 60 سۇراققا جاۋاپ بەرەدٸ:
- ماتەماتيكا جەنە لوگيكا – 35 سۇراق;
- وقۋ ساۋاتتىلىعى – 15 سۇراق;
- قازاقستان تاريحى – 10 سۇراق.
تەستٸلەۋگە بٶلٸنگەن ۋاقىت – 90 مينۋت.
جەتٸنشٸ سىنىپقا تٷسەتٸندەر 75 سۇراققا جاۋاپ بەرەدٸ:
- ماتەماتيكا جەنە لوگيكا – 55 سۇراق;
- وقۋ ساۋاتتىلىعى – 10 سۇراق;
- قازاقستان تاريحى – 10 سۇراق.
تەستٸلەۋگە بٶلٸنگەن ۋاقىت – 120 مينۋت.
بۇدان بٶلەك ول «مىڭ بالا» وليمپياداسى بويىنشا اۋىل مەكتەپتەرٸنٸڭ وقۋشىلارىنا بٶلٸنگەن كۆوتا سانى 10%-دى قۇرايتىنىن ايتتى.
«مامانداندىرىلعان مەكتەپتە بٸلٸم الاتىن باستاۋىش سىنىپ وقۋشىسى ورتا مەكتەپكە ەمتيحانسىز ٶتەدٸ. ٸرٸكتەۋ كونكۋرسى ەلەكتروندى فورماتتا ٶتكٸزٸلەدٸ. وقۋشىلاردى مامانداندىرىلعان مەكتەپتەرگە قابىلداۋدىڭ اشىقتىعىن, ەدٸلدٸگٸن قاداعالاۋ ٷشٸن ەلەكتروندى پلاتفورمانىڭ كٶمەگٸمەن پروكتورينگ جٷيەسٸ قولدانىلادى. عيماراتتا, اۋديتورييالاردا جەنە كونكۋرستىق ٸرٸكتەۋ ٶتكٸزٸلەتٸن ورىنداردا بەينەباقىلاۋ جەنە اۋديو جازبا جٷيەلەرٸن قامتاماسىز ەتەمٸز», - دەدٸ تيمۋر نۇركەشوۆ.
