ۇلى عالىم جەنە ويشىل ەبۋ ناسىر ەل-فارابيدٸڭ 1 150 جىلدىعى قارساڭىندا كۋالا-لۋمپۋرداعى قازاقستان ەلشٸلٸگٸ قازاق ۇلتتىق ۋنيۆەرسيتەتٸ جەنە مالايزييا حالىقارالىق يسلام ۋنيۆەرسيتەتٸمەن بٸرلەسە ۇيىمداستىرعان بەينەكونفەرەنتسييادا مالايزييالىق عالىم وسمان باكاردىڭ «ەل-فارابي: ٶمٸرٸ, ويلارى جەنە ماڭىزى» اتتى كٸتابى بويىنشا پٸكٸر الماسۋ ٶتتٸ, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
فورۋمعا 233 ادام, ونىڭ ٸشٸندە عالىمدار مەن زەرتتەۋشٸلەر, يسلام مەدەنيەتٸ فيلوسوفيياسى مەن تاريحى سالاسىنىڭ ماماندارى, وقىتۋشىلار, ستۋدەنتتەر مەن قوعام قايراتكەرلەرٸ قاتىستى.
شارادا مالايزيياداعى قازاقستان ەلشٸسٸ بولات يمانباەۆ, ەل-فارابي اتىنداعى قازۇۋ-دىڭ بٸرٸنشٸ پرورەكتورى مۇحامبەتقالي بٷركٸتباەۆ جەنە مالايزييا حالىقارالىق يسلام ۋنيۆەرسيتەتٸنٸڭ پرورەكتورى احماد فاريز يسمايل ٸس-شارانىڭ ەكٸجاقتى عىلىمي جەنە مەدەني الماسۋدى نىعايتۋداعى ماڭىزدىلىعىن اتاپ ٶتتٸ.
باياندامالاردى اتالعان كەشەندٸ زەرتتەۋدٸڭ اۆتورى – مالايزييا حالىقارالىق يسلام ۋنيۆەرسيتەتٸ جانىنداعى «ەل-عازالي» يسلامدىق وي جەنە ٶركەنيەتٸ حالىقارالىق ينستيتۋتىنىڭ پروفەسسورى وسمان باكار, قازۇۋ فيلوسوفييا جەنە ساياساتتانۋ فاكۋلتەتٸنٸڭ دەكانى ەلييا ماساليموۆا جەنە «ۋتارا مالايزييا» ۋنيۆەرسيتەتٸنٸڭ پروفەسسورى حازيم شاح مۋراد جاسادى.
سپيكەرلەر و. باكاردىڭ كٸتابى مالايزييادا جەنە بٷكٸل ەلەمدە ەل-فارابي مۇراسىن زەرتتەۋگە جەنە تانىتۋعا ٷلكەن ٷلەس قوسقانىن اتاپ ٶتتٸ. اتالعان كٸتاپتا ۇلى دالا تۋماسىنىڭ فيلوسوفييا مەن يسلامدىق ويدى دامىتۋداعى رٶلٸ, سونداي-اق شىعىس پەن باتىس اراسىنداعى رۋحاني بايلانىستاردى ٸلگەرٸلەتۋگە ەسەرٸ جان-جاقتى كٶرسەتٸلگەنٸ اتاپ ٶتٸلدٸ. سەسسييا بارىسىندا قاتىسۋشىلار ەل-فارابيدٸڭ فيلوسوفييالىق ۇستانىمدارىنىڭ قازٸرگٸ كەزەڭدەگٸ كٶكەيكەستٸگٸن جەنە ولاردىڭ ەلەمگە ىقپالىنا قاتىستى بٸرقاتار مەسەلەنٸ تالقىلادى.
ٸس-شارا قورىتىندىسى بويىنشا قاتىسۋشىلار قازاقستان مەن مالايزييا ۋنيۆەرسيتەتتەرٸ اراسىندا ىنتىماقتاستىقتى كەڭەيتۋگە جەنە ۇلى عالىمنىڭ مۇراسىن زەرتتەۋ مەن ناسيحاتتاۋدا كٷش بٸرٸكتٸرۋگە كەلٸستٸ.
