فوتو: depositphotos.com
ۇلىتاۋ وبلىسىنىڭ پروكۋراتۋراسى اسىراپ العان بالالارىن ازاپتاعان ەيەلگە قاتىستى مەلٸمدەمە جاسادى, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
وبلىستىق پروكۋراتۋرانىڭ مەلٸمەتٸنشە, سوتتالۋشى سادىقوۆا 2018 جىلى شارۋا قوجالىعىنىڭ يەسٸ رەتٸندە مال باعۋشىلارعا تٶلەنەتٸن جالاقىنى ٷنەمدەۋ ماقساتىندا بالالار ٷيٸنەن 3 كەمەلەتكە تولماعان بالانى, ناقتىراق ايتساق, 2 اعايىندى ۇل بالا مەن 1 قىز بالانى اسىراپ العانى انىقتالعان.
سوتتالۋشى زاڭ تالاپتارىن ەلەمەي جەنە پاتروناتتىق كەلٸسٸمنٸڭ مٸندەتتەرٸن ورىنداماي بالالاردى اۋىر ٷي شارۋاسىمەن اينالىسۋعا, سونداي-اق جەزقازعان قالاسىنىڭ اۋماعىندا مەتالل سىنىقتارىن جيناۋعا مەجبٷرلەگەن. ەگەر باعىنباعان نەمەسە جۇمىستى دۇرىس اتقارماعان جاعدايدا سوتتالۋشى سادىقوۆا بالالاردى ۇرىپ-سوعۋ ارقىلى فيزيكالىق جەنە پسيحيكالىق ازاپقا ۇشىراتقان.
جوعارىدا اتالعان فاكتٸلەردٸڭ بارلىعى سوتقا دەيٸنگٸ تەرگەۋدە جەنە سوت وتىرىسى بارىسىندا دەلەلەندٸ.
"كەمەلەتكە تولماعانداردىڭ ٸستەرٸ جٶنٸندەگٸ مامانداندىرىلعان اۋدانارالىق سوتتىڭ 2024 جىلعى 11 شٸلدەدەگٸ ٷكٸمٸمەن ر.ج.سادىقوۆا كەمەلەتكە تولماعانداردى ازاپتاۋ جەنە قورعانشى ٶكٸلەتتٸگٸن اسىرا پايدالانعانى ٷشٸن كٸنەلٸ دەپ تانىلىپ, 4 جىلعا باس بوستاندىعىنان ايىرىلدى", – دەلٸنگەن حابارلامادا.
ەسكە سالايىق, بۇعان دەيٸن ۇلىتاۋ وبىلىسى تۇرعىنىنىڭ اسىراپ العان بالالارىن بەس جىل بويى قۇلدىقتا ۇستاعانى تۋرالى جازعان ەدٸك.
