ماقتاارالدا كەسٸپكەر اۋداندىق اۋرۋحانانىڭ جانىندا ورنالاسقان ٶزٸنٸڭ جەكەمەنشٸك جەر تەلٸمٸنە تٸكۇشاق قوناتىن الاڭ سالىپ بەردٸ, دەپ حابارلايدى "ۇلت اقپارات".
تٷركٸستان وبلىسى, ماقتاارال اۋدانىندا جەرگٸلٸكتٸ كەسٸپكەر اۋداندىق اۋرۋحانانىڭ جانىندا ورنالاسقان ٶزٸنٸڭ جەكەمەنشٸك جەر تەلٸمٸنە تٸكۇشاق قوناتىن الاڭ سالىپ بەردٸ. بۇعان دەيٸن اۋىر جاعدايداعى ناۋقاستاردى وبلىستىق ەمدەۋ مەكەمەلەرٸنە جەتكٸزەتٸن تٸكۇشاق ەلدٸ مەكەن شەكاراسىنداعى ەگٸستٸك القاپتارعا قوناتىن بولعان.
ناۋقاستىڭ تاعدىرى ٷشٸن ەربٸر سەكۋندتىڭ ماڭىزدى ەكەنٸ بەلگٸلٸ. سوندىقتان, ساناۆياتسييا قىزمەتٸ اۋىلدىق جەرلەردەگٸ ادام ٶلٸمٸ مەن ادام ٶمٸرٸنٸڭ ۇزاقتىعىنا ەسەر ەتەتٸن باستى باعىتتاردى بٸرٸ. اۋرۋحانا جانىنان اشىلعان جاڭا الاڭ دەنساۋلىق جاعدايى مٷشكٸل ەمدەلۋشٸلەردٸ ساناۆياتسييانىڭ كٷشٸمەن جەدەل جەتكٸزۋ قىزمەتٸنٸڭ تيٸمدٸ جۇمىس ٸستەۋٸنە سەپ بولماق.
«اتاكەنت» اۋداندىق اۋرۋحاناسىنا تارتۋ جاساعان كەسٸپكەر قانات مىرزاحمەتوۆ وسىعان دەيٸن دە كٶپتەگەن ٷلگٸ بولارلىق ٸستەرٸمەن كٶپتٸڭ العىسىن الىپ كەلەدٸ. ازامات ەلدەگٸ پاندەمييامەن كٷرەس كەزٸندە اۋداندىق اۋرۋحانالارعا جالپى سانى 12 يۆل اپپاراتىن سىيعا تارتقان. ايماقتا ورىن العان سۋ تاسقىنى كەزٸندە دە قاراپ قالماعان. جەرلەستەرٸن اپاتتان امان الىپ قالۋعا اتسالىسقان.
