Maqtaaralda kásipker aýdandyq aýrýhananyń janynda ornalasqan óziniń jekemenshik jer telimine tikushaq qonatyn alań salyp berdi, dep habarlaidy "Ult aqparat".
Túrkistan oblysy, Maqtaaral aýdanynda jergilikti kásipker aýdandyq aýrýhananyń janynda ornalasqan óziniń jekemenshik jer telimine tikushaq qonatyn alań salyp berdi. Buǵan deiin aýyr jaǵdaidaǵy naýqastardy oblystyq emdeý mekemelerine jetkizetin tikushaq eldi meken shekarasyndaǵy egistik alqaptarǵa qonatyn bolǵan.
Naýqastyń taǵdyry úshin árbir sekýndtyń mańyzdy ekeni belgili. Sondyqtan, sanaviatsiia qyzmeti aýyldyq jerlerdegi adam ólimi men adam ómiriniń uzaqtyǵyna áser etetin basty baǵyttardy biri. Aýrýhana janynan ashylǵan jańa alań densaýlyq jaǵdaiy múshkil emdelýshilerdi sanaviatsiianyń kúshimen jedel jetkizý qyzmetiniń tiimdi jumys isteýine sep bolmaq.
«Atakent» aýdandyq aýrýhanasyna tartý jasaǵan kásipker Qanat Myrzahmetov osyǵan deiin de kóptegen úlgi bolarlyq isterimen kóptiń alǵysyn alyp keledi. Azamat eldegi pandemiiamen kúres kezinde aýdandyq aýrýhanalarǵa jalpy sany 12 IVL apparatyn syiǵa tartqan. Aimaqta oryn alǵan sý tasqyny kezinde de qarap qalmaǵan. Jerlesterin apattan aman alyp qalýǵa atsalysqan.
