مىرزاشٶل ٶڭٸرٸن ەڭ ٸرٸ ماقتا ٶسٸرەتٸن ايماققا اينالدىرعان «دوستىق» كانالىنىڭ ارناسىنان بيىل سۋ كەتكەن جوق. باستاۋىن ٶزبەكستاننان الاتىن كانالدان كەلەتٸن سۋ بۇعان دەيٸن جاز ورتاسىندا ماقتارالدىق ديقاندارعا جەتپەي, شارۋالار شاش ەتەكتەن شىعىنعا باتىپ, تٶككەن تەرلەرٸ تەككە كەتەتٸن. ماقتاارال اۋدانىندا 136 مىڭ گەكتار سۋارمالى جەر بار. بيىل اق التىن القابىنىڭ كٶلەمٸ بٸرشاما ۇلعايتىلىپ 94 مىڭ گەكتار جەرگە ماقتا ەگٸلگەن. اۋدان ەكٸمٸ ع.يسمايلوۆ جىلدىڭ باسىندا جۋرناليستەرگە بەرگەن بريفينگتە "ماقتاارالدا بيىل سۋ تاپشىلىعى بولمايدى!" دەپ مەلٸمدەمە جاساعان ەدٸ. كەيٸننەن ٶڭٸردەگٸ كوللەكتورلىق جٷيەلەردٸ تازالاۋ جۇمىستارى جٷرگٸزٸلٸپ, تٸك درەناجدى ۇڭعىمالار جاراقتاندىرىلدى. سول جۇمىستاردىڭ ارقاسىندا اۋداننىڭ سۋ جٷيەلەرٸ رەتكە كەلٸپ, سۋ تاپشىلىعى جويىلدى. سونىمەن قاتار, سۋ مەسەلەسٸنٸڭ شەشٸلۋٸندە قازاق-ٶزبەك قارىم-قاتىناسىنىڭ جاندانۋى دا ٶز نەتيجەسٸن بەرۋدە. بۇل تۋرالى ماقتاارال اۋدانى ەكٸمٸنٸڭ باسپاسٶز قىزمەتٸ حابارلادى.
«جازدىڭ شٸلدە-تامىز ايلارىندا سۋ تاپشى بولىپ, ٶزٸمٸزگە تيٸستٸ سۋىمىزدى 50 پايىزعا دەيٸن الا الماي جٷرگەن جىلدار بولدى. وسى جۇمىس قولعا الىنىپ, بٸرتالاي ٸس-شارالار جاسالىندى. سونىڭ نەتيجەسٸن كٶرٸپ وتىرمىز. قازٸر ٶزٸمٸزگە تيٸستٸ سۋدى تولىعىمەن الىپ جاتىرمىز. ماقتاارالعا «دوستىق» ترانسشەكارالىق كانالىنان سەكۋندىنا 100 تەكشە مەتر سۋ تٷسٸپ جاتىر. بەكٸتٸلگەن كەستە بويىنشا 1 ميلليارد 116 ميلليون تەكشە مەتر تٸرشٸلٸك نەرٸ الىنادى. بۇل سۋارۋ ماۋسىمىنا جەنە كٶكتەمگٸ سوردى شايۋعا جەتكٸلٸكتٸ بولادى» - دەيدٸ «قازسۋشار» رقم وقوف ديرەكتورىنىڭ مٸندەتٸن اتقارۋشى تولقىن بالپيكوۆ.
بٸرنەشە جىلدان بەرٸ ٶزبەكستانمەن سۋ مەسەلەسٸ جٶنٸندە كەلٸسٸم جٷرگٸزگەن قر اشم سۋ رەسۋرستارى كوميتەتٸنٸڭ تٶراعاسى يسلام ەبٸشەۆ «دوستىق» كانالىنىڭ سۋىن پروپورتسيونالدى تٷردە بٶلٸسۋگە كەلٸسكەنٸن ايتىپ وتىر. ياعني, دەل وسى كانال ارقىلى كٶرشٸ اعايىنداردىڭ 112 مىڭ گەكتارى, ماقتاارالدىقتاردىڭ 136 مىڭ گەكتارى سۋ ٸشەدٸ. تٶراعانىڭ ايتۋىنشا, بۇعان دەيٸن ٶزبەك تاراپى ٶزدەرٸنٸڭ گيدروبەكەتتەرٸنە جٸبەرمەيتٸن. قازٸرگٸ كەلٸسٸم بويىنشا كٶرشٸلەس ەرٸپتەستەرمەن ٶزدەرٸنٸڭ بەكەتتەرٸنە تەكسەرۋ ٷشٸن, قاداعالاۋ ٷشٸن جٸبەرەتٸن دەڭگەيدەگٸ ۋاعدالاستىققا قول جەتكٸزٸلگەن.
بىلتىر ماقتاارال اۋدانىنىڭ 50 مىڭ گەكتارى سۋ تاپشىلىعىن كٶرگەن. ونىڭ كەسٸرٸنەن 40 مىڭ توننادان استام اق التىندى ديقاندار الا الماي قالعان. ال بيىل بۇل مەسەلە مٷلدە بولعان جوق.
«سۋدان ەشقانداي مەسەلە بولعان جوق. ماقتامىز تولىقتاي بٸرٸنشٸ سۋىن ٸشٸپ بٸتتٸ. ەندٸ ەكٸنشٸ سۋدى اشىپ جاتىرمىز» - دەيدٸ 120 گەكتار القاپقا ماقتا داقىلىن ەككەن شارۋا قوجالىعىنىڭ تٶراعاسى نۇرلان ارىزقۇلوۆ.
