پارلامەنت مەجٸلٸسٸنٸڭ جالپى وتىرىسىندا ماقتاارال اۋدانىندا سۋ باسقان تۇرعىن ٷيلەرگە كەلگەن زالالدى باعالاۋ جٷيەسٸنە قاتىستى ۇسىنىستار ايتىلدى. وسى ورايدا ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولداندى, دەپ حابارلايدى "ۇلت اقپارات".
«بارشاڭىزعا بەلگٸلٸ بولعانداي, ٶزبەكستاننىڭ اۋماعىندا ورنالاسقان «ساردوبا» سۋ قويماسى بٶگەتٸنٸڭ بۇزىلۋى سالدارىنان ماقتاارال اۋدانىنىڭ بٸرقاتار ەلدٸ مەكەندەرٸ سۋ استىندا قالدى. بٷگٸنگٸ تاڭدا رەسمي دەرەكتەر بويىنشا اۋداننىڭ 10 ەلدٸ مەكەنٸ, 800-دەن اسا تۇرعىن ٷيلەرٸ, 3 مەكتەپ, 5 بالاباقشا, 4 مەديتسينالىق نىسان سۋ استىندا قالىپ, 31 مىڭنان استام تۇرعىن ەۆاكۋاتسييالاندى. قازٸردٸڭ ٶزٸندە كٶكتەم كەزٸندە ەڭبەگٸ جاناتىن ديقان-فەرمەرلەردٸڭ 7600 گەكتارعا جۋىق اۋماقتاعى داقىلدى ەگٸن القابىن سۋ باستى. مەملەكەت باسشىسى قاسىم-جومارت كەمەلۇلى توقاەۆ سۋ باسقان اۋىلداردىڭ تۇرعىندارىنا جان-جاقتى ماتەريالدىق كٶمەك كٶرسەتۋ تۋرالى ٷكٸمەتكە تاپسىرما بەرٸپ, تٷركٸستان وبلىسىنىڭ بٸردە-بٸر تۇرعىنى نازاردان تىس قالمايتىنىن ايتتى. پرەزيدەنت تاپسىرماسىن ورىنداۋدا ٷكٸمەت جەدەل شارالار قابىلدادى. اپاتتىڭ العاشقى كٷنٸنەن باستاپ ٶڭٸردە جەدەل شتاب قۇرىلدى», - دەپ توقتالدى دەپۋتات قۇدايبەرگەن ەرجان.
وسى ورايدا ول قابىلدانىپ وتىرعان شارالارعا ۇسىنىس ايتتى.
«ٷكٸمەتتٸك كوميسسييا سۋ العان تۇرعىن ٷيلەرگە كەلگەن زالالدى باعالاۋدا تەك ٷيدٸڭ سالىنعان ماتەريالىنا عانا ەمەس, ٷيدٸڭ تەكشە مەتر كٶلەمٸ مەن تۇرعىندار سانىن نەگٸزگە الۋىن سۇرايمىز. كەيبٸر تۇرعىنداردىڭ ٶز مٷلٸكتەرٸن رەسٸمدەپ ٷلگەرمەگەندەرٸ دە بولادى. وسى جاعدايدى ەسكەرۋ قاجەت. جەراستى سۋلارىنىڭ جاقىن ورنالاسقانىن ەسكەرە وتىرىپ, سۋ باسقان جەرلەردٸ بابىنا كەلتٸرۋ ماقساتىندا درەناج جٷيەلەرٸن قولدانۋدى قاجەت دەپ سانايمىز. ديقاندارعا ەگٸندٸ قايتا ەگۋگە قولداۋ جولدارىن قاراستىرا وتىرىپ, ونىڭ ٸشٸندە اۋىلشارۋاشىلىق تەحنيكا, جانار-جاعارمايمەن جەدەل قامتاماسىز ەتەتٸن جەنە ولارعا ەگٸستٸك القاپتاردا ۋاقىتشا پانالاۋعا مٷمكٸنشٸلٸك جاساۋ كەرەك. سونىمەن بٸرگە, ديقاندارمەن اقىلداسا وتىرىپ, قىسقا مەرزٸمدە ٶنٸم بەرەتٸن داقىلداردى ەگۋدٸ جەنە وعان كەرەكتٸ تۇقىمداردى جەتكٸزٸپ بەرۋدٸ, كەيٸننەن الىنعان ٶنٸمنٸڭ ساتىلۋىنا بايلانىستى شارالاردى ٸسكە اسىرۋ كەرەك دەپ سانايمىز», - دەدٸ دەپۋتات.
سونىمەن قاتار ول قازٸرگٸ كارانتين جاعدايىن ەسكەرە كەلە, تۇرعىندارعا مەديتسينالىق كٶمەك بەرۋ مەسەلەسٸنە اسا جوعارى مەن بەرۋ كەرەكتٸگٸن ايتتى.
