ماقتاارال اۋدانىنداعى سۋ باسقان ەگٸستٸك القاپتاردى قايتا قالپىنا كەلتٸرٸپ, شيتتٸ ماقتا ەگۋ جۇمىستارى باستالدى. وسى ماقساتتا اۋدانعا ٶزبەكستان رەسپۋبليكاسىنىڭ جىزاق جەنە سىردارييا وبلىستارىنان 40 ارنايى تەحنيكا مەن 243,6 توننا ماقتا شيتٸ جەتكٸزٸلدٸ, دەپ حابارلايدى "ۇلت اقپارات".
كٶرشٸ ەلدەن كەلگەن تەحنيكانىڭ 15-ٸ چيزەل اگرەگاتى بولسا, 11- جٷيەكارالىق قوپسىتقىش جەنە 14-ٸ دەن سەپكٸش تراكتورلارى. وسىلايشا شەكارالى اۋدان اۋماعىنا جەتكٸزٸلگەن ماماندار مەن تەحنيكالار قازٸرگٸ ۋاقىتتا سۋى تارتىلعان ەلدٸ مەكەندەردەگٸ شارۋالارعا كٶمەكتەسٸپ, ماقتا داقىلىن قايتا ەگٸپ بەرٸپ جاتىر. مەسەلەن, ج.نۇرلىباەۆ اۋىلدىق وكرۋگٸنە قاراستى قاراقىر ەلدٸ مەكەنٸندەگٸ «جامانقۇل» شارۋا قوجالىعى ٶزبەكستاندىق تەحنيكانىڭ ارقاسىندا 7 گەكتار القابىنا ماقتا شيتٸن قايتا سەۋٸپ شىقتى.
«ٶزبەكستاندىق تەحنيكانىڭ كٶمەگٸمەن توپان سۋ باسقان 7 گەكتار القابىما ماقتا دەنٸن قايتا سەۋٸپ الدىم. كٶرشٸ اعايىندار تەحنيكادان بٶلەك, جانار-جاعارمايىن, سۇرىپتى شيتٸن دە تەگٸن بەرٸپ وتىر. بۇل شىعىنعا ۇشىراعان بٸز سەكٸلدٸ ديقاندارعا ٷلكەن كٶمەك ەكەنٸ سٶزسٸز», - دەيدٸ «جامانقۇل» شارۋا قوجالىعىنىڭ مٷشەسٸ جاندوس ساپارحان.
ايتا كەتەيٸك, جالپى توپان سۋدان ماقتاارال اۋدانىنداعى 7 مىڭ 500 گەكتار ەگٸستٸك القاپ زارداپ شەككەن بولاتىن. سونىڭ 5035 گەكتارى جاڭاجول اۋىلى وكرۋگٸنە تيەسٸلٸ. ٶزبەكستاندىق تەحنيكالاردىڭ باسىم كٶپشٸلٸگٸ دە وسى اۋىل وكرۋگٸنە بٶلٸنٸپ وتىر. بۇدان بٶلەك, ەڭبەكشٸ اۋىلدىق وكرۋگٸنە قاراستى جاڭا تۇرمىس جەنە جانتاقساي ەلدٸ مەكەنٸندەرٸندەگٸ جالپى اۋماعى 113,31 گەكتار ەگٸستٸك القاپتى قايتا ٶڭدەۋ جۇمىستارىنا دا ٶزبەكستاندىق تەحنيكالار بٶلٸندٸ. سونىمەن قاتار, ج.نۇرلىباەۆ اۋىلدىق وكرۋگٸنە قاراستى قاراقىر ەلدٸ مەكەنٸندە 61,8 گەكتار ەگٸستٸككە قايتارا ماقتا دەنٸن سەبۋ جۇمىستارى جٷرگٸزٸلۋدە.
«كٶرشٸ مەملەكەتتەن كەلگەن تەحنيكالارعا دەگەن سۇرانىس كٷن ساناپ ارتىپ وتىر. ٶيتكەنٸ شارۋالار سۋ شايعان القاپتارىنا مامىر ايىنىڭ سوڭعى كٷندەرٸنە دەيٸن ماقتا ەگۋگە بولاتىنىن جاقسى بٸلەدٸ. سوندىقتان ولار كٷندٸز-تٷنٸ تىنباي ەگٸستٸك القاپتارىن قايتا قالپىنا كەلتٸرۋ جۇمىستارىنا جۇمىلۋدا. بٸر تەۋلٸكتە شامامەن 100 گەكتاردان استام القاپقا كٷلتە جٷرگٸزٸلٸپ, 100 گەكتارعا ماقتا ەگٸلۋدە», - دەيدٸ اۋداندىق اۋىل شارۋاشىلىعى بٶلٸمٸنٸڭ مامانى جارقىنبەك مىرزاليەۆ.
