ماقتاارال اۋدانىنداعى توپان سۋ شايعان ٶرگەباس پەن فيرداۋسي اۋىلدارىندا قابىرعالارى شىتىناعان ٷيلەر مەن قورا-قوپسىلاردىڭ ماتەريالدارىن رەتتەۋ جۇمىستارى باستالدى, – دەپ حابارلايدى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ.
الداعى ەكٸ-ٷش كٷندە تۇرعىندار جاڭا ٷيلەردٸڭ ٸرگەتاستارىن قالاۋعا كٸرٸسپەك. ول ٷشٸن ەسكٸ ماتەريالداردان قالىپ جاساۋ جۇمىستارى قىزا تٷسكەن. ماقتاارال اۋدانىنىڭ ەكٸمٸ باقىت اسانوۆتىڭ ايتۋىنشا, قازٸرگٸ تاڭدا سۋ باسقان 5 اۋىلدا تٷگەندەۋ جۇمىستارى جٷرٸپ جاتىر. بۇل ٸسپەن ارنايى جۇمىسشى توبى اينالىسۋدا.
«دەل قازٸرگٸ ۋاقىتتا بٸز توپان سۋ شايعان 5 اۋىلداعى ٷيلەردٸ تٷگەندەۋ جۇمىستارىن جٷرگٸزٸپ جاتىرمىز. ەكٸ-ٷش كٷندە قانشا ٷيدٸڭ بۇزىلعانى, قايتا سالىناتىنى بەلگٸلٸ بولادى. سول كەزدە بۇل تۋرالى مەلٸمەتتٸ جالپىعا ورتاق ەتٸپ, جارييا ەتەمٸز. ەزٸرگە تۇرعىندار ۋاقىتتى تيٸمدٸ پايدانالىپ, سۋ شايعان اۋلالارىن كٷل-قوقىستان تازارتىپ, قۇلاعان ٷيلەر مەن قورا-قوپسىلارىن رەتكە كەلتٸرٸپ جاتىر», - دەيدٸ باقىت ناسىرحانۇلى.
ايتا كەتەيٸك, ٶرگەباس پەن فيرداۋسي ەلدٸ مەكەندەرٸنٸڭ تۇرعىندارى ەشقايدا كٶشٸرٸلمەيدٸ.
سونداي-اق, ولار ٷيلەرٸنٸڭ قۇرىلىستارىن ٶزدەرٸ جٷرگٸزەتٸن بولادى. ياعني, بۇزىلعان ٷيلەردٸڭ ٶتەماقىسى تۇرعىندارعا ٷكٸمەتتٸك رەزەرۆتەن كەزەڭ-كەزەڭٸمەن اۋدارىلىپ وتىرادى.
تاياۋدا عانا ٷكٸمەتتٸك كوميسسييا مەن تۇرعىنداردىڭ كەزدەسۋٸنەن كەيٸن وسىنداي شەشٸم قابىلدانعان بولاتىن.
