ماقسات ٷسەنوۆ قاماۋعا الىندى. «ميستەر ح6» اتانعان ٷسەنوۆ «الماتى-بانگكوك» رەيسٸندە بۇزاقىلىق جاسادى دەپ ايىپتالىپ وتىر, دەپ حابارلايدى "ۇلت اقپارات".
بۇل تۋرالى قالالىق سوتتىڭ باسپاسٶز حاتشىسى دياس ماحامبەتوۆ حابارلادى.
«الماتى قالاسىنىڭ ەكٸمشٸلٸك سوتىنا ماقسات ٷسەنوۆكە قاتىستى ٸس تٷستٸ. انىقتالعانداي, الماتى-بانگكوك باعىتىنداعى 931-رەيستٸڭ ورىندالۋى بارىسىندا ٷسەنوۆ ۇشاق بورتىنداعى تەرتٸپ ەرەجەلەرٸن بۇزعان. سونداي-اق وقيعاعا كۋە بولعانداردىڭ سٶزٸنە قاراعاندا, ٷسەنوۆ بەيپٸل سٶز ايتىپ, ەكيپاجدىڭ ۇشۋ قاۋٸپسٸزدٸگٸنە قاتىستى تالاپتارىن ورىنداۋدان باس تارتقان جەنە ٶز تەرتٸبٸمەن جولاۋشىلارعا ىڭعايسىزدىق تۋعىزعان. سوت وتىرىسىندا ٷسەنوۆ كٸنەسىن ٸشٸنارا مويىندادى. قر ەكٸمشٸلٸك كودەكسٸنٸڭ 334-بابى 1-بٶلٸگٸ بويىنشا كٸنەلٸ دەپ تانىلعان ماقسات ٷسەنوۆكە قاتىستى سوت ٷكٸمٸمەن 10 تەۋلٸككە قاماۋعا الۋ تٷرٸندەگٸ ەكٸمشٸلٸك جاۋاپكەرشٸلٸككە تارتىلدى», - دەپ اتاپ ٶتتٸ الماتى قالالىق سوتىنىڭ باسپاسٶز حاتشىسى دياس ماحامبەتوۆ.
سونىمەن قاتار, بٷگٸن الماتى ەۋەجايى ٸشكٸ ٸستەر جەلٸلٸك بٶلٸمٸنٸڭ قىزمەتكەرلەرٸ ٷسەنوۆكە قاتىستى قر ەك-نٸڭ 566-بابى بويىنشا حاتتاما تولتىرىپ, وعان 3 اەك كٶلەمٸندە ايىپپۇل سالدى. بۇل تۋرالى قر باس كٶلٸك پروكۋراتۋراسىنىڭ باسپاسٶز قىزمەتٸنەن حابارلادى.
ايتا كەتۋ كەرەك, ماقسات ٷسەنوۆ 2013 جىلى جەلتوقساندا الماتىدا بٸرنەشە ادامدى كٶلٸگٸمەن قاعىپ ٶتكەن بولاتىن. سالدارىنان بٸر ادام قازا بولدى. تاراپتاردىڭ ىمىراعا كەلۋٸنە بايلانىستى ٷسەنوۆ قاماۋدان بوساتىلىپ, وعان ەكٸمشٸلٸك كودەكستٸڭ ەكٸ بابى بويىنشا جارتى ميلليون تەڭگە سوماسىنا ايىپپۇل عانا سالىندى. وسى وقيعادان سوڭ «ميستەر ح6» اتانعان ٷسەنوۆ جول ەرەجەسٸن بٸرنەشە رەت قايتا بۇزدى.
جاقىندا ماقسات ٷسەنوۆ 160 مىڭعا جۋىق سالىقتىق قارىزى بولسا دا, الماتىدان بانگكوككە ۇشىپ كەتكەنٸ حابارلانعان ەدٸ.
كەيٸن قر ەدٸلەت مينيسترلٸگٸ بەرەشەگٸ بار ازاماتتىڭ قالاي شەتەل اسقانى تۋرالى تٷسٸنٸكتەمە بەردٸ.
ماقسات ٷسەنوۆ 8 ماۋسىمدا 178000 تەڭگە كٶلەمٸندەگٸ قارىزىن ٶتەدٸ. ال كەشە الماتىدا ۇلتتىق ەۋەتاسىمالداۋشى كومپانييانىڭ پرەزيدەنتٸ پيتەر فوستەردٸڭ تٶراعالىعىمەن «ەير استانا» اۆياكومپانيياسىنىڭ ۇشۋلار قاۋٸپسٸزدٸگٸ جٶنٸندەگٸ كوميتەتٸنٸڭ وتىرىسى ٶتٸپ, وندا ماقسات ٷسەنوۆتٸڭ الماتى-بانگكوك ۇشاعىنىڭ بورتىنداعى بۇزاقى əرەكەتٸ تالقىلاندى. نەتيجەسٸندە ٷسەنوۆ «ەير استانا» كومپانيياسىنىڭ «سۇر تٸزٸمٸنە» ەنگٸزٸلدٸ.
