ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ تابيعاتقا قاتٸگەزدٸك تانىتقان جەيتتەرمەن قالاي كٷرەسۋ كەرەكتٸگٸن ايتىپ بەردٸ, دەپ حابارلايدى قازاقپارات.
«ٶكٸنٸشكە قاراي, سوڭعى اپتادا بٸز تابيعاتقا قاتٸگەزدٸك تانىتقان بٸرنەشە جايتقا كۋە بولدىق. بۇل - بارشامىزعا بەلگٸلٸ اقتاۋداعى يتبالىقتى ۇرىپ-سوعۋ, بۋرابايدا ٷيٸلٸپ جاتقان قوقىس, الماتى ماڭىندا پەرۆومايدا جايقالىپ ٶسكەنە قىزىل كٸتاپقا ەنگەن لوتوستى جۇلىپ الىپ, جەلٸگە جارييالاۋ, سونداي-اق بٸرەگەي كٶبەيتۇز كٶلٸنەن تۇز ۇرلاپ, ساتۋ فاكتٸلەرٸ. بۇل - تەك بٸزگە بەلگٸلٸ بولعان جايتتار», - دەدٸ ماعزۇم مىرزاعاليەۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا, بۇل مەسەلەمەن كٷرەسۋدٸڭ تەسٸلٸ بار.
«بٸرٸنشٸ, بۇل - ەكولوگييالىق بٸلٸم بەرۋ. بٸز حالىقتىڭ ەكولوگييالىق وي-ساناسىن ٶزگەرتٸپ, ٶزٸمٸز ٷلگٸ بولىپ, بالالاردى تابيعاتقا ۇقىپتى قاراۋدى ٷيرەتۋٸمٸز كەرەك. مىسالى, سول قوقىستى ٶزٸمەن بٸرگە الىپ كەتۋ, ەسٸرەسە ونى ٶرتەمەۋ, بالالاردى ٶسٸمدٸكتەر مەن جانۋارلاردى كٷتۋگە ٷيرەتۋ, ياعني ٶزٸمٸز تابيعات قورعاۋ قىزمەتٸنە بەلسەنە قاتىسۋىمىز كەرەك. اعاش وتىرعىزىپ, جان-جانۋارلاردى بارىنشا قورعاۋىمىز قاجەت. وسىنىڭ بەرٸ بالالىق شاقتان باستالادى. سوندىقتان دا, مەملەكەت باسشىسى بٸلٸم مينيسترلٸگٸنە مەكتەپتە بالالارعا ەكولوگييالىق بٸلٸم بەرەتٸن جاڭا پەن ەنگٸزۋدٸ تاپسىردى. بۇل جٶنٸندە پرەزيدەنت قاسىم-جومارت كەمەلۇلى بٷگٸن تاڭەرتەڭ ٶزٸنٸڭ Twitter اككاۋنتىندا حابارلادى», - دەدٸ ول.
مينيستردٸڭ ايتۋىنشا, ەكٸنشٸ ەدٸس - ايىپپۇل سالۋ.
«سوڭعى كٷندەرٸ تۋريستەر لەگٸ كٶبەيگەنٸن بايقايمىز. بٸراق, ولار بارعان جەرٸندە كٶپ قوقىس قالدىرىپ جاتىر. بٸزگە جيٸ قوقىس سالاتىن ىدىس ورناتۋ تۋرالى ۇسىنىس ايتىلدى. بٸراق, تەجٸريبە كٶرسەتكەندەي, بٸز نەعۇرلىم كٶپ باك قويساق, سوعۇرلىم ازاماتتار كٶپ قوقىس شاشادى. وسىعان وراي, بٸز ايىپپۇل سالۋعا مەجبٷرمٸز. بٸز ٸشكٸ ٸستەر مينيستٸرلٸگٸمەن بٸرگە وسى مەسەلەنٸ پىسىقتادىق. وسى دەمالىس كٷندەرٸنەن باستاپ جاعدايدى مونيتورينگتەۋ جەنە بٸردەن, جەرگٸلٸكتٸ جەردە شارا قابىلداۋ ٷشٸن ۇلتتىق پاركتەر مەن دەمالىس ايماقتارى بويىنشا رەيد جٷرگٸزەمٸز. قوقىس تاستاۋشىلارعا ايىپپۇل سالامىز! رەيدتەرگە بٸزبەن بٸرگە ەكولوگتار, قوعام بەلسەندٸلەرٸ مەن ەرٸكتٸلەر شىعادى», - دەدٸ ول.
