قىتايمەن سۋ رەسۋرستارىن بٶلۋ مەسەلەسٸنە قاتىستى ٶتە كٷردەلٸ كەلٸسسٶزدەر ٶتٸپ جاتىر. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى "ۇلت اقپارات".
«قازاقستان مەن قىتاي حالىق رەسپۋبليكاسى اراسىنداعى سۋ قاتىناستارى ترانسشەكارالىق ٶزەندەردٸ پايدالانۋ جەنە قورعاۋ سالاسىنداعى ىنتىماقتاستىق تۋرالى ٷكٸمەتارالىق كەلٸسٸممەن رەتتەلەدٸ. بٷگٸنگٸ كٷنگٸ نەگٸزگٸ پروبلەما - ترانسشەكارالىق ٶزەندەردٸڭ سۋ رەسۋرستارىن بٶلۋ جٶنٸندەگٸ كەلٸسٸمنٸڭ بولماۋىندا», - دەدٸ ول سەناتتى ٶتٸپ جاتقان ٷكٸمەت ساعاتىندا.
مينيستردٸڭ ايتۋىنشا, نەگٸزٸ كەلٸسٸم بويىنشا جۇمىس 2015 جىلدان باستالعان. كٸرٸسپەدەن جەنە 31-باپتان تۇراتىن بٸرىڭعاي قۇرىلىم كەلٸسٸلدٸ.
«قىتايمەن ٶتە كٷردەلٸ كەلٸسسٶزدەر ٶتەدٸ. قىتاي شەكارا ماڭىنداعى ەشبٸر ەلمەن سۋ بٶلۋ جٶنٸندە كەلٸسسٶزدەر جٷرگٸزبەيتٸنٸن ەرەكشە اتاپ ٶتكٸم كەلەدٸ. قازاقستان قىتايمەن كەلٸسسٶزدەر جٷرگٸزٸپ جاتقان العاشقى جەنە جالعىز ەل بولىپ سانالادى. جالپى بٸز كەلٸسٸمگە ترانسشەكارالىق ٶزەندەردٸڭ ەكوجٷيەسٸن ساقتاۋ مەسەلەلەرٸن ەنگٸزۋدٸ تالاپ ەتۋدەمٸز. قىتاي تاراپى بۇعان مٷددەلٸ ەمەس. وعان قاراماستان وتاندىق ساراپشىلاردىڭ تاباندىلىعىنىڭ ارقاسىندا ٶتكەن جىلى تاراپتاردىڭ سۋ رەسۋرستارىنا قۇقىقتارىن كەشەندٸ قاراۋ جەنە ترانسشەكارالىق سۋ وبەكتٸلەرٸنٸڭ ەكوجٷيەلەرٸن ساقتاۋ بويىنشا قىتاي تاراپىمەن ۋاعدالاستىققا قول جەتكٸزٸلدٸ. كەلٸسسٶزدەر جالعاسۋدا», - دەدٸ ماعزۇم مىرزاعاليەۆ.
ونىڭ دەرەگٸنشە, قازاقستاننىڭ 8 سۋ شارۋاشىلىعى باسسەينٸنٸڭ جەتەۋٸ ترانسشەكارالىق بولىپ سانالادى. سونىڭ سالدارىنان ەلٸمٸز شەكتەس ەلدەردٸڭ, اتاپ ايتقاندا قىتايمەن, قىرعىزستانمەن, ٶزبەكستانمەن جەنە رەسەي فەدەراتسيياسىمەن سۋ شارۋاشىلىعى ساياساتىمەن تىعىز بايلانىستى.
ايتا كەتەيٸك, قر پارلامەنتٸ سەناتى تٶراعاسىنىڭ ورىنباسارى اسقار شەكٸروۆتٸڭ تٶراعالىمەن ٶتٸپ جاتقان ٷكٸمەت ساعاتى «قازاقستاننىڭ سۋ قاۋٸپسٸزدٸگٸ: قازٸرگٸ كەزدەگٸ قاۋٸپ-قاتەرلەر جەنە ولاردى شەشۋ پەرسپەكتيۆالارى» تاقىرىبىنا ارنالعان. سەنات سپيكەرٸنٸڭ ورىنباسارى كٸرٸسپە سٶزٸندە سۋعا قاتىستى مەسەلەلەر ٷكٸمەت پەن جەرگٸلٸكتٸ بيلٸكتٸڭ باقىلاۋىندا بولۋى تيٸستٸگٸن, سۋمەن قامتاماسىز ەتۋ ينفراقۇرىلىمىنا تولىق اۋديت جٷرگٸزۋ قاجەتتٸگٸن باسا ايتتى.
