قالدىقتاردى قايتا ٶڭدەۋ ٷلەسٸن 40 پايىزعا جەتكٸزۋ جوسپارلانۋدا. بۇل تۋرالى ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«مەملەكەت باسشىسى قاسىم-جومارت توقاەۆ ەكولوگييا مەسەلەلەرٸنە ەرەكشە نازار اۋدارعانىن بارشامىز بٸلەمٸز. جاقىندا ول بٸزدٸڭ مينيسترلٸككە ەكٸ ماڭىزدى مٸندەتتٸ قويدى: «Waste to Energy» تەحنولوگيياسىن ەنگٸزۋ ٷشٸن زاڭنامالىق بازا مەن قولايلى جاعدايلاردى قامتاماسىز ەتۋدٸ, سونىمەن قاتار ەلدٸ مەكەندەردٸڭ ماڭىندا زاڭسىز قوقىستاردى تاستاۋعا جول بەرمەۋ جەنە ونى جويۋ بويىنشا جٷيەلٸ شارالاردى قابىلداۋدى تاپسىردى», - دەدٸ ماعزۇم مىرزاعاليەۆ وكق-دا ٶتكەن باسپاسٶز مەسليحاتىندا.
مينيستر مەملەكەت باسشىسىنىڭ «Waste to Energy» تەحنولوگيياسىنىڭ زاڭنامالىق تۇرعىدا ەنگٸزۋ جٶنٸندەگٸ تاپسىرماسىنا قاتىستى مينيسترلٸك بٸرقاتار جۇمىس اتقارعانىن ەسكە سالدى.
«مەن بٸرنەشە رەت ايتقانداي, ەلٸمٸزدە قالدىقتاردى قايتا ٶڭدەۋ ٷلەسٸ ٶتە تٶمەن. بار-جوعى 15 پايىز عانا. ال ەۋروپا ەلدەرٸندە بۇل كٶرسەتكٸش 2 ەسە, ياعني ورتا ەسەپپەن 30 پايىزدى قۇرايدى. «جاسىل ەكونوميكا» تۇجىرىمداماسىنا سەيكەس بٸز بۇل كٶرسەتكٸشتٸ 2030 جىلعا قاراي 40 پايىزعا دەيٸن جەتكٸزۋٸمٸز كەرەك. الايدا بٷگٸن قازاقستاندا قوقىس شىعارۋ تاريفتەرٸ تٶمەن جەنە ول جەردە قاتتى تۇرمىستىق قالدىقتاردى قايتا ٶڭدەۋ – كەدەگە جاراتۋ شىعىندارى ەسكەرٸلمەگەن. سوندىقتان بۇل سالانىڭ ينۆەستيتسييالىق تارتىمدىلىعى ٶتە تٶمەن», - دەدٸ ول.
ماعزۇم مىرزاعاليەۆ نەگٸزٸ «Waste to Energy» تەحنولوگيياسى جەكە ينۆەستورلاردى قىزىقتارىتىنىن ايتادى. ٶيتكەنٸ قوقىستاردى جاعۋ نەتيجەسٸندە ەلەكتر ەنەرگيياسى ٶندٸرٸلٸپ, جالپى ەلەكتر جەلٸسٸنە ساتىلادى. كەلەسٸ جىلى وسىنداي زاۋىت قۇرىلىسىنا ينۆەستورلار اراسىندا اشىق اۋكتسيون ٶتكٸزۋ جوسپارلانىپ وتىر.
«ەلەكتر ەنەرگيياسىنىڭ ەڭ از قۇنىن كٸم ۇسىنسا, سول اۋكتسيوننىڭ جەڭٸمپازى بولىپ اتالادى. مەملەكەت باسشىسىنىڭ تاپسىرماسى بويىنشا تيٸستٸ زاڭ جوباسى ەزٸرلەندٸ. مەجٸلٸس ونى ماقۇلدادى. كٷزدە پارلامەنت سەناتىندا قارالادى», - دەدٸ ول.
