قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەلٸمٸزدٸڭ قاي ٶڭٸرلەرٸندەگٸ ەگٸس القاپتارىندا سۋ تاپشىلىعى بولۋى مٷمكٸن ەكەنٸن ايتتى, دەپ حابارلايدى "ۇلت اقپارات".
«بيىلعى ۆەگەتاتسييالىق كەزەڭگە دايىندىق مەسەلەسٸ دە ماڭىزدى بولىپ وتىر. 2020 جىلعا ارنالعان گيدرولوگييالىق بولجامعا سەيكەس, ەلٸمٸزدٸڭ وڭتٷستٸك جەنە باتىس ايماقتارىندا سۋ از بولۋى مٷمكٸن. وسىعان وراي بٸز تيٸستٸ شارالار قابىلدادىق. سۋ قويمالارىنىڭ جۇمىس كەستەسٸ قايتا قارالىپ, ەزٸرلەندٸ. وسى جۇمىس كەستەلەرٸن دايىنداۋ بارىسىندا سۋارمالى جەرلەردٸ سۋمەن قامتاماسىز ەتۋ ەسەپكە الىندى. قازٸرگٸ تاڭدا سۋ قويمالارى تولتىرىلىپ جاتىر», - دەدٸ مينيستر ٷكٸمەت وتىرىسىندا.
قىزىلوردا, تٷركٸستان, جامبىل جەنە الماتى وبلىستارىندا 205 كيلومەتر كانال تازالاندى جەنە بۇل جۇمىس ەرٸ قاراي جالعاسۋدا. سونداي-اق, 335 گيدروتەحنيكالىق نىسان جٶندەلٸپ, 39 كيلومەتر كانالدار بەتونمەن قاپتالدى.
«سونىمەن بٸرگە, كٶرشٸ مەملەكەتتەردە دە سۋ تاپشىلىعى بايقالىپ وتىر. بۇل رەتتە ولاردان بٸزگە قاجەتتٸ سۋ كٶلەمٸ كەلمەي قالادى دەگەن قاۋٸپ بار. وسىعان بايلانىستى اۋىل شارۋاشىلىعى مينيسترلٸگٸنە تٷركٸستان, قىزىلوردا جەنە جامبىل وبلىستارىنىڭ ەكٸمدٸكتەرٸمەن بٸرلەسٸپ, وسى اقپاراتتى ديحاندارعا, شارۋاشىلىق يەلەرٸنە جەتكٸزۋدٸ سۇرايمىز. وسى جايتتى ەسكەرە وتىرىپ, ولار دايىندىق جۇمىستارىن جٷرگٸزۋ قاجەت. بٸز ٶز تاراپىمىزدان ٶزبەك, قىرعىز جەنە تەجٸك ەرٸپتەستەرٸمٸزبەن تيٸستٸ جۇمىس جٷرگٸزٸپ جاتىرمىز. بٸزدٸڭ باستى نازاردا – سىردارييا, شۋ, تالاس ٶزەندەرٸ, سونداي-اق مەملەكەتارالىق كانالدار بويىنشا تٷركٸستان, قىزىلوردا جەنە جامبىل وبلىستارىنا قاجەتتٸ سۋ تٷسۋٸن قامتاماسىز ەتۋ. وسىعان وراي, ۆيدەوبايلانىس ارقىلى 10 سەۋٸردە سۋ شارۋاشىلىق مينيسترلٸكتەرٸنٸڭ اراسىندا كونسۋلتاتسييالار ٶتكٸزۋ جوسپارلانعان», - دەدٸ م. مىرزاعاليەۆ.
