ماگيستراتۋراعا تٷسۋ ەمتيحانىنا ٶز ورنىنا بٸرەۋدٸ كٸرگٸزبەك بولعاندار كەلەسٸ جىلى قايتا تاپسىرا الادى ما? بۇل سۇراققا ۇلتتىق تەستٸلەۋ ورتالىعىنىڭ ديرەكتورى مٸندەتٸن اتقارۋشى ديدار سماعۇلوۆ جاۋاپ بەردٸ, دەپ حابارلايدى قازاقپارات.
«ماگيستراتۋراعا ٶز ورنىنا بٸرەۋدٸ كٸرگٸزبەك بولعاندارعا كەلەشەكتە قايتا تٷسۋگە مٷمكٸندٸك بولا ما? قازٸرگٸ زاڭناماعا سەيكەس, مٷمكٸندٸك بولادى. بٸراق مەن ەرەجەگە ٶزگەرٸس ەنگٸزۋ كەرەك دەپ سانايمىن. سەبەبٸ, كٸسٸ ٶز ورنىنا باسقا ادامدى جٸبەرسە, كەلەشەكتە جول بەرمەۋ كەرەك دەپ سانايمىن», - دەدٸ ديدار سماعۇلوۆ بٷگٸن ورتالىق كوممۋنيكاتسييالار ورتالىعىندا ٶتكەن باسپاسٶز مەسليحاتىندا.
ونىڭ ايتۋىنشا, بٶگدە ادامدى كٸرگٸزگەن ٷمٸتكەرگە كەلەشەكتە ماگيستراتۋراعا تاپسىرۋ قۇقىعى مٷلدە بەرٸلمەۋٸ مٷمكٸن.
«بٸراق, ول مەنٸڭ ويىم. ەرەجە قالاي قابىلداناتىنىن ايتا المايمىن», - دەدٸ ول.
ەسكە سالا كەتسەك, بۇعان دەيٸن ديدار سماعۇلوۆ وسى جىلدىڭ 10-15 تامىزى ارالىعىندا ماگيستراتۋراعا تٷسۋ ٷشٸن ٶتكٸزٸلگەن كەشەندٸ تەستٸلەۋدٸڭ قورىتىندىسىن جارييالاعان بولاتىن.
ونىڭ ايتۋىنشا, 25 ٷمٸتكەر تەستٸلەۋگە ٶز ورنىنا باسقا بٸرەۋدٸ كٸرگٸزبەك بولعان.
