ٸشكٸ ٸستەر مينيسترلٸگٸ ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى باقىتجان ەمٸرحانوۆ ەسٸرتكٸ ساۋداسىنا قاتىسى بار رەزونانستىق وقيعالار تۋرالى مەلٸمەت بەردٸ, دەپ حابارلايدى "ۇلت اقپارات".
مينيسترلٸك ٶكٸلٸنٸڭ ايتۋىنشا, الدىڭعى جىلدارمەن سالىستىرعاندا قازاقستاندا ەسٸرتكٸ ٶندٸرەتٸن زەرتحانالاردىڭ سانى ارتىپ كەلەدٸ.
مىسالى, 2019 جىلى 3 زەرتحانا, 2020 جىلى 8 زەرتحانا انىقتالعان. بيىل 5 ايدىڭ ٶزٸندە عانا 10 زەرتحانا تابىلعان.
«ەل ٸشٸندە سينتەتيكالىق زەرتحانا جاساۋشىلار كٶبەيٸپ كەلەدٸ. سونىڭ بٸرٸ قاراعاندى وبلىسىندا تٸركەلدٸ. ناۋرىز ايىندا قىلمىستىق توپتىق قۇرىقتادىق. ولار ەر قالادا زەرتحانالار ۇيىمداستىرىپ, ەسٸرتكٸ ٶندٸرگەن. تٸنتۋ كەزٸندە 4 كەلٸدەي مەفەدرون دەگەن ەسٸرتكٸ زاتىن تەركٸلەدٸك. باسقا دا قوسىمشا حيمييالىق زاتتار مەن پرەكۋسورلارىن اينالىمنان شىعاردىق. ەڭ قيىنى سينتەتيكالىق ەسٸرتكٸ ٶندٸرٸسنە قاجەت قوسىمشا زاتتاردىڭ ساۋداسىنا تىيىم سالىنباعان», - دەيدٸ ەسٸرتكٸ قىلمىسىنا قارسى ٸس-قيمىل دەپارتامەنتتٸڭ ٶكٸلٸ.
ول, سونداي-اق, ەسٸرتكٸ ساۋداسىن ۇيىمداستىردى دەگەن كٷدٸككە ٸلٸنگەن Mad Men مۋزىكالىق توبىنىڭ جاعدايىنا توقتالدى.
«الماتى قالاسىندا MadMen دەگەن مۋزىكالىق توپ قۇرىقتالدى. توپتاعى 8 ادامدى ۇستاپ, تٶرتەۋٸن جاۋاپقا تارتتىق. ولار كٶپ ۋاقىت بويى ەسٸرتكٸنٸ ٶزدەرٸ جاساپ, ساتۋمەن اينالىسىپ كەلگەن. تٸنتۋ كەزٸندە 1,3 كەلٸ مەفەدرون تەركٸلەندٸ. بٷگٸنگٸ تاڭدا توپتىڭ ٷستٸنەن تەرگەۋ جٷرٸپ جاتىر. MadMen توبى جاستار اراسىندا تانىمال بولعان. سونى پايدالانىپ, ەسٸرتكٸ ساتىپ وتىرعان», - دەدٸ باقىتجان ەمٸرحانوۆ.
ايتا كەتەيٸك, بۇعان دەيٸن الماتىدا «MadMen» توبىنىڭ مۋزىكانتتارى ەسٸرتكٸ ساتتى دەگەن كٷدٸكپەن ۇستالعانىن حابارلاعان ەدٸك.
كەيٸننەن «MadMen» توبىنىڭ مۋزىكانتتارىنا ۇيىمداسقان قىلمىستىق توپ قۇردى دەگەن ايىپ تاعىلدى.
