Ishki ister ministrligi Esirtki qylmysyna qarsy is-qimyl departamentiniń basqarma bastyǵy Baqytjan Ámirhanov esirtki saýdasyna qatysy bar rezonanstyq oqiǵalar týraly málimet berdi, dep habarlaidy "Ult aqparat".
Ministrlik ókiliniń aitýynsha, aldyńǵy jyldarmen salystyrǵanda Qazaqstanda esirtki óndiretin zerthanalardyń sany artyp keledi.
Mysaly, 2019 jyly 3 zerthana, 2020 jyly 8 zerthana anyqtalǵan. Biyl 5 aidyń ózinde ǵana 10 zerthana tabylǵan.
«El ishinde sintetikalyq zerthana jasaýshylar kóbeiip keledi. Sonyń biri Qaraǵandy oblysynda tirkeldi. Naýryz aiynda qylmystyq toptyq quryqtadyq. Olar ár qalada zerthanalar uiymdastyryp, esirtki óndirgen. Tintý kezinde 4 kelidei mefedron degen esirtki zatyn tárkiledik. Basqa da qosymsha himiialyq zattar men prekýsorlaryn ainalymnan shyǵardyq. Eń qiyny sintetikalyq esirtki óndirisne qajet qosymsha zattardyń saýdasyna tyiym salynbaǵan», - deidi Esirtki qylmysyna qarsy is-qimyl departamenttiń ókili.
Ol, sondai-aq, esirtki saýdasyn uiymdastyrdy degen kúdikke ilingen Mad Men mýzykalyq tobynyń jaǵdaiyna toqtaldy.
«Almaty qalasynda MadMen degen mýzykalyq top quryqtaldy. Toptaǵy 8 adamdy ustap, tórteýin jaýapqa tarttyq. Olar kóp ýaqyt boiy esirtkini ózderi jasap, satýmen ainalysyp kelgen. Tintý kezinde 1,3 keli mefedron tárkilendi. Búgingi tańda toptyń ústinen tergeý júrip jatyr. MadMen toby jastar arasynda tanymal bolǵan. Sony paidalanyp, esirtki satyp otyrǵan», - dedi Baqytjan Ámirhanov.
Aita keteiik, buǵan deiin Almatyda «MadMen» tobynyń mýzykanttary esirtki satty degen kúdikpen ustalǵanyn habarlaǵan edik.
Keiinnen «MadMen» tobynyń mýzykanttaryna uiymdasqan qylmystyq top qurdy degen aiyp taǵyldy.
