قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مادينا ابىلقاسىموۆا شاعىن جەنە ورتا كەسٸپكەرلٸك سۋبەكتٸلەرٸن قارجىلاندىرۋ تۋرالى ايتتى, دەپ حابارلايدى قازاقپارات.
ونىڭ سٶزٸنە قاراعاندا, باستى باسىمدىق شوب سۋبەكتٸلەرٸنٸڭ نەسيە الۋعا مٷمكٸندٸگٸن ارتتىرۋ بولىپ وتىر.
«ۇلتتىق بانك اگەنتتٸكپەن بٸرٸگە وتىرىپ شوب سۋبەكتٸلەرٸن قولداۋ ماقساتىندا بيىل ناۋرىزدا اينالىم كاپيتالىن تولىقتىرۋعا جەڭٸلدٸكپەن نەسيە بەرۋ باعدارلاماسىن اشتى. وسى باعدارلاما اياسىندا شوب سۋبەكتٸلەرٸن نەسيەلەندٸرۋگە 8% پايىزدىق مٶلشەرلەمەمەن 600 ملرد تەڭگە قاراستىرىلعان. مەملەكەت باسشىسىنىڭ تاپسىرماسىمەن ٸرٸ كەسٸپكەرلٸك نىساندارىن قولداۋعا تاعى 200 ملرد تەڭگە بٶلٸندٸ. بٷگٸندە جالپى سوماسى 448,9 ملرد تەڭگە بولاتىن 4361 نەسيە بەرٸلدٸ», - دەدٸ مەدينا ەبٸلقاسىموۆا.
ونىڭ ايتۋىنشا, «بيزنەستٸڭ جول كارتاسى-2025» اياسىندا نەسيە مٶلشەرٸ 2,5 ملرد تەڭگەدەن 7 ملرد تەڭگەگە ٶسكەن.
«مەملەكەت باسشىسىنىڭ تاپسىرماسىمەن قازان ايىنان باستاپ پاندەمييانىڭ كەسٸرٸنەن تۇرالاپ قالعان سالاداعى شوب سۋبەكتٸلەرٸ نەسيەسٸنٸڭ 6 پايىزىنا سۋبسيدييا قاراستىرىلعان», - دەدٸ مەدينا ەبٸلقاسىموۆا.
جالپى مەملەكەتتٸك باعدارلامالار بويىنشا كەسٸپكەرلەرگە بيىل قۇنى 1 ملرد تەڭگە بولاتىن 8,5 مىڭ نەسيە بەرٸلدٸ.
«بۇل شارالار ەكونوميكالىق بەلسەندٸلٸك توقتاعان كەزدە نەسيەلەندٸرۋ كٶلەمٸن ارتتىرۋعا مٷمكٸندٸك بەردٸ. سەۋٸر-شٸلدە ايلارىندا نەسيەلەندٸرۋ قارقىنى تٶمەن بولسا, تامىز ايىنان باستاپ كٶرسەتكٸش كٶتەرٸلە باستادى. 2020 جىلدىڭ 9 ايىنىڭ قورىتىندىسىنا سەيكەس ەكونوميكانى نەسيەلەندٸرۋ 3,5%-عا ٶستٸ», - دەدٸ اگەنتتٸك باسشىسى.
سونىمەن قاتار, ۇلتتىق بانك, قارجىلىق نارىقتى رەتتەۋ مەن دامىتۋ اگەنتتٸگٸ, قر ٷكٸمەتٸ تاراپىنان قارىز جٷكتەمەسٸن ازايتۋ ماقساتىندا كەيبٸر نەسيەلەردٸ تٶلەۋ ۋاقىتى ۇزارتىلدى.
تج كەزٸندە 16 ناۋرىزدان 1 قازانعا دەيٸن 13 مىڭ شوب سۋبەكتٸسٸ, 1,9 ملن ازاماتتىڭ نەسيەنٸ تٶلەۋٸ كەيٸنگە قالدىرىلدى.
