قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ الەكسەي پولتورانينگە قاتىستى داۋ بويىنشا تٷسٸنٸكتەمە بەردٸ, دەپ حابارلايدى قازاقپارات تٸلشٸسٸ.
«الەكسەي پولتورانين ٶزگە سپورتشىلارمەن بٸرگە اۋسترييادا ۇستالدى. كٷتپەگەن جەردەن جارىستان بٸر جارىم ساعات بۇرىن تەكسەرٸپ, قاماۋعا العان. بٸز ونداعى كونسۋلدىقپەن بايلانىسقا شىقتىق. ەزٸرگە حوك, ۆادا, حالىقارالىق شاڭعى جارىستارى فەدەراتسيياسى ەشقانداي اقپارات بەرمەدٸ. اۋسترييانىڭ زاڭىنا سەيكەس, ازاماتتى سەبەپسٸزدەن-سەبەپسٸز 48 ساعات قاماۋدا ۇستاي الادى. جاۋاپ كٷتٸپ وتىرمىز. مەن الەكسەيدٸڭ تازا سپورتشى ەكەنٸنە سەنٸمدٸمٸن. بار بولعانى, سەتسٸز ۋاقىتتا, ىڭعايسىز جەردە بولعانى», - دەدٸ سەرٸك سەپيەۆ قر مەدەنيەت جەنە سپورت مينيسترلٸگٸندە ٶتكەن بريفينگتە.
«وليمپيادا ويىندارىنا بٸر كٷن قالعاندا تٷن ٸشٸندە دوپينگ-وفيتسەرلەر كەلٸپ, سپورتشىلاردى تەكسەرە الادى. سپورتشى جەنە جەتەكشٸ رەتٸندە دەل وسى تەكسەرۋلەردٸ قۇپتامايمىن. بۇل سپورتشىنىڭ جەكە كەڭٸستٸگٸنە قول سۇعۋ سەكٸلدٸ. فيزيكالىق جەنە پسيحولوگييالىق تۇرعىدا دا وڭايعا سوقپايدى», - دەدٸ ول.
كوميتەت باسشىسى دوپينگ قولداندى دەگەن كٷدٸكپەن ۇستالعان قازاقستاندىق سپورتشىنىڭ قازٸر تەرگەۋ وقشاۋلاعىشىندا وتىرعانىن جەتكٸزدٸ.
«مەملەكەتتٸك ورگان باسشىسى رەتٸندە مۇنداي جاعدايلاردى ازايتۋ ٷشٸن ٶزٸمٸزدٸڭ ۇلتتىق وليمپيادالىق كوميتەت اتىنان تالاپ ارىز جازۋ كەرەك شىعار. جارىس الدىندا سپورتشىنى مازالاماي, جەي عانا سىناما الىپ كەتكەندەرٸ دۇرىس. مٷمكٸن, اياقتان شالعىسى كەلگەندەر دە بار شىعار. سەبەبٸ, ول (الەكسەي پولتورانين - رەد.) ٶز قاشىقتىعىندا التىن جٷلدەگە ٷمٸتكەر بولعان. ونى جارىستان شىعارىپ تاستاعىسى كەلگەن شىعار», - دەدٸ سەرٸك سەپيەۆ استانادا ٶتكەن بريفينگتە.
ەسكە سالا كەتسەك, كەشە اۋسترييانىڭ زەەفەلدە قالاسىندا ٶتٸپ جاتقان ەلەم چەمپيوناتىندا الەكسەي پولتورانين جارىس جولىنا شىقپاي قالدى.
نەمٸس جۋرناليسٸ حايو زەپپەلت تۋيتتەردەگٸ اككاۋنتىندا «شاڭعى جارىسىنان ٶتٸپ جاتقان ەلەم چەمپيوناتىندا قازاقستان, اۋسترييا مەن ەستونييا سپورتشىلارى انتيدوپينگتٸك ەرەجەلەردٸ بۇزدى» دەگەن كٷدٸككە ٸلٸنگەنٸن جازدى
