ينتەلليگەنتسييا ٶكٸلدەرٸ, مەدەنيەت جەنە سپورت قايراتكەرلەرٸ كوروناۆيرۋس ينفەكتسيياسىنىڭ الدىن الۋ ٷشٸن قاۋٸپسٸزدٸك ەرەجەلەرٸن ۇستانۋعا شاقىرىپ, ۆيدەو جارييالادى, دەپ حابارلايدى قازاقپارات.
ۆيدەو پرەزيدەنت قاسىم-جومارت توقاەۆتىڭ ەل حالقىنا ٷندەۋٸن قولداۋعا باعىتتالعان.
ولاردىڭ ايتۋىنشا, كوروناۆيرۋس ينفەكتسيياسىنىڭ تارالۋىنا جول بەرمەۋ ماقساتىندا مەملەكەتتٸك ورگاندار تاراپىنان اۋقىمدى شارالار قابىلدانۋدا جەنە بۇل قيىندىقتى بٸرلەسە وتىرىپ ەڭسەرەتٸن بولامىز.
«قازاقتا سٶز بار «ساقتانساڭ, ساقتايمىن» دەگەن. بۇل ٸندەتكە قارسى ەل, مەملەكەت بولىپ قورعانۋىمىز قاجەت. مۇنداي كەزدە ساسقالاقتاپ, ۇشقالاقتىققا ۇرىنىپ, ٸندەتتٸ كٷشەيتٸپ الماۋىمىز كەرەك. بارىنشا تەرتٸپكە باعىنىپ, دەرٸگەرلەردٸڭ ايتقان نۇسقاۋلىعىن ورىندايىق. بۇل قيىندىقتى دا بٸرٸگە وتىرىپ ەڭسەرەمٸز», - دەدٸ اقىن نەسٸپبەك ايتۇلى.
«بارىس» حوككەي كومانداسىنىڭ شابۋىلشىسى رومان ستارچەنكو ٶز جانكٷيەرلەرٸنە وسىناۋ قيىن كەزدە بٸر-بٸرٸنە قولداۋ كٶرسەتۋگە شاقىردى. «بۇل – كوروناۆيرۋس پاندەميياسىنا وراي قابىلدانعان ۋاقىتشا شارا. بٸز قاشاندا سٸزدەردٸڭ قولداۋلارىڭىزدى سەزٸنٸپ كەلەمٸز. بٸز جاقسى ويىن كٶرسەتٸپ, سٸزدەردٸ قۋانتقىمىز كەلەدٸ. وسى كەزەڭدە بٸزدٸ, بٸر-بٸرلەرٸڭٸزدٸ قولداڭىزدار», - دەيدٸ حوككەيست ر. ستارچەنكو.
قازاقستاننىڭ ەڭبەك سٸڭٸرگەن سپورت شەبەرٸ, وليمپيادا ويىندارىنىڭ جٷلدەگەرٸ گيۋزەل مانيۋروۆا مەملەكەت تاراپىنان قابىلدانعان شارالاردى قولداۋعا شاقىردى. ونىڭ سٶزٸنشە, بارلىق سپورتتىق شارالار توقتاتىلدى. الايدا, بۇعان قاراماستان بٸزدٸڭ سپورتشىلار سايىستاردا جاقسى نەتيجەلەر كٶرسەتۋ ٷشٸن جاتتىعىپ جاتىر. «قۇرمەتتٸ دوستار, قازٸر كوروناۆيرۋس ەلەمنٸڭ كٶپتەگەن ەلٸندە تارالۋدا. مەن بٸزدٸڭ ەلٸمٸزدە بۇل ٸندەتتٸ جەڭەتٸنٸنە سەنەمٸن. جەكە تازالىقتى ساقتاڭىزدار. قيىندىقتى تەك بٸرلەسە وتىرىپ عانا ەڭسەرەمٸز», - دەپ اتاپ ٶتتٸ گ. مانيۋروۆا.
