IX ازاماتتىق فورۋمدا بەلگٸلٸ اقىن, اكسەلەراتور ساراپشىسى ماقپال جۇماباي مەدەنيەت جەنە ٶنەر جوبالارىن جٷيەلٸ دامىتۋ مەسەلەلەرٸن ايتتى, دەپ حابارلايدى قازاقپارات.
«جالپى «رۋحاني جاڭعىرۋ» باعدارلاماسى دەگەندە ەڭ الدىمەن كٶز الدىمىزعا مەدەنيەت سالاسىنداعى جوبالار كەلەدٸ. بٸراق وسى اكسەلەراتور ٶزٸنٸڭ جان-جاقتىلىعىمەن, «رۋحاني جاڭعىرۋ» يدەياسىنىڭ پرينتسيپتەرٸن كەڭەيتۋٸمەن قوعامعا ەرەكشە كٶزقاراس ەكەلدٸ دەپ ويلايمىن. بۇل اكسەلەراتسييا 6 باعىت بويىنشا جٷردٸ, التى باعىت تا قوعامدا ٶزەكتٸ بولىپ سانالادى. سونىڭ ٸشٸندە ماعان مەدەنيەتكە قاتىستى جوبالاردى باقىلاپ-قاداعالاپ, ساراپشىلىق ويلارىمدى ورتاعا سالۋعا مٷمكٸندٸك بەردٸ. مەدەنيەت جەنە ٶنەر سالاسى بويىنشا بەستەن اسا جوبا ماسشتابتاۋعا دايىن تۇر», - دەدٸ ماقپال جۇماباي.
ونىڭ ٸشٸندە قازاق ديزاينەرلەرٸنٸڭ جاڭاشا كٶزقاراسىن ەلەمگە تانىتاتىن ASPARA FASHION WEEK, تاريحي-رەكونسترۋكتسييالىق «تەمٸر تٷمەن» كلۋبى, «قازاقتاردىڭ ماتەريالدىق ەمەس مەدەني مۇراسى», «نوماد» جوبالارى بار.
«ەرٸ قاراي قازاق مەدەنيەتٸن قاي تۇرعىدا, قالاي دامىتۋعا بولادى دەگەن سۇراقتارعا الداعى 5-10 جىلعا ٶزٸمٸز ٷشٸن مەجەلەر قويدىق. وسىنىڭ بارلىعى ازاماتتىق قوعام مەن مەملەكەتتٸڭ بٸرلەسۋٸ ارقىلى جٷزەگە اسقانى قۋانتادى. ٶيتكەنٸ, وسى تۇرعىدا مەملەكەتتٸڭ پوزيتسيياسىن انىق كٶردٸك. بۇرىن كٶرەرمەن رەتٸندە, سىنشى رەتٸندە بارلىعىنا سىني كٶزبەن قاراپ جٷرسەك, مۇندا بەلگٸلٸ بٸر دەڭگەيدە زاڭ جاساۋشى, زاڭعا ٶزگەرٸس ەنگٸزۋشٸ, قۇرىلىمداردى ٶزگەرتۋشٸ رٶلٸندە كٶرە الدىق. وسى اكسەلەراتسييادان ٶتكەن 20 جوبا بارلىق تۇرعىدا ٶز مٷمكٸندٸكتەرٸن كٶرسەتتٸ, مەملەكەت الدىندا ٶزٸنٸڭ بولاشاقتا قالاي داميتىنىن تولىق دەلەلدەدٸ», - دەيدٸ سپيكەر.
ونىڭ ايتۋىنشا, بۇل جوبالار اكسەلەراتور بٸتكەن سوڭ دا نارىقتا دامي الادى, بٸراق مەملەكەتپەن سەرٸكتەستٸكتە داميتىن بولسا, مەملەكەتتٸڭ ۇتارى كٶپ بولادى.
«اكسەلەراتور ەش قاراجات بەرگەن جوق, بٸراق سوندا دا جوبالار ٷلكەن قىزىعۋشىلىقپەن سوڭىنا دەيٸن جەتتٸ. ەندٸ بولاشاقتا قارجىلاندىرۋ كٶزدەرٸنٸڭ فورماسىن تابۋ كەرەك دەپ ەسەپتەيمٸن. ٶيتكەنٸ بۇل جوبالاردى مەملەكەت تاراپىنان قارجىلاندىرۋعا جەنە باسقا دا قارجى كٶزدەرٸن تارتۋعا بولادى. ماسشتابتاۋ تۋرالى دا بٷگٸن تەرەڭ ويلار ايتىلدى, الداعى جىلى سونىڭ كۋەسٸ بولساق دەپ ويلايمىز. ساراپشىلار قاۋىمداستىعى رەسمي جۇمىسىن توقتاتسا دا, بەيرەسمي تٷردە دامي بەرەدٸ», - دەدٸ ماقپال جۇماباي.
