بەلارۋس پرەزيدەنتٸ الەكساندر لۋكاشەنكو رەسەيلٸك "درۋجبا" قۇبىر جەلٸسٸ ارقىلى كەلگەن ساپاسىز مۇنايدان ەلدٸڭ "وراسان زور" زارداپ شەككەنٸن ايتىپ, رەسەيدەن ٶتەماقى كٷتەتٸنٸن جەتكٸزدٸ.
"بۇل - مۇناي قۇبىر جەلٸسٸ, مۇناي قۇبىرىنداعى جابدىقتاردىڭ ٶزٸنە جەنە مۇناي ٶڭدەۋ زاۋىتىنا كەلگەن وراسان زور شىعىن. بۇل ەلگە كەلگەن وراسان زور زالال. بٸز كٸرٸستٸڭ بەلگٸلٸ بٸر بٶلٸگٸن الا المادىق, ۆاليۋتالىق تٷسٸم, ترانزيت - كٶپ اقشادان ايرىلدىق" دەدٸ 11 مامىردا جۋرناليستەر سۇراقتارىنا جاۋاپ بەرگەن الەكساندر لۋكاشەنكو. ونىڭ سٶزٸنەن بەلتا اقپارات اگەنتتٸگٸ ٷزٸندٸ كەلتٸردٸ.
ونىڭ بولجامىنشا, زالال كٶلەمٸ جٷزدەگەن ميلليون دوللار بولۋى مٷمكٸن جەنە رەسەي مۇنىمەن داۋلاسپايدى دەپ ٷمٸتتەنەتٸنٸن دە جەتكٸزدٸ.
بەلارۋس جاعى رەسەيلٸك مۇنايدىڭ ساپاسىنىڭ ناشارلاعانىن ەڭ العاش رەت 19 سەۋٸردە مەلٸمدەگەن. "بەلنەفتەحيم" كومپانيياسىنىڭ دەرەگٸنشە, رەسەيلٸك مۇنايدىڭ قۇرامىنداعى حلوريد مٶلشەرٸ جيىرما ەسەدەن اسقان. سەۋٸر ايىنىڭ سوڭىندا رەسەي "درۋجبا" قۇبىر جەلٸسٸ ارقىلى باراتىن مۇنايدى توقتاتتى.
"درۋجبا" قۇبىر جەلٸسٸ رەسەي مەن قازاقستاننان كەلەتٸن مۇنايدى بەلارۋس ارقىلى پولشا, گەرمانييا جەنە سلوۆاكيياعا جەتكٸزەدٸ.
