فوتو: © Sputnik / تامارا بەلياەۆا
بەلارۋستە تاياۋدا سەگٸز جىلعا سوتتالىپ, تٷرمەگە جابىلعان NEXTA وپپوزيتسييالىق باسىلىمىنىڭ باس رەداكتورى رومان پروتاسەۆيچكە راقىمشىلىق جاسالعان.
مامىردىڭ باس كەزٸندە مينسك سوتى ونى "بيلٸكتٸ باسىپ الۋ ماقساتىمەن جاپپاي تەرتٸپسٸزدٸك ۇيىمداستىردى" دەگەن ايىپپەن سەگٸز جىلعا سوتتاعان ەدٸ.
NEXTA ٸسٸ بويىنشا ايىپتالعان تاعى ەكٸ ادام – ستەپان پۋتيلو 20 جىلعا, يان رۋديك 19 جىلعا سىرتتاي سوتتالعان. NEXTA تەلەگرام-ارناسى 2020 جىلى بەلارۋستە بولعان ٸرٸ قارسىلىق اكتسيياسىنان حابار تاراتقان اقپارات قۇرالى رەتٸندە تانىلعان. ونى قۇرۋشىلار ستەپان پۋتيلو پەن رومان پروتاسەۆيچ پوليتسييا قىزمەتكەرلەرٸ مەن پرەزيدەنت لۋكاشەنكونى قاتاڭ سىناعان.
پروتاسەۆيچ پەن ونىڭ سٷيگەن قىزى, رەسەي ازاماتى سوفيا ساپەگا 2021 جىلى Ryanair ۇشاعى مينسكٸگە تٶتەنشە جاعدايدا قوندىرىلعان كەزدە تۇتقىندالعان. كٶپ ۇزاماي پروتاسەۆيچ بەلارۋستٸڭ مەملەكەتتٸك تەلەارنالارى ارقىلى سٶيلەپ, بۇرىنعى سەرٸكتەرٸن "ايىپتاي" باستاعان.
بەلارۋس جوعارعى سوتى NEXTA, NEXTA Live جەنە Luxta تەلەگرام-ارنالارىن "تەررورلىق ۇيىم" ساناتىنا قوسىپ, ەلدە اقپارات تاراتۋىنا تىيىم سالعان.
