Foto: © Sputnik / Tamara Beliaeva
Belarýste taiaýda segiz jylǵa sottalyp, túrmege jabylǵan NEXTA oppozitsiialyq basylymynyń bas redaktory Roman Protasevichke raqymshylyq jasalǵan.
Mamyrdyń bas kezinde Minsk soty ony "bilikti basyp alý maqsatymen jappai tártipsizdik uiymdastyrdy" degen aiyppen segiz jylǵa sottaǵan edi.
NEXTA isi boiynsha aiyptalǵan taǵy eki adam – Stepan Pýtilo 20 jylǵa, Ian Rýdik 19 jylǵa syrttai sottalǵan. NEXTA telegram-arnasy 2020 jyly Belarýste bolǵan iri qarsylyq aktsiiasynan habar taratqan aqparat quraly retinde tanylǵan. Ony qurýshylar Stepan Pýtilo pen Roman Protasevich politsiia qyzmetkerleri men prezident Lýkashenkony qatań synaǵan.
Protasevich pen onyń súigen qyzy, Resei azamaty Sofia Sapega 2021 jyly Ryanair ushaǵy Minskige tótenshe jaǵdaida qondyrylǵan kezde tutqyndalǵan. Kóp uzamai Protasevich Belarýstiń memlekettik telearnalary arqyly sóilep, burynǵy serikterin "aiyptai" bastaǵan.
Belarýs Joǵarǵy soty NEXTA, NEXTA Live jáne Luxta telegram-arnalaryn "terrorlyq uiym" sanatyna qosyp, elde aqparat taratýyna tyiym salǵan.
