دٷنيەجٷزٸلٸك دەنساۋلىق ساقتاۋ ۇيىمى (ددسۇ) كوروناۆيرۋس ٸندەتٸنە بايلانىستى بەلارۋستە كارانتين جارييالاپ, كومەندانتتىق ساعات ەنگٸزۋ مەسەلەسٸن قاراستىرۋعا كەڭەس بەردٸ. بۇل تۋرالى بوبرۋيسكٸدە جۇمىسشىلارمەن كەزدەسۋ كەزٸندە بەلارۋس پرەزيدەنتٸ الەكساندر لۋكاشەنكو حابارلادى.
پرەزيدەنت ددسۇ-نى "مينسكٸگە ساياسي تۇرعىدا ٷستٸرت قارادى" دەپ ايىپتاپ, جۇمىسشىلاردى كوروناۆيرۋس تۋرالى رەسمي اقپاراتقا سەنۋگە شاقىردى.
باستاپقىدا بەلارۋس پرەزيدەنتٸ كوروناۆيرۋس ٸندەتٸن جوققا شىعارىپ, وقشاۋلاۋ رەجيمٸن سىنعا العان.
سوڭعى مەلٸمەت بويىنشا, بەلارۋستە 6 مىڭنان استام ادامنان كوروناۆيرۋس تابىلعان. 50-دەن استام ادام قايتىس بولعان. بٸراق سوعان قاراماستان بەلارۋس كارانتيندٸك شارالار ەنگٸزبەگەن جەنە قوعامدىق شارالارعا تىيىم سالماعان ەۋروپاداعى ساناۋلى مەملەكەتتەردٸڭ بٸرٸ رەتٸندە قالىپ وتىر.
بۇعان دەيٸن ددسۇ بەلارۋس بيلٸگٸن ەپيدەميولوگييالىق احۋالدىڭ ناشارلاۋىنا دايىن بولۋعا شاقىرعان.
قازٸر كوروناۆيرۋس ٸندەتٸنە بايلانىستى ەلەمنٸڭ كٶپتەگەن ەلٸندە شەكتەۋ شارالارى ەنگٸزٸلگەن. قوعامدىق شارالارعا تىيىم سالىنعان, وقۋ ورىندارى جابىلعان. الايدا ەۋروپانىڭ بٸرنەشە ەلٸندە - دانييا, اۆسترييا, يسپانييا, گەرمانييادا شەكتەۋ شارالارى جۇمسارتىلدى. اقش-تا نارازىلىق اكتسييالارى ٶتٸپ, تۇرعىنداردىڭ جۇمىسقا ورالۋىنا رۇقسات ەتۋدٸ تالاپ ەتتٸ. ال ددسۇ كارانتيندٸك شارالاردى الۋعا اسىقپاۋ قاجەتتٸگٸن ەسكەرتٸپ, ٸندەتتٸڭ "ەكٸنشٸ تولقىنىنا" جول بەرمەۋگە شاقىردى.
دٷنيەجٷزٸلٸك دەنساۋلىق ساقتاۋ ۇيىمى قىتايدان تاراعان بۇل ۆيرۋستى "پاندەمييا" دەپ جارييالاعان. كوروناۆيرۋس جايلى قاڭتاردىڭ باسىندا بەلگٸلٸ بولدى. ونى العاش جۇقتىرعاندار قىتايدىڭ حۋبەي پروۆينتسيياسىنىڭ ۋحان قالاسىندا تٸركەلدٸ. ۆيرۋس تىنىس الۋ جولىن زاقىمداپ, پنەۆمونييانى ٶرشٸتەدٸ. بۇل دەرتتٸڭ كٶبٸنە ەگدە ادامدار مەن سوزىلمالى اۋرۋى بار ادامدارعا سالدارى اۋىر بولۋى مٷمكٸن.
