فوتو: Tengrinews.kz/تۇرار قازانعاپوۆ
LRT جوباسىن 2 جىلدىڭ ٸشٸندە اياقتاۋ جوسپارلانىپ وتىر. بۇل تۋرالى ەلٸمٸزدٸڭ ەلەۋمەتتٸك-ەكونوميكالىق دامۋى جٶنٸندەگٸ كەڭەستە ەلوردا ەكٸمٸ جەڭٸس قاسىمبەك ايتتى, دەپ حابارلايدى قازاقپارات.
«بيىل قالا ٸشٸندە جەنە ەلوردانىڭ اينالاسىنداعى جاسىل بەلدەۋدە ميلليونعا جۋىق جاسىل جەلەك وتىرعىزۋدى جوسپارلاپ وتىرمىز. جىل باسىنان بەرٸ 733 مىڭ شارشى مەتر تۇرعىن ٷي سالىندى. بۇل ٶتكەن جىلدىڭ تيٸستٸ كەزەڭٸمەن سالىستىرعاندا 22 پايىزعا ارتىق. جىل سوڭىنا دەيٸن بارلىعى ٷش ميلليوننان استام شارشى مەتر تۇرعىن ٷيدٸ پايدالانۋعا بەرۋدٸ جوسپارلاپ وتىرمىز. بۇل - 40 مىڭنان استام پەتەر, ونىڭ ٸشٸندە حالىقتىڭ ەلەۋمەتتٸك وسال توپتارى ٷشٸن مەملەكەت بٶلگەن - 6 مىڭ پەتەر بار. سونىمەن قاتار, بيىل «نۇرلى جەر» باعدارلاماسىنىڭ ەكٸنشٸ كەزەڭٸ اياسىندا سالىنىپ جاتقان بارلىق پروبلەمالىق ٷلەستٸك نىسانداردى اياقتاپ, پايدالانۋعا بەرۋدٸ جوسپارلاپ وتىرمىز», - دەدٸ قالا باسشىسى.
ونىڭ اتاپ ٶتۋٸنشە, بيىل ناۋرىزدا قالالىق جاڭعىرتۋ باعدارلاماسى 2030 جىلعا دەيٸن ٶزەكتەندٸرٸلدٸ, نەتيجەسٸندە 206 اپاتتى ٷيدٸ كٶشٸرۋ جوسپارلانۋدا.
«LRT-نٸڭ بٸرٸنشٸ ٸسكە قوسۋ كەشەنٸنٸڭ قۇرىلىس جۇمىستارى قايتا جانداندى. جوبانى 2 جىلدىڭ ٸشٸندە اياقتاۋدى جوسپارلاپ وتىرمىز. سونىمەن قاتار بيىل ۇزىندىعى 55 شاقىرىم 72 كٶشەگە قۇرىلىس-جٶندەۋ جۇمىستارىن جٷرگٸزەمٸز جەنە تەۋەلسٸزدٸك كٶپٸرٸ قۇرىلىسىن اياقتايمىز», - دەدٸ جەڭٸس قاسىمبەك.
