نۇر-سۇلتان قالاسىنىڭ ەكٸمٸ التاي كٶلگٸنوۆ ەلورداداعى جەڭٸل رەلستٸ (LRT) كٶلٸكتٸڭ قۇرىلىسىنا قاتىستى ٶزەكتٸ سۇراقتارعا جاۋاپ بەردٸ, دەپ حابارلايدى "ۇلت اقپارات".
«LRT بويىنشا: بارلىق نورماتيۆتٸ-قۇقىقتىق قۇجاتتار ٷكٸمەتتٸك جەنە جەرگٸلٸكتٸ اتقارۋشى ورگاندار دەڭگەيٸندە قابىلداندى. قازٸرگٸ ۋاقىتتا ەكٸنشٸ دەڭگەيلٸ بانكتەر تيٸستٸ جۇمىستاردى جٷرگٸزٸپ جاتىر», - دەدٸ قالا باسشىسى ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
ول ٶز سٶزٸندە قىتايلىق ينۆەستيتسييادان باس تارتۋ تۋرالى شەشٸم قابىلدانعانىن ەسكە سالدى.
«بۇدان بۇرىن ايتقانىمىزداي, بٸز قىتايلىق قارىزدان باس تارتىپ, 800 ملن اقش دوللارىن ٷنەمدەپ قالدىق. بٸز «حالىق بانكپەن» 3 پايىزدىق قارىزبەن 500 ملن (اقش دوللارى), سونداي-اق, 100 ملن (اقش دوللارى) بويىنشا «بەيتەرەك» حولدينگٸمەن كەلٸستٸك. بۇل قاراجات جۇمىستى باستاپ كەتۋگە جەتكٸلٸكتٸ», - دەدٸ ول.
بۇعان دەيٸن قازاقستان پرەزيدەنتٸ قاسىم-جومارت توقاەۆ استانا LRT جوباسىن سىنعا العان بولاتىن. پرەزيدەنتتٸڭ ايتۋىنشا, جوبا تيٸمسٸز بولسا, وعان ٷنەمٸ سۋبسيدييا بٶلٸپ, بيۋدجەت قارجىسىن جۇمساۋعا تۋرا كەلەدٸ.
باستاپقىدا LRT جوباسىنىڭ قۇنى 1,8 ميلليار دوللار بولعان ەدٸ. قىتايدىڭ دامۋ بانكٸنەن قارىز العان جاعدايدا, ٷكٸمەت 2,6 ميلليارد دوللار قايتارۋى تيٸس بولاتىن. الايدا مەملەكەت شەتەلدٸك قارىزدان باس تارتتى.
