فوتو: قر شاحمات فەدەراتسيياسى
قازاقستان شاحماتشىلارى لوندوندا ٶتكەن بليتستەن كوماندالىق ەلەم چەمپيوناتىندا تاماشا شەبەرلٸك كٶرسەتٸپ, كوماندالىق كٷمٸس (KazChess كومانداسى) جەنە التى جەكە جٷلدە, سونىڭ ٸشٸندە ەكٸ التىن مەدال جەڭٸپ الدى, دەپ حابارلايدى Ult.kz قازاقستان شاحمات فەدەراتسيياسىنىڭ باسپاسٶز قىزمەتٸنە سٸلتەمە جاساپ.
تاماشا ويىنىمەن جەنە قايتپاس جٸگەرٸمەن ەرەكشە كٶزگە تٷسكەن KazChess كومانداسى فينالعا شىقتى.
«لوندوندا ٶتكەن بليتستەن كوماندالىق ەلەم چەمپيوناتىندا تاماشا ويىن كٶرسەتٸپ, كٷمٸس مەدال جەڭٸپ العان Kazchess كومانداسىن قۇتتىقتايمىز! بٸز شىنىمەن دە مىقتى جەنە ىنتىماعى جاراسقان ۇجىم قۇردىق – جاس شاحماتشىلارىمىز بەن تەجٸريبەلٸ ويىنشىلارىمىز بٷكٸل تۋرنيردٸ ابىرويمەن ٶتكٸزٸپ, سوڭىنا دەيٸن كٷرەستٸ. بۇل تۋرنير بٸزدٸڭ ەلەمنٸڭ ەڭ مىقتى كوماندالارىمەن تەڭ دەرەجەدە بەسەكەگە تٷسٸپ جاتقانىمىزدى تاعى دا دەلەلدەدٸ. ويىنشىلارىمىزدىڭ جاسى مەن امبيتسيياسىن ەسكەرە وتىرىپ, الداعى ۋاقىتتا تالاي رەت ٷلكەن جەڭٸسكە جەتەمٸز دەپ سەنٸممەن ايتۋعا بولادى», – دەدٸ قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆ.
KazChess اتىنان قاتىسقاندار:
- - الەكساندر گريششۋك (2683, FID)
- - ريحارد راپپورت (2631, ۆەنگرييا)
- - اندرەي ەسيپەنكو (2646, FID)
- - دەرمەن سەدۋاقاسوۆ (2575)
- - الدييار اڭسات (2488)
- - مەرۋەرت كاماليدەنوۆا (2255)
- - ەلناز قالياحمەت (2189)
- - يسلام ايتەن (1929, ەۋەسقوي شاحماتشى)
- - كاپيتان — گٷلميرا دەۋلەتوۆا.
«بٸز ٶتە باقىتتىمىز. قازاقستان شاحماتى ٷشٸن بۇل ٷلكەن جەتٸستٸك», – دەدٸ قازاقستان شاحمات فەدەراتسيياسىنىڭ بٸرٸنشٸ ۆيتسە-پرەزيدەنتٸ جەنە كوماندانىڭ مٷشەسٸ دەرمەن سەدۋاقاسوۆ.
KazChess كومانداسى D توبىنداعى ويىندا ەكٸنشٸ ورىنعا شىقتى, سودان كەيٸن 1/8 فينالدا Rookies كومانداسىن جەڭدٸ, شيرەك فينالدا Freedom ۇجىمىن باسىپ وزدى جەنە جارتىلاي فينالدا Uzbekistan كومانداسىنان باسىم تٷستٸ. فينالدا KazChess ويىنشىلارى WR Chess Team ۇجىمىمەن كەزدەستٸ, ول چەمپيون اتاعىنا لايىق ەكەنٸن دەلەلدەپ, 75 000 ەۋرو الدى. ۆيتسە-چەمپيوندارعا – 50 000 ەۋرو, كٷمٸس جٷلدەگەرلەرگە – 30 000 ەۋرو, 4-شٸ ورىن العاندارعا – 20 000 ەۋرو, 5-شٸ ورىنعا تابان تٸرەگەن كومانداعا 15 000 ەۋرو تابىس ەتٸلدٸ.
فوتو: قر شاحمات فەدەراتسيياسى
قازاقستاننىڭ التى ٶكٸلٸ جەكە ەسەپتە ەرەكشەلەنٸپ, تۋرنيرلٸك پەرفومانس بويىنشا انىقتالاتىن توعىز تاقتانىڭ ەرقايسىسىندا ٷزدٸك ويىنشىلار ٷشتٸگٸنە ەندٸ. ەرعالي سٷلەيمەن (Rookies, 7-شٸ تاقتا) مەن الدييار سايلاۋباي (Ashdod Elit Chess Club, 9-شى تاقتا) التىن مەدال جەڭٸپ الدى. الدييار اڭسات (KazChess, 6-شى تاقتا), كسەنييا بالاباەۆا (Barys.kz, 7-شٸ تاقتا) جەنە دەرمەن دەۋرەن (Rookies, 9-شى تاقتا) كٷمٸس جٷلدەنٸ قانجىعاسىنا بايلادى. دانييال سەپەنوۆ (Rookies, 2-شٸ تاقتا) قولا مەدالگە يە بولدى.
راپيد پەن بليتستەن 2025 جىلعى كوماندالىق ەلەم چەمپيوناتى – تاريحتاعى ٷشٸنشٸ ٸس-شارا. بٸرٸنشٸسٸ 2023 جىلى ديۋسسەلدورف قالاسىندا ٶتتٸ, ەكٸنشٸسٸن 2024 جىلى استانا قابىلدادى. ال بيىل 11-15 ماۋسىم ارالىعىندا لوندوندا 52 كوماندا جينالدى. بٸر كٷن بۇرىن راپيدتەن جارىس اياقتالدى: Team MGD1 التىن, Hexamind Chess Team كٷمٸس, Freedom كومانداسى قولا مەدال الدى. بليتستە (3 مينۋت + ەر جٷرٸس ٷشٸن 2 سەكۋند) كوماندالار التى تاقتادا: تٶرت نەگٸزگٸ, بٸر ەيەلدەر تاقتاسىندا, رەيتينگٸ 2000-نان تٶمەن ەۋەسقوي ويىنشىعا ارنالعان بٸر تاقتادا باق سىناستى.
كوماندالىق كٷمٸس جٷلدە مەن التى جەكە مەدالدٸ قانجىعاسىنا بايلاعان قازاقستان ٶزٸنٸڭ ەلەمدٸك دەڭگەيدەگٸ شاحمات مەكتەبٸ بار ەل ەكەنٸن كٶرسەتتٸ. بٸزدٸڭ سپورتشىلار قۇندى تەجٸريبە الۋمەن قاتار, ەڭ بەدەلدٸ تۋرنيرلەردە جوعارى ورىندارعا شىعۋ ٷشٸن جارىسقا تٷسۋگە قابٸلەتتٸ ەكەندٸكتەرٸن دەلەلدەدٸ.
