قر ٸٸم باسشىسى قالمۇحامبەت قاسىموۆ لومباردتاردىڭ جۇمىسىنا قاتىستى تىڭ اقپاراتتارمەن بٶلٸستٸ, دەپ حابارلايدى "ۇلت اقپارات".
«قىلمىستارعا, ونىڭ ٸشٸندە ۇيالى تەلەفوندارعا قاتىستى پروبلەمالار بار. تەك قانا الماتىنىڭ ٶزٸندە 4500 تەلەفون ۇرلاۋ دەرەگٸ تٸركەلدٸ. نەلٸكتەن? سەبەبٸ بازاردىڭ انا بۇرىشىندا تۇرىپ تەلەفون ۇرلاپ, كەلەسٸ بۇرىشىندا ونى ساۋداعا اينالدىرادى. بٸزدٸڭ وپەراتورلار تۋرا سول كەزدە ەسەپكە قويادى. بۇل ەۋروپا دا مٷمكٸن ەمەس دٷنيە. ال بٸزدە مٷمكٸن... سول سەبەپتٸ, بٸزدە تەلەفون ۇرلاۋمەن اينالىساتىندارعا جول اشىق», - دەدٸ مينيستر الماتىدا ٶتكەن قازاقستان رەسپۋبليكاسى مەن رەسەي فەدەراتسيياسى ٸشكٸ ٸستەر مينيسترلٸگٸ ەرٸپتەستٸگٸنٸڭ تٶرتٸنشٸ وتىرىسى بويىنشا ٶتكەن بريفينگتە.
مينيستر 2019 جىلدىڭ 1 قاڭتارىنان باستاپ ازاماتتاردىڭ بارلىعى تەلەفوندارىن جسن ارقىلى تٸركەۋگە مٸندەتتەلەتٸندٸگٸ تۋرالى ايتتى. وسىنىڭ ارقاسىندا ۇيالى تەلەفون ۇرلىعى ازايۋى تيٸس. بٷگٸندە ۇيالى تەلەفون ۇرلاۋ بارلىق جاسالاتىن قىلمىستىڭ 15-20 % قۇرايدى.
«لومباردتار بٸزدە ەشبٸر زاڭدى نەگٸزسٸز جۇمىس ٸستەپ كەلگەن. 1997 جىلى ۇلتتىق بانك ولاردىڭ جۇمىستارىنا قاتىستى قاۋلى قابىلداعان. بۇل قۇجات قازٸر ەسكٸردٸ. بىلايشا ايتقاندا, لومباردتار ۇرلانعان مٷلٸكتٸ ساتۋ ورنىنا اينالدى. ۇرلىق جاساپ, مٷلٸكتٸ لومباردتا ٶتكٸزٸپ جٸبەرۋگە بولادى. بۇل باسقا ەلدەردە مٷمكٸن ەمەس دٷنيە. بٸز رەسەي, گەرمانييا, ٶزبەكستان ەلدەرٸنٸڭ تەجٸريبەلەرٸن قارادىق. سوندىقتان تيٸستٸ زاڭعا ٶزگەرتۋلەر ەنگٸزدٸك. مامىردا قابىلدانعان زاڭعا سەيكەس قر ۇەم لومباردتار تۋرالى قاۋلى دايىنداپ جاتىر. ەندٸ لومباردتار مٷلٸك ٶتكٸزەتٸندەردٸ سۋرەتكە تٷسٸرەتٸن بولادى. وسىلايشا بٸز مٷلٸكتٸ زاڭدىلىعىن تەكسەرەمٸز. بولاشاقتا قىلمىسكەرلەر لومباردقا ۇرلانعان زات ٶتكٸزبەيتٸن بولادى», - دەدٸ قالمۇحامبەت قاسىموۆ.
