حالىقارالىق قاۋىمداستىق مويىنداعان ليۆييانىڭ ۇلتتىق كەلٸسٸم ٷكٸمەتٸ رەسەيلٸك ''ۆاگنەر" جەكە ەسكەري توبىنىڭ ساربازدارىن تريپوليدە حيمييالىق قارۋ قولداندى دەپ ايىپتادى. بۇل اقپاراتتى Al-Araby Al-Jadeed باسىلىمى جازدى. ليۆييانىڭ ٸشكٸ ٸستەر مينيسترٸ فاتحي باشاگيدٸڭ ايتۋىنشا, گەنەرال حاليف حافتار جاعىندا سوعىسىپ جاتقان رەسەيلٸك جالدامالىلار تريپوليدٸڭ وڭتٷستٸگٸندەگٸ سالاح اد-دين اۋدانىندا جٷيكەنٸ جانسىزداندىراتىن گاز قولدانعان.
مينيستردٸڭ ايتۋىنشا, ٷكٸمەت كٷشتەرٸنٸڭ بٸرنەشە ساربازىنا سنايپەر اتىلعاننان كەيٸن جٷيكەلەرٸ جانسىزدانعان. باشاگا مۇنداي نەرسە "ۆاگنەر" توبىنان باسقا ەشكٸمنٸڭ قولىنان كەلمەيدٸ دەپ سانايدى. Al-Araby Al-Jadeed ماقالادا وقيعانىڭ قاشان بولعانىن جازباعان.
جاقىندا ەگيپەتتٸك جۋرناليست امرۋ سالاحۋددين Twitter-دە حافتار ەسكەرٸ سالاح اد-دينگە بومبا تاستاعاننان كەيٸن جەرگە قۇلاعان بٸرنەشە ساربازدىڭ قالشىلداپ تىنىس الا الماي قالعانىن جازعان. بۇعان دەيٸن ەكٸ جاقتا سوعىسىپ جاتقان ۇشقىشتاردىڭ بٸر بٶلٸگٸ ٶزگە ەلدەن كەلگەن جالدامالىلار ەكەنٸ حابارلانعان ەدٸ.
ليۆيياداعى ازاماتتىق سوعىس 2011 جىلدان بەرٸ جالعاسىپ كەلەدٸ. مۋاممار كاددافي رەجيمٸ قۇلاعان سوڭ ەلدەگٸ فراكتسييالار بيلٸككە تالاسىپ جاتىر. حافتاردىڭ كٷشٸ ەلدٸڭ شىعىسىن, بۇۇ مويىنداعان سارادج ٷكٸمەتٸ ەل استاناسى تريپولي مەن ونىڭ ماڭايىن ۇستاپ وتىر.
سارادج بيلٸگٸن تٷركييا قولداپ, بۇعان دەيٸن ليۆيياعا ەسكەر جٸبەرگەن. حافتاردى ەگيپەت پەن باە قولدايدى. حافتارعا رەسەيدەن كەلگەن جالدامالى ەسكەرلەر دە كٶمەكتەسٸپ جاتىر دەگەن اقپارات تاراعان. بٸراق مۇنى مەسكەۋ جوققا شىعارىپ, ەكٸ تاراپتى دا قولدامايتىنىن مەلٸمدەدٸ.
Intelligence online سايتىنىڭ جازۋىنشا, حافتار ەسكەرٸ سوۆەتتٸك قارۋ-جاراقتاردى پايدالانادى. سايتتىڭ حابارلاۋىنشا, مىسالى, سۋ-27 ۇشاعىن مەسكەۋدٸڭ ماقۇلداۋىنسىز ساتىپ الۋ مٷمكٸن ەمەس.
حافتار ەسكەرٸ 2019 جىلى سەۋٸر ايىندا تريپوليگە شابۋىل جاساپ, الايدا قالانى الا الماعان.
رەسەي بيلٸگٸ "ۆاگنەر" جەكە ەسكەري توبىنىڭ بارىن جوققا شىعارادى.
