ليتۆادا كوروناۆيرۋس ينفەكتسيياسىنىڭ تارالۋىنا بايلانىستى قايتادان جالپىۇلتتىق كارانتين ەنگٸزٸلدٸ. بۇل رەجيم رەسمي تٷردە سەنبٸ كٷنٸ كٷشٸنە ەنٸپ, كەم دەگەندە ٷش اپتاعا سوزىلادى. ودان كەيٸن ەل ٷكٸمەتٸ ەرٸ قاراي شەشٸم قابىلداۋ ٷشٸن جاعدايدى باعالايدى, دەپ حابارلايدى تاسس اگەنتتٸگٸ.
ەندٸگٸ شەكتەۋ بۇعان دەيٸن ناۋرىز ايىنىڭ ورتاسىنان ماۋسىمنىڭ ورتاسىنا دەيٸن ەنگٸزٸلگەن شەكتەۋگە قاراعاندا قاتاڭ بولمايدى. ول كەزدە ەلدەگٸ تٸرشٸلٸك توقتاپ قالعان بولعان. دەرٸحانالار مەن ساۋدا ورتالىقتارىنان باسقا بارلىق ورىن جابىلعان.
الايدا ەندٸ ادامدار قوعامدىق جەردە ٷنەمٸ ماسكا تاعىپ جٷرۋگە مٸندەتتٸ بولادى. بارلىق بۇقارالىق شارا توقتاتىلدى. مۇراجاي, تەاتر, كينوتەاتر, ٶزگە دە مەدەني مەكەمەلەر جابىلدى. دەمحانالار مەن مەيرامحانالار ەندٸ تاماقتى تەك جەتكٸزٸپ بەرۋمەن شەكتەلەدٸ. دٷكەندەر مەن قىزمەت كٶرسەتۋ كەسٸپورىندارى كليەنتتەردٸ 10 شارشى مەترگە بٸر ادامنان عانا قابىلدايدى. ٸس جٷزٸندە بۇل وندا قىزمەتكەرلەردەن باسقا تەك بٸر كليەنت بولا الاتىنىن بٸلدٸرەدٸ. سونداي-اق, جينالاتىن ادامنىڭ سانى بەستەن اسپاۋى تيٸس.
ليتۆا پرەزيدەنتٸ جانىنداعى كوروناۆيرۋس بويىنشا ساراپشىلار كەڭەسٸنٸڭ قۇرامىنا كٸرەتٸن ليتۆا ەلٸنٸڭ دەنساۋلىق ساقتاۋ عىلىمدارى ۋنيۆەرسيتەتٸنٸڭ پروفەسسورى مينداۋگاس ستانكۋناستىڭ جۇما كٷنٸ اتاپ ٶتۋٸنشە, كارانتينسٸز ەلدە اۋرۋ جۇقتىرعاندار سانى روجدەستۆو مەرەكەسٸنە قاراي شامامەن 100 مىڭ ادامعا دەيٸن كٶبەيٸپ كەتەتٸن ەدٸ. قازٸرگٸ كەزدە بۇل كٶرسەتكٸش 20,7 ادامعا جەتكەن. ساراپشىنىڭ اتاپ ٶتۋٸنشە, كارانتين جاعدايى تۇراقتاندىرۋعا كٶمەكتەسۋٸ تيٸس.
«بٸزدٸڭ باعالاۋىمىز بويىنشا, 20 قاراشادان نەمەسە وقيعالاردىڭ دامۋىنىڭ باسقا نۇسقاسىنا سەيكەس, 27-نەن باستاپ ەلدە اۋرۋ جۇقتىرۋ وقيعالارى ازايا تٷسەدٸ», - دەدٸ ول تٸلشٸلەرگە.
قازان ايىنىڭ باسىندا ليتۆادا تەۋلٸك ٸشٸندە كوروناۆيرۋس جۇقتىرعان ادامدىڭ سانى 100-گە جەتپەيتٸن, ال 10 قازاندا بۇل كٶرسەتكٸش 200 ادامنان اسقان. 31 قازاندا پاندەمييا باستالعالى بٸر تەۋلٸك ٸشٸندە اۋرۋ جۇقتىرعان ادامداردىڭ ەڭ كٶپ سانى – 1 001 وقيعا تٸركەلگەن. جۇما كٷنٸ ول 1 656 وقيعاعا دەيٸن كٶبەيدٸ.
ليتۆادا العاشقى ادام 28 اقپاندا كوروناۆيرۋس جۇقتىرعان. ەلدە قاۋٸپتٸ ۆيرۋستان 192 ادام قايتىس بولدى, اۋرۋ جۇقتىرعان 5 454 ادام جازىلىپ شىققان. رەسپۋبليكادا وسى ۋاقىتقا دەيٸن 20 747 ناۋقاس انىقتالدى. 38,2 مىڭ ادام ٶزٸن-ٶزٸ وقشاۋلاۋ رەجيمٸندە.
