ليتۆا امەريكالىق Amazon ينتەرنەت كومپانيياسىن وراق پەن بالعا جەنە ٶزگە دە سوۆەتتٸك سيمۆول سالىنعان تاۋارلاردى ساتپاۋعا شاقىردى. ۆيلنيۋس مۇنداي سيمۆولدى تاراتۋ سوۆەتتٸك رەجيم قۇرباندارىن قۇرمەتتەمەۋ بولادى دەپ سانايدى.
اراسىندا بۇرىنعى سسسر ىقپالىندا بولعان ەلدەردٸڭ ٶكٸلدەرٸ دە بار ەۋروپارلامەنتتٸڭ 27 دەپۋتاتى اشىق حاتتا بٷگٸندە كەلمەسكە كەتكەن سوۆەت وداعىمەن بايلانىستىرىلاتىن وراق پەن بالعا بەلگٸسٸ بار تاۋارلاردى Amazon پلاتفورماسىندا ساتۋدى دوعارۋدى تالاپ ەتكەن. حاتتا ەلگٸندەي بەلگٸ مىسالى, جەيدەلەردە, كوستيۋمدەردە, تۋلار مەن كەدەيسىي رەتٸندە ساتىلاتىن تاۋارلاردا بارى ايتىلعان.
"بٸزدٸڭ پلانەتامىزدا زومبىلىق تاراپ جاتىر, سوندىقتان ەشكٸم دە ونداي سيمۆولدارعا, تٸپتٸ "كٷلكٸلٸ" بوپ كٶرٸنسە دە, بەي-جاي قاراماۋى تيٸس" دەپ جازعان Amazon كومپانيياسىن قۇرعان دجەفف بەزوسقا ليتۆانىڭ بۇرىنعى پرەزيدەنتٸ ۆيتاۋتاس لاندسبەرگيس.
ليتۆانى سوۆەت وداعى تارايتىن تۇستا باسقارعان 86 جاستاعى لاندسبەرگيس امەريكالىق كەسٸپكەردٸڭ نازارىن Amazon كومپانيياسى ساۋداعا شىعارعان زاتتار اراسىنداعى "ەسكەري قىلمىستار جاساپ, گيتلەرلٸك رەجيممەن بٸرگە گەنوتسيد جٷرگٸزگەن سسسر-دٸڭ كوممۋنيستٸك زۇلىمدىق" سيمۆولدارىنا اۋدارعان.
ليتۆا سىرتقى ٸستەر مينيسترٸ ليناس لينكياۆيچيۋس بۇرىنعى پرەزيدەنتتٸڭ حاتىنا قولداۋ بٸلدٸرٸپ, Amazon كومپانيياسىنان سوۆەت سيمۆولدارى بار زاتتاردى ساۋدادان الىپ تاستاۋدى سۇراپ ديپلوماتتار دا ٶتٸنٸش جاساعانىن ايتتى دەپ حابارلايدى AFP.
لاندسبەرگيس بۇل حاتىن سسسر مەن ناتسيستٸك گەرمانييا اراسىندا جاسالعان "مولوتوۆ - ريببەنتروپ" پاكتٸسٸنە قول قويىلعانىنا 80 جىل تولار قارساڭىندا جازدى. اتالعان پاكتٸگە سەيكەس, 1939 جىلى سوۆەت وداعى مەن گەرمانييا شىعىس جەنە ورتالىق ەۋروپانى ٶزارا بٶلٸسكە سالۋعا كەلٸسكەن. وسى قۇجاتقا قول قويىلعاننان كەيٸن 1940 جىلى سوۆەت ەسكەرٸ ليتۆا, لاتۆييا مەن ەستونييانى باسىپ الىپ, بۇل ٷش ەلدٸ سسسر قۇرامىنا كٸرگٸزگەن.
