مەجٸلٸس دەپۋتاتى ەرلان سايروۆ ٷكٸمەت پەن باس پروكۋراتۋرادان ەستەتيكالىق مەديتسينا سالاسىنداعى باقىلاۋدى كٷشەيتۋدٸ تالاپ ەتتٸ, دەپ حابارلايدى ult.kz.
اقتاۋ مەن الماتىدا ليپوساكتسييادان كەيٸن ناۋقاستاردىڭ قايتىس بولۋى قوعامدا ٷلكەن رەزونانس تۋدىردى. دەپۋتاتتىڭ ايتۋىنشا, بۇل جاعدايلار جەكەلەگەن وقيعا عانا ەمەس, ازاماتتاردىڭ قاۋٸپسٸزدٸگٸنە, مەديتسينالىق قىزمەت ساپاسىنا جەنە مەملەكەتتٸك باقىلاۋ تيٸمدٸلٸگٸنە قاتىستى جٷيەلٸ مەسەلەنٸ كٶرسەتەدٸ.
ەرلان سايروۆ 2024 جىلى مەجٸلٸس دەپۋتاتتارى زاڭسىز مەديتسينالىق قىزمەت, جالعان مامانداردىڭ كٶبەيۋٸ جەنە پلاستيكالىق حيرۋرگييا مەن كوسمەتولوگييا سالاسىنداعى باقىلاۋدىڭ ەلسٸزدٸگٸ مەسەلەسٸن كٶتەرگەنٸن ەسكە سالدى. سول كەزدە ٷكٸمەت تە سالادا ەلەۋلٸ زاڭبۇزۋشىلىقتار بارىن مويىنداعان.
«تەك 2023 جىلدىڭ ٶزٸندە زاڭسىز مەديتسينالىق قىزمەت كٶرسەتكەنٸ ٷشٸن 674 ەكٸمشٸلٸك حاتتاما تولتىرىلعان. ال ساپاسىز كوسمەتولوگييالىق جەنە پلاستيكالىق پروتسەدۋرالارعا قاتىستى شاعىمدار سانى ەكٸ ەسەگە جۋىق ٶسكەن. تەكسەرٸلگەن جاعدايلاردىڭ 60 پايىزدان استامىندا زاڭبۇزۋشىلىقتار انىقتالعان.
سونىمەن قاتار بٷگٸندە قازاقستاندا پلاستيكالىق حيرۋرگييامەن اينالىساتىن شامامەن 260 مەديتسينالىق ۇيىم بار. ال ەستەتيكالىق مەديتسينا نارىعى قارقىندى دامىپ, اينالىمى ونداعان ميلليارد تەڭگەگە جەتٸپ وتىر», – دەدٸ دەپۋتات.
بٷگٸندە قازاقستاندا پلاستيكالىق حيرۋرگييا قىزمەتٸن كٶرسەتەتٸن شامامەن 260 مەديتسينالىق ۇيىم بار. ەستەتيكالىق مەديتسينا نارىعى ونداعان ميلليارد تەڭگەگە جەتٸپ, قارقىندى ٶسٸپ كەلەدٸ.
دەپۋتات سوڭعى قايعىلى وقيعالار مەسەلەنٸڭ ەلٸ كٷنگە دەيٸن شەشٸلمەگەنٸن جەنە ونىڭ جٷيەلٸ سيپات العانىن اتاپ ٶتتٸ. ونىڭ سٶزٸنشە, مەسەلە تەك جاسىرىن جۇمىس ٸستەيتٸن كابينەتتەردە ەمەس, ليتسەنزيياسى بار جەكەمەنشٸك مەديتسينالىق ورتالىقتاردا دا كەزدەسەدٸ.
«ەدەمٸ جارناما مەن “جىلدام نەتيجە” ۋەدەسٸنٸڭ ارتىندا ٶرەسكەل زاڭبۇزۋشىلىقتار, جاۋاپسىزدىق جەنە ادام ٶمٸرٸنە نەمقۇرايلى قاراۋ جاتىر. مۇنداي جالعان ماماندار دەرٸگەر ماماندىعىنىڭ بەدەلٸنە نۇقسان كەلتٸرەدٸ», – دەدٸ دەپۋتات.
سايروۆتى كەيبٸر كلينيكالاردىڭ ٶرەسكەل زاڭبۇزۋشىلىقتار انىقتالعاننان كەيٸن قىزمەتٸن باسقا اتاۋمەن قايتا جالعاستىرۋى دا الاڭداتادى. ياعني, اتاۋى مەن زاڭدى تۇلعاسى ٶزگەرگەنٸمەن, مەكەنجايى مەن قىزمەتكەرلەرٸ سول كٷيٸندە قالۋى مٷمكٸن. ال باقىلاۋشى ورگاندار ٷشٸن بۇل جاڭا ليتسەنزيياسى بار باسقا كلينيكا رەتٸندە كٶرٸنەدٸ.
دەپۋتات ليپوساكتسييانىڭ قاراپايىم كوسمەتولوگييالىق پروتسەدۋرا ەمەس ەكەنٸن دە اتاپ ٶتتٸ. مامانداردىڭ پٸكٸرٸنشە, بۇل – ترومبوەمبولييا, ماي ەمبوليياسى جەنە انافيلاكتيكالىق شوك سەكٸلدٸ اۋىر اسقىنۋلار قاۋپٸ بار كٷردەلٸ حيرۋرگييالىق وپەراتسييا.
«سۇلۋلىق قۇرباندىقتى تالاپ ەتۋٸ مٷمكٸن, بٸراق ول ادام ٶمٸرٸمەن ٶلشەنبەۋٸ تيٸس», – دەدٸ ەرلان سايروۆ.
سونداي-اق دەپۋتات ەل بويىنشا ەستەتيكالىق وپەراتسييالاردان كەيٸنگٸ اسقىنۋلار مەن ٶلٸم-جٸتٸم ستاتيستيكاسىنىڭ اشىق جارييالانباي وتىرعانىنا الاڭداۋشىلىق بٸلدٸردٸ.
وسىعان بايلانىستى ول بٸرنەشە ۇسىنىس ايتتى:
– پلاستيكالىق حيرۋرگييا جەنە ەستەتيكالىق مەديتسينا قىزمەتٸن كٶرسەتەتٸن جەكەمەنشٸك ۇيىمدارعا كەشەندٸ تەكسەرۋ جٷرگٸزۋ;
– ليتسەنزييا بەرۋ تەرتٸبٸن جەنە زاڭبۇزۋشىلىق انىقتالعاننان كەيٸن قايتا اشىلاتىن كلينيكالاردى باقىلاۋدى كٷشەيتۋ;
– ەستەتيكالىق وپەراتسييالاردان كەيٸنگٸ اسقىنۋلار مەن ٶلٸم-جٸتٸم بويىنشا اشىق ستاتيستيكا جارييالاۋ;
– ەلەۋمەتتٸك جەلٸلەر مەن ينتەرنەتتەگٸ مۇنداي قىزمەتتەردٸڭ جارناماسىن باقىلاۋدى كٷشەيتۋ;
– باس پروكۋراتۋرا تاراپىنان جەكەمەنشٸك كلينيكالارعا اۋقىمدى تەكسەرۋ ۇيىمداستىرۋ.
دەپۋتاتتىڭ ايتۋىنشا, قازٸرگٸ جاعدايدا باستى مەسەلە – ازاماتتاردىڭ ٶمٸرٸ مەن دەنساۋلىعىن قورعاۋ جەنە ەستەتيكالىق مەديتسينا سالاسىنداعى جاۋاپكەرشٸلٸكتٸ كٷشەيتۋ.
ەسكە سالايىق, مامىر ايىندا پلاستيكالىق وتا جاساتۋ كەزٸندە الماتى جەنە اقتاۋ قالالارىندا ەكٸ ادام قايتىس بولدى. ولاردىڭ بٸرٸ 53 جاستاعى بلوگەر سەۋلە بازارحان, ەكٸنشٸسٸ 49 جاستاعى اقتاۋلىق دەپۋتات ەربول ايتۋوۆ ليپوساكتسييا جاساتۋ كەزٸندە كٶز جۇمعان.
