.jpg)
«استانا وپەرا» سوليسٸ لەيلا الامانوۆا يتالييادا دجواككينو روسسينيدٸڭ «رەيمسكە ساياحات نەمەسە «التىن ليلييا» قوناق ٷيٸ» سپەكتاكلٸندە زور جەتٸستٸكپەن ٶنەر كٶرسەتتٸ. قويۋشى ديريجەر رەتٸندە ماركو حريبەرنيك, رەجيسسەر رەتٸندە مارين بلاجەۆيچ تەر تٶكتٸ. سپەكتاكلدەر سلوۆەنييا مەن يتالييا شەكاراسىنداعى گوريتسييا قالاسىندا ٶتٸپ, ەرتٸستەردٸڭ جارقىن حالىقارالىق قۇرامى مەن سىنشىلاردىڭ شاتتانعان پٸكٸرلەرٸن جينادى.
لەيلا الامانوۆا ٷشٸن بۇل «رەيمسكە» العاشقى ساياحات ەمەس. مادام كورتەزە پارتيياسىن ول بٸرنەشە جىل بۇرىن اڭىزعا اينالعان پەزارو وپەرا فەستيۆالٸنە قاتىسقان كەزدە ورىنداعان ەدٸ.
"ەلبەتتە, وسى سپەكتاكلدە ساحناعا قايتا شىعۋ ٷشٸن تولقىعانىم راس, بۇل جولى باسقا ساحنا جەنە ايتۋلى قۇرام بولدى. بۇرىن بٸرگە ٸستەگەن ەرٸپتەستەرٸممەن قايتا جولىقتىق. بۇل دەگەن ناعىز باقىت قوي", - دەيدٸ ەنشٸ.
الايدا تانىس پارتييا بولسا دا, بۇل رٶلدٸ جەڭٸل دەپ ايتۋعا بولمايدى. دج.روسسيني داۋىسقا دا, تەحنيكاعا دا «تالاپشىل».
"پارتييا ٶتە ويناقى, كەڭ دياپازون مەن جوعارى تەسسيتۋرانى تالاپ ەتەدٸ. مەنٸڭ كەيٸپكەرٸم بٷكٸل سپەكتاكل بويى ساحنادا جٷرەدٸ ەرٸ ۆوكالدىق تۇرعىدان دا وڭاي ەمەس. بٸراق قولىمنان كەلدٸ دەگەن ويدامىن. ماعان رەجيسسەر قويعان تاپسىرمانى ورىنداۋ ماڭىزدى بولدى".
سپەكتاكلدٸڭ ٶزٸ ۆوكالدىق قانا ەمەس, اكروباتيكالىق سىناققا اينالدى. رەجيسسەردٸڭ تٷپكٸ ويىنا سەيكەس بارلىق ستسەنوگرافييا بيٸك, الاسا, سىرعاناق, قوزعالمالى باسپالداقتاردان تۇردى. ەرتٸستەر ولاردى كٶرٸنٸس كەزٸندە جىلجىتىپ, تٸپتٸ, سولارعا ٶرمەلەي جٷرٸپ ەن ايتتى.
"بۇل مەنٸڭ ٶمٸرٸمدەگٸ ەن ايتىپ قانا قويماي, دەنە شىنىقتىرۋمەن اينالىسۋعا تۋرا كەلگەن العاشقى قويىلىم بولار, سٸرە", - دەپ كٷلدٸ لەيلا الامانوۆا. – "بٸز سەكٸردٸك تە, ٶرمەلەدٸك تە, قيمىلدادىق تا – وسىنىڭ بەرٸندە ۆوكالدى باقىلاۋدا ۇستادىق. سەبەبٸ كٶرەرمەن قاتەلٸكتٸ كەشٸرمەيدٸ".
قيىندىققا قاراماستان, ترۋپپا رەجيسسەرمەن شىعارماشىلىق ديالوگ قۇرا وتىرىپ, قولايلى اتموسفەرادا جۇمىس ٸستەدٸ.
"بٸز قولىمىزدان كەلمەي جاتسا نەمەسە كەدەرگٸ بولسا, ونى اشىق ايتا الدىق. شەشٸمٸن بٸرگە ٸزدەدٸك. بۇل ناعىز سەرٸكتەستٸككە ۇقساس بولدى".
ل.الامانوۆانىڭ ٶنەر كٶرسەتۋٸ دە نازاردان تىس قالمادى. سپەكتاكلگە ەكٸ رەتسەنزييا جارىق كٶردٸ, وندا مۋزىكالىق سىنشىلار قازاقستاندىق ەنشٸنٸڭ ەرتٸستٸگٸ مەن جان-جاقتىلىعىن ەرەكشە اتاپ ٶتتٸ.
"بارىنشا كٶرنەكتٸ ەكٸ سوپرانو اراسىندا اقىن كوريننانىڭ ەندەرٸندەگٸ يرەن چەللەنٸڭ تالعامپازدىلىعى ينەس لورانستىڭ ورىنداۋىنداعى كٷلكٸلٸ, بٸراق شامادان تىس دولى گرافينيا فوللەۆيلدەن ۇنامدىراق بولار. الايدا ەكٸ ادام اراسىندا داۋ تۋىنداعاندا, ەدەتتەگٸدەي, ودان ٷشٸنشٸسٸ پايدا كٶرەدٸ: لەيلا الامانوۆانىڭ ورىنداۋىنداعى مادام كورتەزە ودان دا جاقسى ەستٸلەدٸ – ۆوكالدىق تۇرعىدا سەنٸمدٸ جەنە شەبەرلٸكپەن بابىن تاۋىپ, ٶزٸنٸڭ تالاپشىل قوناقتارىن باسقارا الاتىن قوناق ٷي قوجايىنى رٶلٸندە ٶتە دەل بەينەگە ەنەدٸ", - دەپ مۋزىكالىق سىنشى پاولو پاتريتسيدٸڭ ماقالاسىندا جازىلعان.
"يتالييا مەن سلوۆەنييا جۇرتشىلىعىنىڭ رەاكتسيياسى ٶتە قىزۋ بولدى", - دەيدٸ لەيلا الامانوۆا. - زالدا كٶپتەگەن ماڭىزدى ادامدار بولدى, بۇل رەتتە ٶتە جىلى اتموسفەرا ورنادى.
ال سپەكتاكلدەن كەيٸن ەنشٸگە شەتەلدە ٶنەر كٶرسەتۋگە بٸرنەشە جاڭا ۇسىنىستار كەلٸپ تٷستٸ, قازٸرگٸ ۋاقىتتا ول ولاردى قاراستىرۋدا.
"مۇنداي جوبالار شىنىمەن كٶكجيەكتٸ كەڭەيتەدٸ. بۇل ٷيرەنشٸكتٸ جايلىلىق ايماعىنان شىعىپ, كەسٸبي تۇرعىدان ٶسۋ مٷمكٸندٸگٸن بەرەدٸ".
ەسكە سالا كەتەيٸك, «استانا وپەرا» سوليسٸ لەيلا الامانوۆا كٷلەش بايسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸنٸڭ تٷلەگٸ (دوتسەنت تاتيانا رۋدنەۆانىڭ كلاسى), سودان كەيٸن بەلكانتونىڭ تٶل بەسٸگٸ – پەزاروداعى دجواككينو روسسيني اتىنداعى مەملەكەتتٸك كونسەرۆاتورييادا, سونداي-اق وزيمو ٶنەر اكادەميياسىندا ٶز جولىن جالعاستىردى. 2022 جىلى ول تانىمال Accademia Rossiniana – جاس جۇلدىزدار ۇستاحاناسىنىڭ قاتىسۋشىسى بولدى.
